ՀՀ կառավարությունում տեղի է ունեցել հերթական նիստը

ՀՀ վարչապետ Հովիկ Աբրահամյանի գլխավորությամբ հունվարի 29-ին տեղի է ունեցել ՀՀ կառավարության հերթական նիստը: Այս մասին «Արմենպրես»-ին տեղեկացրին ՀՀ կառավարության տեղեկատվության եւ հասարակայնության հետ կապերի վարչությունից: 

Դյուրացվում են որակավորման վկայականների, հավաստագրերի տրամադրման գործընթացները 

Որակավորման վկայականների տրամադրման գործընթացում քաղաքացիների համար վարչարարության բեռը նվազեցնելու նպատակով  գործադիրը փոփոխություններ և լրացումներ է կատարել «Հյուրանոցային ծառայություններ մատուցելու կարգն ու պայմանները սահմանելու, հյուրանոցային տնտեսության օբյեկտների որակավորման կարգերը և որակավորման ընթացակարգը հաստատելու մասին»  որոշման մեջ: Այսպիսով՝ դիմումատուները կարող են  էլեկտրոնային եղանակով ներկայացնել դիմումներ համապատասխան որակավորման վկայական ստանալու համար: Որոշմամբ  առաջարկվում է «secret [email protected]» փոխարինել «www.e-gov.am» կայքով, որը քաղաքացիներին կտա որակավորման վկայականների տրամադրման համար ներկայացվող փաստաթղթերը էլեկտրոնային եղանակով ստորագրելու, ինչպես նաև անհրաժեշտ փաստաթղթերը «www.e-gov.am» միասնական կայքի միջոցով ներկայացնելու հնարավորություն: Կառավարությունն ընդունել է նաև համապատասխան որոշումներ էլեկտրոնային եղանակով  ՀՀ-ում թանկարժեք մետաղներ զտարկողների և թանկարժեք մետաղներ հարգորոշողների ու հարգադրոշմողների որակավորման վկայական ստանալու և Քիմբերլի գործընթացի հավաստագիր ստանալու համար: Որակավորման վկայականների,  հավաստագրերի տրամադրման գործընթացներում էլեկտրոնային համակարգի ներդրումը կնպաստի   վարչարարության կրճատմանը:

Կառավարությունը սահմանել է սոցիալական և կենսական կարևոր նշանակություն ունեցող չափման միջոցները, դրանց ներկայացվող պահանջները և շուկայահանման կարգը: Այս բնագավառում իրականացվող քաղաքականությունն ուղղված է սպառողների շահերի պաշտպանությանն` իրացվող համապատասխան արտադրանքի շուկայահանման կարգի սահմանման և, համապատասխանաբար, դրա անվտանգության ապահովման միջոցով: Որոշման նպատակն է ապահովել շուկայում առկա չափման միջոցների ճշգրտությունը, ինչը կհանգեցնի սպառողի կողմից ՀՀ օրենսդրությանը չհամապատասխանող արտադրանքի օգտագործման բացառմ անը: Արդյունքում՝ սոցիալական և կենսական կարևոր նշանակություն ունեցող չափման միջոցները շուկայահանումից առաջ կենթարկվեն առաջնային ստուգաչափման և/կամ տեսակի հաստատման:

Հարկային մարմնի կառուցվածքի բարեփոխումների անհրաժեշությամբ պայմանավորված կառավարությունը որոշել է միաձուլել Էջմիածնի ու Արմավիրի հարկային տեսչությունները՝ կազմավորելով Արմավիրի տարածքային հարկային տեսչություն, ինչպես նաև միաձուլելով Կոտայքի ու Նաիրիի տարածքային հարկային տեսչությունները՝ կազմավորել Կոտայքի տարածքային հարկային տեսչություն: Իրականացվող բարեփոխումների նպատակն է նվազագույնի հասցնել հարկային մարմնի ստորաբաժանումների թիվն` աշխատանքային ռեսուրսների արդյունավետ օգտագործման,  տեղաբաշխման և անձնակազմի օպտիմա լացման միջոցով:

Կսահմանվի հասցեի տրամադրման առավել արդյունավետ մեխանիզմ 

Օրենսդրության կարգավորման ազգային կենտրոնն (ՕԿԱԿ) ուսումնասիրել է  անշարժ գույքի կադաստրի ոլորտի կարգավորումները և ներկայացրել առաջարկություններ համապատասխան ոլորտի կարգավորող իրավական ակտերի կրճատման, պարզեցման, մասնավորապես, դրանցով սահմանված տնտեսապես ոչ արդյունավետ և աննպատակահարմար մեխանիզմների կրճատման վերաբերյալ: Մասնավորապես՝  առաջարկվել է սահմանել, որ նոր կառուցված շինություններին հասցեներ տրամադրվեն ավարտական ակտն ընդունելու ժամանակ, առանց դիմողի կողմից լրացուցիչ դիմումի ներկայացման, սահմանել  հասցե տրամեդրելու մերժման մասին որոշման վերաբերյալ դիմողին իրազեկելու ժամկետ: Առաջարկվող փոփոխությունների արդյունքում կսահմավի նոր կառուցված շինություններին հասցեի տրամադրման առավել արդյունավետ մեխանիզմ, կհստակեցվեն ժամկետները:  

ՕԿԱԿ-ը ուսումնասիրել է նաև  բնապահպանության ոլորտի կարգավորումները, մասնավորապես` թափոնների գոյացման, վերամշակման և օգտահանման օբյեկտների ռեեստրի վարման նպատակով հաշվետվությունների ներկայացման հետ կապված կարգավորումները, որոնք  սահմանված են կառավարության համապատասխան որոշումներով:  Ուսումնասիրությունների արդյունքում բացահայտվել են մի շարք խնդիրներ, մասնավորապես, օբյեկտներին հնարավորություն չի ընձեռված հաշվետվությունները և տեղեկանքները ներկայացնել էլեկտրոնային տարբերակով: Կենտրոնն առաջարկել է լիազոր մարմնի համար՝ հաշվետվությունները թերի լինելու դեպքում լրամշակման ուղարկելու համար սահմանել 5 աշխատանքային օր ժամկետ, ինչպես նաև լիազոր մարմնին ապահովել թափոններ գոյացնող, վերամշակող և օգտահանող օբյեկտների  ռեեստրային գրանցման հաշվետվությունների  էլեկտրոնային ներկայացման հնարավորություն: Նույն առաջարկություններն է ներկայացվել նաև թափոնների հեռացման վայրերի ռեեստրի վարման նպատակով ներկայացվող գրանցման թերթիկների ներկայացման կարգավորումների առումով:

ՕԿԱԿ-ի առաջարկությամբ փոփոխություններ և լրացումներ են կատարվել «Սնանկության գործով կառավարչի որակավորման կարգը հաստատելու մասին» կառավարության որոշման մեջ՝ սահմանվել  է որակավորման ստուգման համար ներկայացվող դիմումի ձևը, հստակեցվել ժամկետները: 

Նոր ԲՍՓՀ ՝Շիրակի մարզում 

Գործադիրը լրացումներ է կատարել նախկինում ընդունած որոշումներից մեկում՝  Շիրակի մարզում նոր՝ 3-րդ բժշկասոցիալական փորձաքննական հանձնաժողով ստեղծելու (ԲՍՓՀ) նպատակով: ԲՍՓՀ-ն տարեկան կփորձաքննի շուրջ 2600 անձի, ինչի արդյունքում կբարձրանա փորձաքննությունների որակը և քաղաքացիների անտեղի հերթեր չեն գոյանա: Կբարձրանա նաև բժշկասոցիալական փորձաքննության ոլորտում մատուցվող մանկական ծառայությունների որակը, այդ թվում՝ մինչև 18 տարեկան հաշմանդամություն ունեցող անձանց վերականգնողական անհատական ծրագրերի մշակման և կազմման:

Կառավարության որոշմամբ կկանոնակարգվի ՀՀ պետական կառավարման մարմինների աշխատողներին կատարողականների հիման վրա պարգևատրման գործընթացը, մասնավորապես սահմանելով աշխատողների կատարողականների կիսամյակային գնահատականների հիման վրա պարգևավճարի հաշվարկի հստակ մեխանիզմ: Կհստակեցվի նաև մեկ կիսամյակի ընթացքում  պետական իշխանության մարմնի աշխատակազմում և պետական իշխանության մի մարմնից պետական իշխանության մեկ այլ մարմին առանց աշխատանքի ընդհատման տեղափոխվելու  դեպքերում այն աշխատողների պարգևատրման չափը, ովքեր ձեռք են բերել պարգևատրման իրավունք (կատարողականի կիսամյակային գնահատականը 75 տոկոս և ավելի է):

 Կառավարության որոշմամբ աշխատանքի և սոցիալական հարցերի նախարարությանը տրվել է  աշխատակազմի անվամբ գանձապետարանում արտաբյուջետային միջոցների բանկային հաշիվ բացելու թույլտվություն՝ «Սոցիալական ոլորտի բարեփոխումների ծրագրի» ֆինանսավորումն ապահովելու նպատակով:  Ծրագրի նպատակն է օժանդակություն ցուցաբերել սոցիալական պաշտպանության ոլորտում իրականացվող բարեփոխումների գործընթացին, մասնավորապես,  երեխաների պաշտպանության բարեփոխումների  իրականացմանը, Հայաստանում ինտեգրված սոցիալական ծառայությունների հզորացման ը:  

