Փոքր քաղաքում լուրերը շատ արագ են տարածվում. PAPARAZZI.AM-ի պատասխանն Արթուր Վարդանյանին

Փոքր քաղաքում լուրերը շատ արագ են տարածվում և դառնում քննարկման առարկա: Նախորդ շաբաթ Արթուրը հարցազրույց տվեց լրատվական կայքերից մեկին, գուցե և մի քանիսին` աղմուկ բարձրացնելով գործընկերների շրջանակներում: Մեզ էլ՝ Paparazzi.am-ի նախկին աշխատակազմին, մեր բաժինը հասավ:

 

Նրա հարցազրույցի մեջ կար և՛ սխալ, և՛ ճիշտ տեղեկություն: Սիրելի՛ օգտատերեր, գործընկերնե՛ր, խնդրով հետաքրքրվող կամ անտարբեր մարդի՛կ, հիմա էլ իմացեք ճշմարտությունը Paparazzi.am-ի <<փակման>> վերաբերյալ:

 

Մոտ երկու տարի առաջ լուսաբանման նտապատակով Արթուրին հրավիրեցինք մեր խանութ: Միայն նկարահանումից հետո պարզ դարձավ, որ տեղեկատվություն, որպես այդպիսին չի լինելու, իսկ լուսանկարներն էլ տեղադրվելու են միայն Paparazzi.am-ի ֆեյսբուքյան էջում: Դա իհարկե զարմացրեց մեզ, բայց և այնպես միքտ առաջացրեց Արթուրի հետ համագործակցել, վերաբացել կայքը նոր ոճով ու շնչով: Ստեղծեցինք փոքրիկ աշխատախումբ, որը սրտացավ կերպով փորձում էր Paparazzi.am անվանումը նոր որակի հասցնել: Արթուրից պահանջվում էր միայն Paparazzi.am ինտերնետային հասցեն /դոմեյնը/ և իր լուսանկարչական ծառայությունները: Սկսեցինք աշխատել ի զարմանս այն բոլոր մարդկանց հորդորների, որ չարժե Արթուրի հետ աշխատել, քանի որ հայտնի էր Արթուրի կոնֆլիկտային հարաբերությունները իր գործընկերների հետ և առաջարկներ ստացանք այլ բրենդի տակ աշխատել: Չլսեցինք… : Ժամանակի ընթացքում բարձրացրեցինք կայքի որակը, վստահություն ձեռք բերեցինք մեր օգտատերերի և պատվիրատուների մոտ: Ոգևորություն նկատվում էր բոլորի մոտ, բացի Արթուրից, ով նկարահանումներին գրեթե միշտ ներկայանում էր ուշացած, անտարբեր, և այնպես էր անում իր գործը, որ վերջում լինում էին դեպքեր, որ պատվիրատուները մնում էին դժգոհ իրենց լուսանկարներից: Ինչևէ, կայքում աշխատող աղջիկները փորձում էին ամեն կերպ քողարկել այդ բացթողումները գեղեցիկ նյութերի և հավելյալ պոստերի միջոցով: Որոշ ժամանակ աշխատելուց հետո Արթուրը պարբերաբար փորձում էր ինչ-որ պայմաններ փոխել աշխատանքում՝ հարմարեցնելով իրեն: Արդյունքում իր անփոխարինելիության վարկածը առաջ տալով՝ որոշեց հրաժարվել կայքում լուսանկարչի իր աշխատանքից: Շուրջ մեկ տարի է ինչ Արթուրը Paparazzi.am-ի լուսանկարիչը չէ, այսինքն Paparazzi.am-ի, ինչպես նաև ֆոտոների հետ կապ չունի: Մենք իհարկե գտանք բարձրակարգ լուսանկարիչներ, թեև ոչ այդքան հայտնի /թե Արթուրը ինչո՞վ էր հայտնի, թե ինչի՞ համար, թե ինչպե՞ս էր ստացվել, մեզ համար այդպես էլ հանելուկ մնաց/:

 

Դեկտեմբերի քսանինին, երբ բացեցինք կայքը, պարզվեց Paparazzi.am կայքի հետ ինչ-որ խնդիրներ կային, փորձեցինք պարզել դոմեյնի սեփականատեր Արթուրից, թե ինչումն էր խնդիրը: Ոչ մի պատասխան չստացանք. Նա պարզապես անջատել էր կայքը: Բայց ինչպե՞ս կարող էր մի ամբողջ աշխատախմբի երկու տարվա աշխատանքը ջուրն ընկնել նրա այդ անպատասխանատու արարքի պատճառով: Չէ՞ որ ամանորի նախաշեմին բազում պոստեր ունեինք հրապարակելու: Մենք էլ որոշեցինք կայքը վերանվանելPaparazziLife.am և շարունակել մեր թիմային գործունեությունը:

 

Դե իհարկե, շուրջ երկու տարվա գործունեության ընթացքում եղել են վճարովի, անվճար նկարահանումներ, բարտերային համագործակցություններ, բայց միևնույնն է, նախկին Paparazzi.am, այժմյան PaparazziLife.am-ի անձնակազմը վստահորեն կարող է փաստել, որ մեր յուրաքանչյուր աշխատանքին մենք վերաբերվել ենք նույն սկզբունքով՝ հնարավորինս ապահովել բարձր որակ: Եվ հիմա էլ ոչինչ չի փոխվել. այժմյան PaparazziԼife.am-ի աշխատակազմը պատրաստ է քրտնաջան աշխատելու:

 

Չմոռանաք նշել, որ երկու տարվա աշխատանքի ընթացքում երբեք կոնֆլիկտներ չենք ունեցել ոչ մի գործընկերոջ հետ: Հավելենք նաև, որ շատ կարճ ժամանակահատվածում Արթուրի հեղինակային նկարները չեն լինի PapaprazziԼife.am կայքոմ:

 

Սիրով ձեր՝ PaparazziԼife.am աշխատակազմ:b