Մեր հետ չես՝ կհալածվես. Գևորգ Գևորգյանի տարածքը խլել են առանց հիմնավորման

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Այսօր հայտնի դարձավ, որ  Պետական գույքի կառավարման կոմիտեն ու ոստիկանությունը գործողություն է իրականացնում  Մոսկովյան 5 հասցեում, որտեղ տեղակայված է ռազմական-քաղաքական գործիչ Գևորգ Գևորգյանի կազմակերպության գրասենյակը և երիտասարդական կենտրոնը:

MediaHub-ի հետ զրույցում Գևորգյանը նշեց, որ ոստիկաններն ու Պետգույքի ներկայացուցիչներն ու նաև շենքի սեփականատերը, որտեղ ինքը անժամկետ-անհատույց օգտագործման իրավունքով տարածք ուներ, հատկացված ՊՆ կողմից, պարտադրել են իրեն և այլ կազմակերպություններ լքել տարածքը և այս պահին ներս չեն թողնում մտնել.

«Այս իշխանությունն ի սկզբանե հայտարարել է, որ դեմ է ամեն ինչին, ինչը կապ ունի ազգայինի հետ... ինձ այս տարիներին եղել են տարբեր առաջարկներ, նաև հստակ ուղերձ, որ եթե չեմ համագործակցում ՔՊ հետ, պայքարում ես ազգայինի ու քո սկզբունքների համար, ապա, բնականաբար, պետք է հալածվես: Հալածվելը դեռ մի կողմ՝ ազգային ծրագրերը հարկավոր չեն, ազգային կրթությունը հարկավոր չի, հայրենասիրություն ու հայրենասիրական կենտրոններ հարկավոր չեն»,- ասաց նա:

Նա տեղեկացրեց, որ իրենց չեն թողնում մտնել տարածք, նաև որևէ փաստաթուղթ չեն ներկայացնում, թե ինչ հիմքով է այդ ամենը կատարվում: Գևորգյանը նշեց, որ ոչ մի հիմք չեն տալիս, որովհետև «ես ընդդիմադիր եմ».

«Փաստաբան ընկերներիս հետ այժմ պետք է հասկանանք, թե ինչ ենք անելու, որովհետև սրանց դեմը պետք է առնել»,- նշեց մեր զրուցակիցը:

Նշենք, որ  2019 թվականին տարածքը փոխանցվել է Պետական գույքի կառավարման կոմիտեին և այժմ դրա բալանսում է և  ըստ շրջանառվող լուրերի՝ շենքը պարզապես վաճառվել է և ոչ թե հանձնվել Մարդու իրավունքների պաշտպանի գրասենյակին:

 Հետևեք մեզ՝ այստեղ