Արդյո՞ք նորմալ էր 2015-ի տնտեսական ակտիվությունը
БЛОГՆարեկ Սարգսյանը ֆեյսբուքյան իր էջում գրում է.
Օրերս Ազգային վիճակագրական ծառայությունը հրապարակել էր 2015թ.-ի հիմնական մակրոտնտեսական նախնական ցուցանիշները, ըստ որի տնտեսական ակտիվության ցուցանիշը կազմել է 3.1%: Ճիշտ է՝ ցուցանիշն այդքան էլ բարձր չէ, բայց հանուն արդարության պետք է նշել, որ տնտեսական ներկայիս իրողությունների ու աշխահաքաղաքական, աշխարհատնտեսական զարգացումների պայմաններում վատ արդյունք չէ:
Նախորդ տարվա ընթացքում ակնառու էր, հստակ տեսնում էինք արտերկրից եկող մասնավոր տրանսֆերտների ծավալների նվազումը: Պաշտոնական տվյալներով 2015թ.-ին մասնավոր տրանսֆերտների ծավալը նվազել է 37%-ով, հատկապես մեծ է անկումը Ռուսաստանից եկող տրանսֆերտների մասով՝ շուրջ 43%: Իսկ մասնավոր տրանսֆերտների գերակշիռ մասը ուղղվում է սպառմանը, հետևաբար առևտրի շրջանառությունը ևս պետք է անկում արձանագրեր:
Հուսանք, որ 2016 թվականը կլինի ավելի բարենպաստ և արտաքին ու ներքին գործոնները նպաստավոր պայմաններ կստեղծեն տնտեսական ավելի բարձր ցուցանիշ գրանցելու համար: