Փաշինյանի անվստահության վարկանիշը սրընթաց է աճում. «Փաստ»

«Փաստ» օրաթերթը գրում է.

eadaily.com–ը «Փաշինյանի անվստահության վարկանիշը սրընթաց է աճում» վերնագրով հոդվածում գրում է, որ անցած 2024 թվականը Հայաստանի հարցված բնակիչների մոտ 47 %-ը վատ է անվանել, իսկ 38 %-ը՝ լավ: 49 %-ն արդեն սև է տեսնում 2025 թվականը, մինչդեռ լավատեսները շատ ավելի քիչ են՝ 33 %: Չի ուրախացնում նաև Նիկոլ Փաշինյանի նկատմամբ հայերի վերաբերմունքը: Նրան վստահող 14 %-ի պայմաններում չի վստահում 64 %–ը։ Դա զգալիորեն ավելի վատ է, քան 2024 թվականի հուլիսին, երբ վարչապետի նկատմամբ վստահություն/ անվստահություն հարաբերակցությունը 22 % / 54 % էր։ Այս դժվարին ժամանակներում Հայաստանի քաղաքացիները Ռուսաստանին, Ֆրանսիային և ԱՄՆին են համարում ամենաօգտակար արտաքին գործընկերները, նրանք բոլորն էլ ստացել են մոտավորապես նույն թվով ձայներ՝ 15-17 % (սակայն Ռուսաստանը դեռևս առաջատար է՝ թեկուզ չնչին առավելությամբ): ԵՄ–ն հինգերորդ տեղում է 10,5 %-ով: Ըստ քաղաքացիների, Հայաստանի համար ամենաանպիտան են ճանաչվել Թուրքիան, Իրանը, Չինաստանը և Վրաստանը՝ 2-ից 4 %–ներով: Հեռախոսային հար ցումն իրականացվել է SAEAC «FOCUS»-ի կողմից Հայաստանում 2024 թվականի նոյեմբերի 15-ից մինչև 2025 թվականի հունվարի 12-ը, հարցվել է Հայաստանի 1260 բնակիչ պատահականության սկզբունքով, սխալը՝ 3 %:

Այս համատեքստում շատ հետաքրքիր է «Ընկեր գեներալ» Telegram ալիքի հեղինակի գրառումը. «Եկեք անդրադառնանք թարմ սոցիոլոգիային: 

SAEAS «FOCUS»-ը հարցում է անցկացրել Հայաստանի 1260 բնակիչների շրջանում։

1. Հոռետեսների և լավատեսների մասին

Չնայած տնտեսական գերազանց ցուցանիշներին, ինչպես նաև Արցախի (Լեռնային Ղարաբաղի) հանձնմանը, որից «հայաստանցիները» հոգնել էին, հարցվածների մեծամասնությունը՝ մոտ 47 %-ը, 2024 թվականը անվանել է վատ և շատ վատ տարի: Հարցվածների գրեթե կեսն ակնկալում է, որ 2025 թվականին ինչոր տհաճ բան տեղի կունենա։ Տարօրինակ չէ՞։ Ո՞ւր է ՀՆԱ-ի աճը, որտե՞ղ են նոր աշխատատեղերն ու աշխատավարձերի աճը: Այսպիսի վերաբերմունքով չես կարող ժողովրդին փիղ վաճառել: Ո՛չ եվրոպական հանրաքվեով, ո՛չ խորհրդարանական ընտրություններով: Տեսնելով նման տրամադրություններ՝ իշխանությունները պետք է եռանդով նախապատրաստվեն ձայների հաշվարկի ժամանակ կեղծիքների։ Հակառակ դեպքում չեն դիմանա:

2. Փաշինյանի վարկանիշի մասին

Սոցիոլոգները ցույց են տալիս, որ վեց ամսում Հայաստանի վարչապետի վարկանիշը զգալիորեն վատացել է, 2024 թվականի հուլիսին Նիկոլ Փաշինյանի նկատմամբ վստահություն/անվստահություն հարաբերակցությունը եղել է 22 % / 54 %, այժմ այն 14 % / 64 % է։ Հեծանվավազքը, խոհարարության դասերը և Աննա Հակոբյանի հետ ընտանեկան փոդքասթները չեն օգնել։ Նման վարկանիշ ունեցող ազգային առաջնորդ պարզապես գոյություն ունենալ չի կարող։ Հավաքական Արևմուտքը Փաշինյանի շուրջ իրադարձությունների զարգացման երեք տարբերակ ունի՝ հաշվի առնելով մի շարք ճակատագրական որոշումները, որոնք Հայաստանը պետք է կայացնի մոտ ապագայում։ Կա՛մ «առաջնորդին» ականջներից քաշելով նստեցնում են նոր ժամկետի, ինչպես Սանդուին, կա՛մ փոխարինում են ավելի կենսուրախով (օրինակ՝ Հայկ Մարության), կա՛մ նոր պատերազմով շոկի են ենթարկում հայ ընտրազանգվածին և «բուժում» Փաշինյանի տապալվող վարկանիշը:

3. Արտաքին գործընկերների մասին

Ռուսաստանը, զգալիորեն կորցնելով հայերի համակրանքը, այժմ նրանց մտքում դեռ կանգնած է նույն շարքում, ինչ Ֆրանսիան և ԱՄՆ-ը։ Ինչն, իհարկե, բոլորովին չի համապատասխանում Հայաստանի կյանքում այդ երեք երկրների իրական դերին, Հայաստանի տնտեսությունը երկու երրորդով կախված է Ռուսաստանից։

Հայաստանի իշխանության ռուսաֆոբ վարժանքները ոչ թե բարձրացրին սեփական վարկանիշը, այլ լրջորեն վնասեցին Ռուսաստանի վարկանիշին, Փաշինյանին դա հաջողվեց, և գործընթացը դեռ ավարտված չէ։

Միևնույն ժամանակ, հարցվածների 57 %-ը նախընտրում է գործընկերությունը Ռուսաստանի հետ, 14 % տականքներ են միայն հանդես գալիս կապերի խզման օգտին։

Սակայն պետք է ուշադրություն դարձնել այն հանգամանքին, որ հայ հասարակական գիտակցության մեջ այսօր չկա դաշնակից, աջակցող, գործընկեր երկրի հստակ պատկեր։ Ամեն ինչ լղոզված է, ամեն ինչ շարժվել է տարբեր ուղղություններով։ Եվ այս իրավիճակը տարբեր շահարկումների հիմքեր է ստեղծում։

Օրինակ՝ հայերի գրեթե 9 %-ը հանկարծ տեսել է ինչոր օգուտ Հնդկաստանից, մի երկիր, որը բացարձակապես ոչինչ չարեց Հայաստանի համար, միայն իր զենքը վաճառեց ամբողջովին շուկայական գնով (այսինքն՝ հարստացավ)։ Նույնը կարելի է ասել ԱՄՆ-ի և Ֆրանսիայի մասին, որոնք անցած տարի սիստեմատիկորեն կրճատեցին Հայաստանի հետ ապրանքաշրջանառությունը և որևէ պատժամիջոցներ չկիրառեցին Ադրբեջանի դեմ։ Այսպիսով, այն ամենը, ինչ կապված է Հայաստանի արտաքին քաղաքականության հետ, թաքնված է առասպելների ու լեգենդների մշուշի մեջ, որոնք կաթվածահար են արել քաղաքացիների գիտակցությունը։

4. ԵՄ-ի մասին

Եվրամիությունը հայերի համար օգտակարության վարկանիշով հինգերորդ տեղում է, դա դրական է համարում հարցվածների 10 %-ից մի փոքր ավելին: Ինչ վերաբերում է եվրաինտեգրմանը, ապա կարծիքները բաշխվել են մոտավորապես հավասարապես՝ մի փոքր շեղումով դեպի «դեմ» դիրքորոշումը. 38 %-ը դեմ է, 33 %-ը՝ կողմ, 29 %-ը դժվարացել է պատասխանել։ Բայց այն նույն 57 %-ը, որ ցանկանում է գործընկերություն Ռուսաստանի հետ, ակնհայտորեն խոչընդոտում է ԵՄի օգտին քարոզչությանը:

5. Փաշինյանի նախագծերի մասին

Տավուշում սահմանազատմանը կողմ է միայն 20 %-ը, սահմանադրական բարեփոխումներին՝ միայն 13 %-ը: Բայց քանի դեռ չկան ընտրություններ կամ հանրաքվեներ, հսկայական ամորֆ հայկական ճահիճը Փաշինյանի համար վտանգ չի ներկայացնում»։

Մանրամասները՝ «Փաստ» օրաթերթի այսօրվա համարում