Աստղեր, որոնց կործանել են թմրանյութերը (լուսանկարներ)

Past.am

Թմրանյութերն ունակ են կործանել իրենց ճանապարհին ամեն ինչ ու բոլորին։ Լինես հասարակ մարդ, թե հանրահայտ աստղ, միույնունն է, թմրանյութերով տարվելով՝ կործանում ես քեզ ու այն ամենն, ինչ կապված է քեզ հետ։ Ահա մի քանիսը այն մեծաթիվ հանրահայտ աստղերից, որոնք մահացել են թմրանյութերի հետեւանքով։

Մերիլին Մոնրո   «Երբ ես փոքր էի, ոչ ոք ինձ չէր ասում, որ ես գեղեցիկ եմ։ Բոլոր երեխաներին պետք է ասել, որ իրենք շատ գեղեցիկ են, անգամ եթե դա այդպես չէ»։ 1962-ի օգոստոսի 4-ին հանրահայտ երգչուհի եւ դերասանուհի Մերիլին Մոնրոն հայտնաբերվեց իր տանը՝ մահացած։ Երիտասարդ գեղեցկուհու մահվան պատճառը թմրանյութերի գերդոզավորումն էր։

Ջուդի Գարլենդ  «Միշտ ինքդ քեզ համար լավագույն տարբերակը եղիր, ոչ թե ինչ-որ մեկի երկրորդական կրկնօրինակը» 1969-ի հունիսի 22-ին «Օզ երկրի հրաշագործը» ֆիլմում Դորոթիին մարմնավորող դերասանուհի Ջուդի Գարլենը հայտնաբերվեց սեփական բնակարանի լոգարանում՝ մահացած։ Պատճառը՝ թմրանյութի չարաշահում։

Կորնի Մոնտեյլ  «Ես չպետք է սարսափելի հայտնի լինեմ իմ կյանքով, որպեսզի այն իմաստ ունենա» Կանադացի երաժիշտն ու դերասանը թմրանյութերի հետ խնդիր ուներ դեռեւս վաղ մանկությունից։ Արդեն 19 տարեկանում նա փորձել էր թմրանյութերի բոլոր տեսակները։ 2013-ի հուլիսի 13-ին նրան հայտնաբերեցին մահացած Վանկուվերի հյուրանոցներից մեկի համարում։ Նա մահացել էր հերոինն ու ալկոհոլը խառնելու արդյունքում։

 

Բիլլի Հոլիդեյ  «Ես երբեք ինձնից բացի ոչ ոքի ցավ չեմ պատճառի, բայց ինձ ցավ պատճառելն իմ գործն է» Ջազային հայտնի երգչուհի Հոլիդեյը 30-ից հետո առողջական խնդիրներ ուներ՝ թմրանյութերի պատճառով։ Նրան մեկ անգամ չէ, որ ձերբակալել էին թմրանյութ պահելու եւ օգտագործելու համար։ Նա շատ էր խմում, ինչն էլ ի վերջո ազդեց նրա ձայնի վրա՝ նա այլեւս չէր կարողանում երգել։ 44 տարեկանում նա մահացավ Նյու-Յորքում, երբ արդեն անհույս թմրամոլ էր։

Վլադիմիր Վիսոցկի  «Բարձրյալի առաջ կանգնելով՝ գիտեմ, թե ինչով եմ արդարանալու» Ռուս անկրկնելի այս երաժիշտը երկար տարիներ տառապում էր ալկոհոլային կախվածությունից։ Երբ նրա մոտ երիկամների խնդիրներ սկսվեցին, բժիշկները նրան թմրանյութեր պարունակող դեղամիջոցներ նշանակեցին, ինչի արդյունքում Վիսոցկին ալկոհոլը մորֆիով փոխարինեց։ 1980 թվականի հուլիսի 25-ին Վիսոցկին մահացավ իր տանը՝ սրտի սուր անբավարարությունից։

Ջիմմի Հենդրիկս «Ես ազատ եմ, միայն այն պատճառով, որ աշխատում եմ» 1970 թվականին ամերիկյան լեգենդար կիթառահարը խեղդվեց եւ մահացավ սեփական փղձուկից՝ թմրանյութեր օգտագործելու արդյունքում։

 

 

Էլվիս Փրեսլի «Ինձ թվում է՝ ես վերածվել եմ դոլլարի նշանի։ Արդյունքում բոլորը կորցրել են Էլվիսի կերպարը» 1977-ի օգոստոսի 16-ին երգիչը մահացավ իր բնակարանի լոգասենյակում։ Տարբեր թմրամիջոցների խառնուրդ ընդունելու արդյունքում նրա սիրտը կանգ էր առել։

Կուրտ Քոբեյն «Ավելի լավ է մռայլ եւ երազկոտ լինել, քան անուղեղ խրախճանքների տրվել» Nirvana-ի հայտնի անդամին մահացած հայտնաբերեցին իր տանը։ Նա ինքնասպան էր եղել՝ կրակելով իր գլխին, իսկ արյան մեջ ահռելի քանակությամբ հերոյին հայտնաբերվեց։

 

Էմմի Ուայնհաուս «Իմ տարիքի բազմաթիվ մարդիկ ահռելի ժամանակ են կորցնում՝ խորհելով, թե ինչ են անելու հաջորդ 5 տարիներին։ Իսկ ես այդ ժամանակն անց եմ կացնում խմելով» 2011-ի հուլիսի 23-ին 27-ամյա երգչուհուն մահացած գտան իր տանը։ Նա երկար ժամանակ տառապում էր թմրանյութերից ու ալկոհոլից կախվածությունից։

Ուիտնի Հյուսթոն «Ես շատ փող ունեի, եւ միայն Աստված գիտի, թե այդ ամենի վրա ինչքան ժամանակ գնաց։ Ժամանակ կար, երբ ես կարող էի մի քանի օր նստել ու հեռուստացույց դիտել՝ թմրամիջոցներ ծխելով։ Ես շուրջս ամեն ինչ մոռանում էի» 2012-ի փետրվարին երգչուհուն մահացած հայտնաբերեցին հյուրանոցի լոգարանում։ Նա կոկաին էր օգտագործել ու խեղդվել լոգարանում։ Կարճ ժամանակ անց նրա դուստրը մոր ճակատագրին արժանացավ։