Կյանքից վերցված թեմաներ՝ համեմված սուր հումորով. կայացավ Մհեր Մխիթարյանի «Ես չեմ, դու ես» սթենդ ափ շոուի պրեմիերան
ЛАЙФՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Անկեղծ, սուր հումորով, կյանքից վերցված թեմաներով...
«Բոհեմ» թատրոնում կայացավ դերասան, հումորիստ Մհեր Մխիթարյանի «Ես չեմ, դու ես» Stand-up comedy show-ի առաջնախաղը:
«Տպավորություններս շատ լավն են, սպասում էի, որ հանդիսատեսի կողմից լավ արձագանք կստանա, բայց որ այսքան կծիծաղեն ու նման արձագանք կլինի, ակնեղծ՝ չէի սպասում»,- ներկայացումից հետո՝ կիսվելով իր էմոցիաներով, Tert.am Life-ի հետ զրույցում ասաց Մհեր Մխիթարյանը:
«Ներկայացման գաղափարը վաղուց կար, քանի որ սա իմ թվով 2-րդ անհատական սթենդ ափ շոուն է: Աշխատել եմ նույն խմբի հետ՝ Գարիկ Գևորգյանի, Վազգեն Օհանյանի և Օնո Մանուկյանի, ովքեր այս բնագավառում հայտնի են»,- նշեց դերասանը:
Մհերի խոսքով՝ սթենդ ափում ներառված հումորը վերցված է իրական կյանքից, պարզապես մի քիչ գրոտեսկով է մատուցված:
Խոսելով սթենդ ափ ժանրի ու ֆիլմի տարբերություններից՝ դերասանն ընդգծեց, որ 2 ժանրում էլ կան բարդություններ, սակայն, սթնդ ափն ի տարբերություն ֆիլմի՝ մոնտաժի հնարավորություն չունի:
«Սա կենդանի հանդիպում է հանդիսատեսի հետ, այս առումով մի քիչ ավելի բարդ է, բայց քանի դեռ սիրում ես աշխատանքդ, բարդությունների տակից թեթև ես դուրս գալիս»,- անկեղծացավ Մհեր Մխիթարյանն ու խոստովանեց, որ այս անգամ ևս բեմում իմպրովիզից չի խուսափել:
«Իմպրովիզ արեցի ու բախտս բերեց՝ աշխատեց»,- նշեց դերասանը:
«Ես չեմ, դու ես» սթենդ ափի բոլոր տոմսերն արդեն սպառված են, իսկ Մհեր Մխիթարյանի կարծիքով՝ ներկայացման հաջողությունն ու շարունակություն ունենալը որոշում է հանդիսատեսը:
Ավելի վաղ, Tert.am Life-ն անդրադարձել էր պրոդյուսերներ Մհեր Մխիթարյանի և Վահան Թովմասյանի Stand Up Level Up նոր հումորային ներկայացման առաջնախաղին:
Հիշեցնենք՝ Stand Up Level Up-ը թատրոնում նոր ձևաչափ էր, որտեղ Stand Up-ով էին հանդես գալիս տարբեր նախագծերից և համացանցից 7 հայտնի դեմքեր՝ Վահան Թովմասյանը, Մհեր Մխիթարյանը, Արմեն Սարգսյանը, Տիգրան Գևորգյանը, Վազգեն Օհանյանը, Նինա Տիտանյանը, Անդրանիկ Համբարձումյանը:
Հեղինակ՝ Անի Մնացականյան
Հետևեք մեզ՝ այստեղ
