«Ես հոգնել եմ Շպռօտից ու նրա հետևանքներից...». ողջ ճշմարտությունը Շպռօտի մասին. լուսանկարներ

Past.am-ը այսօր անդրադարձել է հայակական շոու-բիզնեսի «Մենռլին Մոնրոյի» ` Շպռօտի, անձնական ու ստեղծագործական կյանքի դժվարություններին, այն հալածանքներին, որոնք նա ստացել է Հայաստանում: Ինչը ստիպեց նրան լքել հայրենիքն ու բնակություն հաստատել օտար ափերում:

Անի Թովմասյան անունով մի աղջիկ հայտնվեց շոու-բիզնեսում շատ պատահական, երբ մատուցողի աշխատանքից նրան նոր էին հեռացրել: Աղջիկը ընդունվեց մեկ այլ ակումբ, սակայն այս անգամ արդեն երգելու ցանկությամբ:

Համառ ու համարձակ Անին, ով հետագայում իրեն Շպռօտ կնքեց հասցրել էր արդեն համառորեն հետևել իր սկզբունքներին և կոտրել բոլոր այն կարծրատիպերը, որոնք խոչընդոտում են այն ժամանակվա արտիստին առաջ գնալ: Երբ աղջիկն մնաց առանց աշխատանքի, ընկերուհիները խորհուրդ տվեցին տեղափոխվել մեկ այլ ակումբ կրկին երգել, սակայն այս դեպքում արդեն անվճար: Շպռօտն առանց խուսափելու սկսում է, առանց հոնորարի, աշխատել ու փորձ ձեռք բերել:

Որոշ ժամանակ հետո նա նկարահանում է իր առաջին տեսահոլովակը: Սկանադալային ու համարձակ կերպարով ներխուժելով հայկական շոու-բիզնես, նա իր երգով կոտրեց բոլոր այն կարծրատիպերը, որոնք կային հայկական շոու-բիզնեսում: 

Կյանքում մութ օրերն Շպռօտի մոտ դեռ սկսվեց 11 տարեկանից, երբ դեռ անչափահաս աղջնակը կորցրեց իր հորը պատերազմի դաշտում: Միայնակ մնալով մոր հետ Անին ստիպված սկսում է վաղ տարիքից աշխատել ու փող վաստակել` մորն օգնելու համար: 

Թվում էր, թե սև շրջանը երգչուհու համար ավարտված է և երգչուհին կարող է փակել իր անցյալը: Սակայն մուտք գործելով շոու-բիզնես աղջիկն հանդիպում է էլ ավելի մեծ ու լուրջ խնդիրների. չէ. որ նա մուտք էր գործել մի ասպարեզ, որտեղ հանրային մարդ դառնալը վեր էր ամեն տեսակի հարաբերություններից:

Նրան դեմ էրն հատկապես ասպարեզի մարդիկ, քննադատում ու հրաժարվում էին լուսաբանել նրա գործունեությունը, հրաժարվում էին սպասարկել հեղինակավոր դիմահարդարներ և վարսահարդարներ. և այս ամենը միայն մի բան հիամար. Անին ժամանակին մատուցող էր...

Սակայն այս հալածանքները  կարծես Շպռօտի համար չէին: Երգչուհին նկարահանում է իր հաջորդ Մեղր տեսահոլովակը, որով էլ վերջնականապես ամրապնդում է իր տեղն ու դիրքը հայկական շոու-բիզնեսում: Տեսահոլովավակի հայտնվելուց հետո, սկսեցին քննադատել ու քարկոծել Շպռօտի համարձակ ու սկանադալային կերպարները: Սակայն այս քննադատությունները փաստացիորեն էլ ավելի սկսեցին գովազդել երգչուհուն: 

Չնայած նրան, որ Շպռօտը նկարահանվում էր անկեղծ դիրքերով, բաց տեսարաններում ու երբեմն կիսամերկ, սակայն երգչուհին ավելի սկզբունքային ու պարկեշտ էր: 

Այն շրջանում երբ Շպռօտի կարիեռան զգալիորեն վերելք էր ապրում, Անին կոտրվեց: Չգնահատված լինելն ու պետական կառույցների արհամարական վերաբերմունքը երգչուհին ծանր տարավ: Ամերիկայում անցկացվող հայակական երաժշտական մրցանակաբաշխության հրավերով երգչուհին մեկնեց Ամերիկա: Արդեն հետ չգալու որոոշումն համարձակ երգչուհուն հանգիստ չթողեց: 

Նա սկսեց ամեն ինչ մաքուր էջից սկսել: Մատուցողի աշխատանքից մինչև հայկական շոու-բիզնես, ու կրկին մատուցողի աշխատանք. կարծես, թե կյանքի անարդար վերաբերմունքն էր արդեն իսկ փառքի գագաթնակետին հասած երգչուհու համար: 

«Ես եմ ընտրել իմ կյանքի այս շրջանը, ես եմ ընտրել լինել Ամերիկայի Միացյալ Նահանգներում...»

«Ոչ մեկից թաքցնելու բան չունեմ: Այո աշխատել եմ հյրուրանոցներում և որպես մատուցող և որպես հավաքարար: Սակայն ոչ մեկից չեմ դժգոհում ես ինքս եմ ընտրել իմ կյանքը: Ես ինձ գցեցի փորձանքների մեջ»: 

Նա ամենավառն ու ամենահամարձակն էր, նա հեղափոխեց շոու-բիզնեսը առանց որևէ մեկի կարծիքի հետ հաշվի նստելու, նա քննադատվեց, բայց տեղի չտվեց, նա ջնջեց կարելիների ու անթույլատրելիներ սահմանը...