Մարտի 8-ի շնորհավորանքներ ու լուսանկարներ հայ հայտնիներից
ЛАЙФՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Այսօր՝ մարտի 8-ին՝ Կանանց միջազգային օրը, հայ հայտնիներն իրենց սոցցանցերի էջերում շնորհավորանքներ ու լուսանկարներ են հրապարակել՝ շնորհավորելով կանանց տոնի առթիվ:
Հաղորդավար, գրող Ավետ Բարսեղյանը ինստագրամյան իր էջում կնոջ և դստեր հետ լուսանկարներ է հրապարակել՝ շնորհավորելով կանանց տոնը:
«Սիրելի մայրեր, քույրեր ու աղջիկներ: Շնորհավորում եմ գարունը, սերը ու Մարտի 8-ը:
Երջանիկ եղեք, առողջ ու սիրված»,- գրել է Ավետ Բարսեղյանը:
«Մայրիկներ, տատիկներ, քույրիկներ, սիրելիներ և առհասարակ աղջիկներ։ Եղեք երջանիկ, գեղեցիկ, սիրված, առողջ ու անհոգ։ Շնորհակալություն մեզ կյանք տալու համար, մեզ համար սեր չխնայելու համար։ Շնորհավոր Մարտի 8»,- գրել է երգիչ Նիկ Էգիբյանը:
Երգչուհի Հռիփսիմե Ելինյանը ևս միացել է շնորհավորանքներին՝ ինստագրամյան իր էջում լուսանկար ու բարեմաղթանք հրապարակելով:
«Սիրելի մայրեր, սիրելի կանայք, ջերմորեն շնորհավորում եմ այս գեղեցիկ տոնի կապակցությամբ, միշտ սիրեք և լինեք սիրված, քանզի սիրով շրջապատված կինը ամենաերջանիկն է»,- գրել է երգչուհին:
«Սիրելի կանայք, դուք ստեղծված չեք սահմանների համար, դուք ստեղծված եք նվաճելու համար։
Ոչ մի կարծրատիպ, ոչ մի խոչընդոտ չպետք է խանգարի ձեր ուժին, ձայնին ու երազանքներին։ Մի վախեցեք լինել համարձակ, ձգտել ավելիին և պաշտպանել ձեր իրավունքները:
Աշխարհը պատկանում է նրանց, ովքեր չեն վախենում փոխել այն։
Շնորհավոր բոլորիդ Մարտի 8-ը»,- ինստագրամյան իր էջում գրել է DJ Vakcina-ն:
«Շնորհավոր սիրուններ, մեր նվերները թող միշտ լինեն լինեն մտածված ու մեծ սիրով»,- ինստագրամյան իր էջում գրել է ինֆլյուենսեր, հաղորդավար Արևիկ Ուդումյանը:
Դերասանուհի Ալինա Մարտիրոսյանն Ինստագրամում մայրիկի հետ լուսանկար է հրապարակել և կից գրառում արել.
«Սիրելի կանայք և աղջիկներ, ջերմորեն շնորհավորում եմ ձեզ Կանանց միջազգային օրվա՝ Մարտի 8-ի առթիվ՝ մաղթելով սեր, առողջություն, երջանկություն, խաղաղություն մեր սուրբ երկրում և մեծագույն հաջողություններ»:
Դերասանուհի Քնարիկ Զաքարյանը ևս Ինստագրամում նոր ֆոտոշարք է հրապարակել:
«Շնորհավոր Մարտի 8 սիրելիներս, միշտ փայլեք երջանկությունից»,- լուսանկարներին կից գրել է նա:
Հետևեք մեզ՝ այստեղ
