Կիպուն՝ Տիեզերքի խոշորագույն գերակառույցը. Ինչպե՞ս է այն ազդում շրջակա տարածության վրա

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Միջազգային հետազոտողների խումբը հայտնաբերել է Տիեզերքի մինչ այժմ հայտնի ամենախոշոր կառույցը՝ Կիպու գերակառույցը: Այն անվանվել է ինկաների հնագույն հանգույցային գրության համակարգի պատվին: Հայտնագործությունն ներկայացվել է Astronomy and Astrophysics (A&A) գիտական ամսագրում։

Ի՞նչ է Կիպուն

Կիպուն հսկայական ցանց է, որը միավորում է գրավիտացիոնորեն կապված գալակտիկաների կույտերն ու գերգումարները: Նրա երկարությունը կազմում է 1,3 միլիարդ լուսատարի, իսկ ընդհանուր զանգվածը հասնում է 200 կվադրիլիոն Արևի զանգվածի (1 կվադրիլիոնը հազար տրիլիոն է)։

Ինչպե՞ս հայտնաբերվեց Կիպուն

Աստղագետները օգտագործել են ռենտգենյան տվյալներ՝ Կիպուն և ևս չորս գերկառուցվածքներ հայտնաբերելու համար, որոնք գտնվում են 130–250 միլիոն պարսեկ հեռավորության վրա: Ընդհանուր առմամբ, այս կառույցները պարունակում են՝

• 45% բոլոր գալակտիկական կույտերից,
• 30% գալակտիկաներից,
• 25% Տիեզերքի ողջ նյութից։

Ազդեցությունը Տիեզերքի վրա

Իր հսկայական չափերի պատճառով գերակառուցվածքները ազդում են շրջակա տարածության վրա։ Դրանք կարող են՝

• Թեքել լույսի ուղին,
• Փոխել տիեզերական միկրոալիքային ֆոնային ճառագայթումը (Մեծ Պայթյունի մնացորդային լուսարձակումը),
• Ազդել Հաբլի հաստատունի չափումների վրա, որը սահմանում է Տիեզերքի ընդարձակման արագությունը։

Ի՞նչ կլինի գերակառուցվածքի հետ ապագայում

Չնայած իր մեծ չափերին, Կիպուն և նմանատիպ կառույցները հավերժ չեն։
Ժամանակի ընթացքում դրանք կքայքայվեն և կբաժանվեն ավելի փոքր կառույցների, սակայն առայժմ նրանք եզակի օբյեկտներ են, որոնք արժանի են մանրամասն ուսումնասիրության, նշում են գիտնականները։