Փաշինյանի երեկվա հարցազրույցը «ոչ մի բանի» մասին էր
ПОЛИТИКАՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Հայաստանում և Սփյուռքում հայ ժողովուրդը շունչները պահած սպասում է Հայաստանի ու Ադրբեջանի միջև խաղաղության պայմանագրի ստորագրմանը, որին միայն ՔՊ-ականններն ու նրանց հարող շրջանակներն են հավատում։
Ընդդիմադիրներն ու Հայաստանի մասին մտածող հասարակական սեկտորը վստահ են, որ Ադրբեջանի հետ խաղաղություն հնարավոր չէ, քանի դեռ Ալիևը սպառնալիքներ է հնչեցնում Հայաստանի հասցեին։
«Առաջին սերիան Ալիևի՝ Հայաստանին ֆաշիստական պետություն անվանելն էր, որին ոչ մի հակադարձություն չեղավ։ Իհարկե, այս ամենը հասկանալով, միաժամանակ տեսնելով, որ Փաշինյանը բառի ոչ ուղիղ իմաստով աղաչում է միայն խաղաղության վերաբերյալ Ալիևի ստորագրությունը, Ադրբեջանը շարունակում է նոր պահանջներ ներկայացնել Հայաստանին»,- MediaHub-ին ասում է վերլուծաբան և հասարակական գործիչ Հովհաննես Այնթափլեանը։
Նրա համոզմամբ, Փաշինյանի երեկվա հարցազրույցը՝ «ոչ մի բանի» մասին էր։
«Այսինքն, դու խոսում ես մի բանի մասին, որը չկա, բայց ասում ես՝ եթե ստորագրվի, լավ կլինի, բայց չես ասում՝ ի՞նչը, որտե՞ղ է դրա բովանդակությունը, հրաժարվում ես հանրայնացնել, մանիպուլացնում ես, վերջում մեղադրում սրան-նրան։ Մեծ ու փոքր երկրները խոսում են նոր աշխարհակարգի, նոր հնարավորությունների մասին, իսկ ինքը իր հին երգն է երգում՝ տարածաշրջանում կորցնելով Հայաստանի դերակատարի համբավը, դաշնակից պետություններին։ Թուրքիայի ու Ադրբեջանի հետ բարեկամություն չի լինելու, դա հնարավոր չեմ համարում։ Այսպես շարունակելու դեպքում մենք կկորցնենք Իրանի հետ՝ բարեկամական, ՌԴ հետ՝ գործընկերային կապերը։ Արդյունքում՝ հարձակումը չի ուշանա, որին միայն կոչերով կաջակցեն ԱՄՆ-ն, Ֆրանսիան ու մյուս երկրները»,- ասում է նա։
Հունան Թադևոսյան
Հետևեք մեզ՝ այստեղ
