Դատարանից պահանջում են Փաշինյանին ճանաչել ստախոս և բարոյազուրկ․ ովքե՞ր և ինչո՞ւ են դատի տվել Փաշինյանին

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Նիկոլ Փաշինյանը լրագրությունից անցավ քաղաքականություն, դարձավ բարձրաստիճան պաշտոնյա, բայց դատական գործերից չպրծավ։ Նրանից հիմա էլ՝ երկրի ղեկավարի պաշտոնում, որը սեփական խոսքի հանդեպ բարձր պատասխանատվություն է սահմանում, տարբեր քաղաքացիներ ներողություն և փոխհատուցում են պահանջում զրպարտանքի, վիրավորանքի և սուտ տեղեկությունների համար։ 

«Դատալեքս» տեղեկատվական համակարգում Փաշինյանի դեմ 17 դատական հայց կա, որոնցից ամենաթարմը Բագրատ Սրբազանի կողմից է, ինչի մասին այսօր գրել էր MediaHub-ը, որ Սրբազանը Նիկոլ Փաշինյանից պահանջում է հերքել իր հասցեին հնչեցրած զրպարտող հայտարարությունները։

Փաշինյանի դեմ դատական հայց է ներկայացրել նաև «Լևոն Դռնոյան գիտա-մշակութային հիմնադրամ» հոգաբարձուական խորհրդի նախագահ Լևոն Դռնոյանը՝ պահանջելով, որ Նիկոլ Վովայի Փաշինյանը պատասխանի իր ուղարկած հարցմանը։ Այնուհետև գալիս են քաղաքական գործիչների հայցադիմումներն ընդդեմ Փաշինյանի, որոնք ամենաշատն են այս ցանկում, օրինակ՝ Ռոբերտ Քոչարյան (2 հայց), Արթուր Վանեցյան (2 հայց), Վահագն Վերմիշյան (2 հայց), Հրայր Թովմասյան, Գագիկ Խաչատրյանն ու նրա որդին՝ Գուրգեն Խաչատրյանը, Փաշինյանի երբեմնի ընկեր և թիմակից Արթուր Դանիելյան, որը 2018 թ․ իշխանափոխությունից հետո մի տևական ժամանակ անխնա քննադատում էր Նիկոլ Փաշինյանին, իսկ պատերազմից հետո կտրուկ լռեց ու անհետացավ ասպարեզից, փաստաբան Արամ Օրբելյանը և հանրությանը անհայտ մի քաղաքացի՝ Խաչատուր Ղալեչյան անունով։ Վերջինս պետական տուրքի հետ կապված ինչ-որ վեճի շրջանակներում դատարանից պահանջում է Նիկոլ Փաշինյանին ճանաչել ստախոս և բարոյազուրկ, ինչպես նաև պարտավորեցնել իրենից ներողություն խնդրել և փոխհատուցել իրեն պատճառված բարոյական վնասի համար։ Դատարանը, սակայն, հայցը մերժել է։

Մյուսների հայցերը հիմնականում վերաբերում են Փաշինյանի իողմից իրենց պատիվն ու արժանապատվությունը ոտնահարելու դեպքերին, որոնց դիմաց դատարանից պահանջում են Նիկոլ Փաշինյանին պարտավորեցնել հերքել զրպարտչական կամ սուտ տեղեկությունները, հրապարակային ներողություն խնդրել և փոխհատուցում վճարել։ Օրինակ՝ Քաղշինկոմիտեի նախկին նախագահ Վահագն Վերմիշյանը հենց այս պահանջներով է դիմել դատարան։

ԱԱԾ նախկին տնօրեն Արթուր Վանեցյանն էլ Նիկոլ Փաշինյանից պահանջում է հրապարակայնորեն հերքել իր հասցեին հնչեցրած պատիվն ու արժանապատվությունն արատավորող և զրպարտություն հանդիսացող տվյալները և պատվին և արժանապատվությանը պատճառված վնասը փոխհատուցել։

ՊԵԿ նախկին նախագահ և ֆինանսների նախկին նախարար Գագիկ Խաչատրյանն ու նրա գործարար որդին էլ դատարանի միջոցով պահանջում են, որ Նիկոլ Վովայի Փաշինյանը ներողություն խնդրի իրենց հասցեին հնչեցրած վիրավորանք հանդիսացող արտահայտության համար և հերքի զրպարտություն հանդիսացող տեղեկությունները։

Երկրորդ նախագահ Ռոբերտ Քոչարյանի հայցերը ևս  կապված են Փաշինյանի կողմից իր հասցեին հնչեցրած վիրավորական և զրպարտչական արտահայտությունների հետ, որոնցից պաշտպանվելու համար էլ երկորրդ նախագահի փաստաբան Հայկ Ալումյանը հայց է ներկայացրել դատարան։

Իսկ Փաշինյանի նախկին թիմակից և 2016 թվականի մայիսին Փաշինյանի հետ ապրիլյան պատերազմին «մասնակցած» Արթուր Դանիելյանի պահանջը ևս Փաշինյանի կողմից իր պատվին, արժանապատվությանը կամ գործարար համբավին պատճառված վնասը հատուցելու պահանջի մասին է։ Այն դատարան է ներկայացվել դեռ 2019 թվականի մայիսին։ Սակայն, դատարանը ինչպես այս հայցը, այնպես էլ մյուս հայցերի մեծ մասը կամ մերժել է ընդունել վարույթ և վերադարձրել է հետ կամ գործը կարճել է՝ խուսափելով պատասխանատվության կանչել Նիկոլ Փաշինյանին։

Վահե Մակարյան

Առավել մանրամասն` այստեղ.

https://t.me/armenia24live