Քաղաքական գործիչը Հայաստանում գնաճի աճ և դրամի արժեզրկում է կանխատեսում

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Հայաստանի տնտեսության մեջ վերջին տարիներին տեղի ունեցած փոփոխությունները պայմանավորված էին Ուկրաինայում հակամարտության բռնկմամբ, որի արդյունքում բազմաթիվ մասնագետներ և ընկերություններ տեղափոխվեցին մեր երկիր՝ առևտրային հոսքերի որոշակի հատվածը վերածելով այն տարանցման հանգույց, բայց դա երկարաժամկետ արդյունքի չի հանգեցնում:

Դրա մասին դեկտեմբերի 26-ին NEWS.am-ի թղթակցի հետ զրույցում նշել է «Հայաքվե» քաղաքացիական ազգային ասոցիացիայի համակարգող Ավետիք Չալաբյանը։

Նա կոչ է արել այս սպեկուլյատիվ հոսքերը իրական տնտեսական աճի հետ չշփոթել։

Քաղաքական գործիչը հավելել է, որ այս տարի սկսվել է ռուսաստանցի վերաբնակիչների արտահոսքը Հայաստանից, նոյեմբերին առաջին անգամ նվազել են Ռուսաստանի հետ առևտրային հոսքերը, Հայաստանի հաջորդ տարվա պետական ​​բյուջեն ընդունվել է հսկայական դեֆիցիտով։

«Մեր 30 տարվա պետական ​​պարտքը ՀՆԱ-ի նկատմամբ կազմում է 50 տոկոս, իսկ հաջորդ տարի այդ ցուցանիշը կաճի մինչև 10 տոկոսով, ինչը կարող է հանգեցնել գնաճի ավելացման, դրամի արժեզրկման, ներդրումների նվազմանը։

Այս տարի Հայաստանում խոշոր ներդրումներ չեն կատարվել՝ ելնելով անվտանգության իրավիճակից։ Դա վկայում է նրա մասին, որ առանց անվտանգության բաղադրիչի հնարավոր չէ տնտեսություն զարգացնել»,- նշել է Չալաբյանը։

 Հետևեք մեզ՝ այստեղ