Մատչելի գներով դիզվառելանյութ, պարարտանյութեր՝ հողօգտագործողներին 

Կառավարությունը հաստատել է ՀՀ հողօգտագործողներին 2016թ. գյուղատնտեսական աշխատանքների համար մատչելի գներով դիզելային վառելանյութի ձեռքբերման նպատակով պետական աջակցության ծրագիրը: Մարզպետարաններից ստացված տեղեկատվության համաձայն՝ դիզելային վառելանյութի նկատմամբ 2016թ. գյուղատնտեսական աշխատանքների համար պահանջարկը կազմում 6000000 լիտր, որը հողօգտագործողներին կտրամադրվի 1 լիտրը 280 դրամով:

Գործադիրը հաստատել է նաև հողօգտագործողներին 2016թ. գյուղատնտեսական աշխատանքների համար մատչելի գներով ազոտական, ֆոսֆորական և կալիումական պարարտանյութերի ձեռքբերման նպատակով պետական աջակցության ծրագիրը: Մարզպետարաններից ստացված տեղեկատվության համաձայն՝ ընթացիկ տարվա գյուղատնտեսական աշխատանքների համար պահանջարկը կազմում է 34594,3 տոննա ազոտական, 1079 տոննա ֆոսֆորական և 1574,55 տոննա կալիումական պարարտանյութեր:

Կառավարությունն ընդունել է «Գույք  նվիրաբերելու մասին» որոշում, որը   պայմանավորված է «Համայնքների գյուղատնտեսական ռեսուրսների կառավարման և մրցունակության» ծրագրի շրջանակում ձեռք բերված  գույքի հետագա շահագործումն ապահովելու  անհրաժեշտությամբ: Որոշմամբ կբավարարվի հանրապետության 6 մարզի 32 համայնքում ստեղծված  արոտօգտագործողների սպառողական կոոպերատիվների պահանջարկը գյուղատնտեսական տեխնիկայի համար, կբարձրանա կոոպերատիվների կանոնադրական գործունեության արդյունավետությունը: 

Մարզադպրոցը կկոչվի հիմնադրի անունով 

Գործադիրի որոշմամբ Գյումրու ձմեռային մարզաձևերի մանկապատանեկան մարզադպրոցը կանվանակոչվի նույն մարզադպրոցի  հիմնադիր, ԽՍՀՄ սպորտի վարպետ, ԽՍՀՄ առաջնության 3-րդ մրցանակակիր, ՀՀ վաստակավոր մարզիչ, ՀՀ առաջնության բազմակի հաղթող (17 տարի անընդմեջ) Լյուդվիգ Գինոսի Մնացականյանի անունով:  Կարևորվել է վաստակաշատ մարզիչ-մանկավարժի ներդրած մեծ ավանդը մարզաձևի զարգացման և մասսայականացման, ինչպես նաև Գյումրու ձմեռային մարզաձևերի մանկապատանեկան մարզադպրոցի մարզիկների կրթության և դաստիարակության գործում:

Հիմք ընդունելով 2013 թվականի հունիսի 19-ի ՀՀ կրթության և գիտության նախարարության և Հայաստանում  Ֆրանսիայի դեսպանության  միջև կնքված կրթական համագործակցության  հուշագրի դրույթները՝ կառավարությունը որոշել է թույլատրել Երևանի թիվ 119 ավագ դպրոցին  2016-2017 ուսումնական տարվանից կատարելու 5-9-րդ դասարանների ընդունելություն՝ ֆրանսերենի խորացված ուսուցման կազմակերպման նպատակով կազմավորելով առավելագույնը երկու դասարան: Թիվ 119 ավագ դպրոցն ունի շենքային բավարար պայմաններ, ուսումնամեթոդական  հագեցվածություն, ինչպես նաև մանկավարժակ ան համապատասխան կադրեր: 

Միջազգային համագործակցություն 

Գործադիրը համաձայնություն է տվել «Հայաստանի Հանրապետության կառավարության և Արաբական Միացյալ Էմիրությունների կառավարության միջև անվտանգության բնագավառում համագործակցության և ահաբեկչության դեմ պայքարի մասին» համաձայնագրի կնքման առաջարկությանը: Համաձայնագիրը կնպաստի երկու երկրների միջև համագործակցության կապերի զարգացմանը, անվտանգության և հանցավորության դեմ պայքարի ոլորտներում համագործակցության բարձրացմանը:

