Կադրային ջարդ

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

ԲԴԽ նախագահ Կարեն Անդրեասյանը դարձավ առաջին պաշտոնյան, ով հրապարակավ հայտնեց իր հրաժարականի մասին: 

Հայաստանյան լրատվամիջոցները հայտնում են մի շարք պաշտոնանկությունների մասին։ Մասնավորապես, հաղորդվում է, որ աշխատանքից ազատվել են կամ առաջիկայում պաշտոնները կլքեն ներքին գործերի նախարար Վահե Ղազարյանը, Քննչական կոմիտեի նախագահ Արգիշտի Քյարամյանը, Հակակոռուպցիոն կոմիտեի ղեկավար Սասուն Խաչատրյանը, տարածքային կառավարման և ենթակառուցվածքների նախարար Գնել Սանոսյանը, ՊԵԿ նախագահ Ռուստամ Բադասյանը։ MediaHub-ի աղբյուրները հայտնում են՝ այս բոլոր պաշտոնյաները իսկապես դիմում են գրել, և այսօր օրվա ընթացքում կհայտարարվի այդ մասին պաշտոնապես:

Մամուլը գրում է նաև, որ իրենց պատգամավորական մանդատները վայր կդնեն «Քաղաքացիական պայմանագրից» Հովիկ Աղազարյանն ու Նարեկ Զեյնալյանը։

Իհարկե, մեծ է գայթակղությունը տեղի ունեցողը ԱԺ-ում արձանագրված մի միջադեպի հետ կապելը, երբ սկանդալի կիզակետում հայտնվեցին Քյարամյանն ու Աղազարյանը: 
Սա, իհարկե, խիստ մակերեսային կլինի:

Բացի այդ, այս վարկածը կաղում է նաև այն պատճառով, որ խորհրդարանական «բունտի» հիմնական կազմակերպիչ Անդրանիկ Քոչարյանի անունը չկա հեռացողների շարքում:

Ուրեմն, այդ միջադեպը, եթե նույնիսկ կապ ունի այս պատմության հետ, ընդամենն առիթ է:

Կառավարության վերջին նիստում Փաշինյանի կտրուկ դժգոհությունն իրավապահ մարմիններից դարձյալ բուն պատճառ չէ. վարչապետն ամենևին էլ երկու օր առաջ չիմացավ իրավապահների աշխատանքի թերությունների մասին:

Փաշինյանը ներքաղաքական սուբյեկտներից առաջինը տվեց նոր ընտրական ցիկլի մեկնարկը, երբ առնվազն խորհրդարանական ընդդիմությունը մնացել է 2021-ի խոսույթի մակարդակին:

Սա առնվազն տակտիկական հաջողություն է Փաշինյանի համար, երբ նա կրկին դառնում է օրակարգ թելադրող:

Սուրեն Սուրենյանց

Առավել մանրամասն` այստեղ. 

https://t.me/armenia24live