Ինչպե՞ս չի կարելի լիցքավորել սմարթֆոնը, եթե չեք ուզում հրդեհ առաջացնել
ЛАЙФՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Սմարթֆոնը բարձի տակ լիցքավորելը շատ վատ գաղափար է, քանի որ այն կարող է բռնկվել. երբ սարքը բարձի տակ է, օդի շրջանառությունը վատանում է և այն սկսում է գերտաքանալ, զգուշացնում է Ռուսաստանի լուսավորության պետական համալսարանի թվային զարգացման և տեղեկատվական տեխնոլոգիաների գծով պրոռեկտոր Վիտալի Սավչենկոն։
NEWS.ru-ին տված հարցազրույցում Սավչենկոն նշել է, որ մարտկոցի գերտաքացումը կարող է հանգեցնել հրդեհի՝ լուրջ վտանգ ներկայացնելով առողջությանն ու կյանքին։ Բացի դրանից՝ բարձի նյութերը շատ դյուրավառ են, ինչը մեծացնում է հրդեհի վտանգը, եթե հեռախոսը լիցքավորեք բարձի տակ:
Փորձագետը նաև մատնանշել է այլ ռիսկեր։
Ցածր ջերմաստիճան
Ցածր ջերմաստիճանի պարագայում լիցքավորումը դանդաղեցնում է մարտկոցում քիմիական պրոցեսները, ինչը նվազեցնում է դրա հզորությունն ու աշխատանքը։ Սառը սարքը տաք սենյակ տեղափոխելիս պատյանի ներսում կարող է խտացում առաջանալ, ինչը կհանգեցնի կարճ միացման:
Լիցքավորում ամպրոպի ժամանակ
Կայծակը կարող է հանգեցնել հոսանքի լարման բարձրացման, ինչը կարող է վնասել ձեր լիցքավորիչը և սմարթֆոնը: Երբ կայծակը հարվածում է էլեկտրասնուցման լարին, դա կարող է վերացնել մեկուսացումը և արդյունքում օգտատերը կարող է էլեկտրահարվել։
Առավել մանրամասն` այստեղ.
https://t.me/armenia24live