Կառավարությունն ընդունել է «Հայաստանի Հանրապետությունում Արաբական Միացյալ Էմիրություններին  հողամաս ձեռք բերելու թույլտվություն տրամադրելու մասին»  որոշում: Որոշման համաձայն՝ թույլատրվում է  Հայաստանում ԱՄԷ-ին` Երևան քաղաքի Արաբկիր, Ազատության պողոտա 1/16 հասցեում գտնվող հողամասը սեփականության իրավունքով օրենքով սահմանված կարգով ձեռք բերել` դեսպանի կեցավայրի տեղակայման համար: Մեկ այլ՝ «Գույքի նվիրատվության մասին» որոշմամբ էլ գործադիրը որոշել է Երևանի քաղաքային համայնքի սեփականությունը համարվող Ծովակալ Իսակ ովի պողոտայում գտնվող 0.7 հա մակերեսով հողամասը նախ նվիրել Հայաստանի Հանրապետությանը, ապա սեփականության իրավունքով անհատույց փոխանցել ԱՄԷ-ին` դեսպանության շենքի կառուցման համար: 

Այլ որոշումներ 

  Կառավարությունն ընդունել է որոշում Երևան քաղաքի Տերյան 2 հասցեում գտնվող 198.6 քառ. մետր անշարժ գույքը և դրա զբաղեցրած, օգտագործման ու սպասարկման համար անհրաժեշտ 0.0195 հա հողատարածքը 98 633 000 դրամ գնահատված արժեքով ներդնել «Հայաստանի հանրային ռադիոընկերություն» ՓԲԸ-ի կանոնադրական կապիտալում` ընկերության նպատակային գործունեությունն ապահովելու և անհրաժեշտ տեխնիկական սարքավորումները տեղադրելու  նպատակով:

Կառավարությունը որոշել է   Լոռու  և Տավուշի մարզերի ուսուցչի տներում բնակվող բնակիչներին  նվիրել իրենց կողմից զբաղեցրած բնակելի տարածքները՝ լուծելով հանրակացարաններում երկար տարիներ բնակվող տեղաբնակ բնակիչների և նրանց ընտանիքների բնակարանային խնդիրները:

Գործադիրը հաստատել է ֆինանսների նախարարության մաքսային ծառայության և արդարադատության նախարարության դատական ակտերի հարկադիր կատարումն ապահովող ծառայության միջև էլեկտրոնային եղանակով տեղեկատվության փոխանակման կարգը: Հարկադիր կատարման և մաքսային ծառայությունների միջև թղթային փաստաթղթաշրջանառությունից անցումն էլեկտրոնային եղանակի կնպաստի տվյալների փոխանակման, արգելանքի կիրառման և վերացման գործառույթների իրականացմանն առցանց եղանակով: Կատարվող փոփոխությամբ կապահովվի ծառայությունների միջև օպերատիվ աշխատանքը, ինչպես նաև հնար ավոր կլինի խնայել ժամանակ և դրամական միջոցներ:

Գործադիրը հաստատել է «Իմ Հայաստան» համահայկական փառատոնի, «Արի տուն» 2016թ. ծրագրերը և դրանց իրականացման միջոցառումների ցանկերը: Ծրագրերի նպատակն է նպաստել սփյուռքում հայ մշակույթի և մշակութային ինքնության պահպանմանն ու զարգացմանը,  երիտասարդության հայադարձությանը, աջակցել Հայաստան-Սփյուռք բարոյահոգեբանական, կրթամշակութային միասնությանը:

Կառավարությունը սահմանել է.

- Պետական պահուստի արագ արձագանքման պաշարի նյութական արժեքների անվանացանկը և կուտակման նորմերը: Որոշման նպատակն է  արտակարգ իրավիճակների կանխման կամ դրանց առաջացման դեպքում հնարավոր հետևանքների նվազեցման ու վերացման, փրկարարական և անհետաձգելի վթարավերականգնողական աշխատանքների ու քաղաքացիական պաշտպանության միջոցառումների իրականացման, տուժածներին մարդասիրական օգնություն ցուցաբերելու համար նախատեսված պետական պահուստի արագ արձագանքման պաշարում կուտակմանն ենթակա նյութական արժեքների անվանացանկի և պահանջվող քանակների հստակեցում:

-Մասնավոր պահնորդական գործունեության լիցենզիա ունեցող իրավաբանական անձանց աշխատողների կողմից օգտագործվող քաղաքացիական և ծառայողական զենքի տեսակը, ձևը, մոդելը և քանակը:  Որոշման արդյունքում մասնավոր պահնորդական գործունեության լիցենզիա ունեցող իրավաբանական անձինք հնարավորություն կստանան սահմանված կարգով ձեռք բերել զենք և այն տրամադրել իրենց աշխատակիցներին: