YoPhone-ը 20,000 FTN-ին համարժեք ՀՀ դրամ մրցանակային ֆոնդով մրցույթ է հայտարարել
ВИДЕО
Ս.թ. մարտի 22-ին ftNFT ֆիջիթալ սփեյսում տեղի է ունենցել YoPhone-ի և Bahamut Grants-ի համատեղ տեղեկատվական հանդիպումը, որի ընթացքում Fastex-ի զարգացման գծով տնօրեն Արմեն Բաղդասարյանը պատմել է Bahamut դրամաշնորհային ծրագրի մասին:
Նախաձեռնության շրջանակում YoPhone-ը հայտարարել է նոր մրցույթի մասին, որին կարող են միանալ ծրագրավորողներ և ոլորտով հետաքրքրվողներ։ Մասնակիցները կարող են ստեղծել իրենց բոտը կամ մինի հավելվածը YoPhone հավելվածի վրա և ստանալ 20,000 FTN-ին համարժեք ՀՀ դրամ մրցանակային ֆոնդից իրենց մասնաբաժինը։ Հաղթողները կորոշովեն՝ հաշվի առնելով հարթակի հարմարավետությունը, UX դիզայնը և օգտատերերի ներգարվվածությունը։
Մրցանակային 1-ին տեղի համար նախատեսված է 10,000 FTN-ին համարժեք ՀՀ դրամ, 2-րդ-ի համար՝ 5,000, իսկ 3-րդ տեղի համար՝ 2,500 FTN-ին համարժեք ՀՀ դրամ։ 4-10-րդ հորիզոնականները զբաղեցրած նախագծերը նույնպես ընդհանուր մրցանակային ֆոնդից կստանան պարգևներ։ Fastex-ի զարգացման գծով տնօրեն Արմեն Բաղդասարյանն ասել է․ «Այս նախաձեռնությամբ մենք աջակցում ենք հայ ծրագրավորողներին և ծանոթացնում YoPhone հավելվածի հնարավորություններին»:
Հայտադիմումների վերջնաժամկետը մայիսի 1-ն է։ Մրցույթին մասնակցելու համար անհրաժեշտ է անցնել հետևյալ հղումով։
Մրցույթի մանրամասներին կարելի է ծանոթանալ՝ հետևելով YoPhone-ի պաշտոնական կայքին և սոցիալական հարթակների էջերին։
