Ռոբերտ Հովհաննիսյան․ Ինձ համար միշտ մեծ պատիվ է հավաքականում խաղալը

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Ինձ համար միշտ մեծ պատիվ է հավաքականում խաղալը: Փոքր տարիքից պայքարել եմ հավաքական ընդգրկվելու եւ խաղալու համար:

Այս մասին լրագրողների հետ զրույցում ասաց միջազգային գրոսմայստեր, Հայաստանի եռակի չեմպիոն Ռոբերտ Հովհաննիսյանը:

Երկրորդ տարին անընդմեջ տղամարդկանց Հայաստանի չեմպիոն դարձավ Ռոբերտ Հովհաննիսյանը, որը վաստակել է 6,5 միավոր: Նա համալրեց ազգային հավաքականը:

«Ինձ համար շատ լավ սկսվեց առաջնությունը: Առաջին տուրում կարողացա հաղթել ֆավորիտներից մեկին՝ Մանուել Պետրոսյանին, որն ինձ մեծ մոտիվացիա տվեց: Ընթացքն այնպես էր, որ ես միշտ առաջատարների թվում էի: Ուրախ եմ, որ ստացվեց հաղթել: Ինչ վերաբերում է խաղացողների ուժին, այս առաջնությունը վարկանիշով ամենաբարձրը չէր պատմության մեջ, բայց որակով բավականին ուժեղ էր, մրցակցություն կար: Պետք է նշել, որ երիտասարդ շախմատիստները շատ լավ խաղացին եւ ապացուցեցին, որ հենց այնպես չեն դուրս եկել Առաջին խմբից:

Բոլոր պարտիաներն էին դժվար, բայց երբ մեկնարկում հաղթում ես ֆավորիտներից մեկին, արդեն բավականին մեծ քայլ է չեմպիոնական հայտ տալու համար: Դրանից հետո կարողացա պահել առաջատարի դիրքը:

Կրկին հավաքականում եմ: Ինձ համար միշտ մեծ պատիվ է հավաքականում խաղալ: Փոքր տարիքից պայքարել եմ հավաքական ընդգրկվելու եւ խաղալու համար: Շատ ուրախ էի, երբ առաջին անգամ 2011 թվականին կարողացա ընդգրկվել հավաքական: Դրանից հետո ամեն տարի փորձում եմ անել հնարավորը, որ անցնեմ հավաքական եւ փորձեմ ամենաբարձր արդյունքը ցույց տալ այնտեղ»,- ասաց Ռոբերտ Հովհաննիսյանը:

Հունվարի 23-ի Երեւանի Տիգրան Պետրոսյանի անվան շախմատի տանը տեղի ունեցավ տղամարդկանց Հայաստանի 85-րդ առաջնության հաղթողի եւ մեդալակիրների պարգեւատրման արարողությունը: 5,5 միավորով Հայաստանի փոխչեմպիոն դարձավ Արթուր Դավթյանը, նույնքան միավորով երրորդ տեղում Սարգիս Սարգսյանն է: Արթուր Դավթյանն ու Սարգիս Սարգսյանը իրավունք վաստակեցին մասնակցել Եվրոպայի անհատական առաջնությանը:

Լուսինե Շահբազյան

Լուսանկարը՝ Էմմա Ասատրյանի

 Հետևեք մեզ՝ այստեղ