Ռուսաստանում սկսել են նորածիններին ծննդատնից դուրս գրելիս զինվորական համազգեստ հագցնել

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Կուզբասի Յու. Ա. Ատամանովի անվան տարածաշրջանային մանկական կլինիկական հիվանդանոցում նոր ավանդույթ է ի հայտեկել. այժմ նորածինները դուրս են գրվում ոչ միայն տոնական բարուրներով, այլև զինվորական փոքրիկ անձրևանոցներով ու պիլոտկաներով։ Ինչպես հաղորդվում է հաստատության ВКонтакте-ի պաշտոնական էջում, «հայրենասիրական հանդերձանքի» այս տարրերն իրենց ձեռքով կարել են բաժանմունքի բուժքույրերը:

Ըստ հիվանդանոցի հաղորդագրության՝ նախաձեռնությունը նպատակ ունի ընդգծել «սերունդների շարունակականությունը», հարգանքի տուրք մատուցել «հայրենիքի պաշտպանների քաջությանը» և հիշեցնել մարդկանց, որ նույնիսկ ամենափոքր քաղաքացին երկրի «մեծ պատմության մասն է»։ Ակցիան նվիրվում է Հայրենական մեծ պատերազմում տարած հաղթանակի 80-ամյակին։

Միևնույն ժամանակ, բուժհաստատության ղեկավարությունն ընդգծում է, որ նախագծին մասնակցելը բացառապես կամավոր է. յուրաքանչյուր մայր իրավունք ունի ինքնուրույն որոշել՝ իր երեխան դուրս կգրվի «հայրենասիրական» հագուստո՞վ, թե՞ դասական հանդերձանքով։

Նման նախաձեռնություններ Ռուսաստանում առաջին անգամը չեն հայտնվում։ Այսպես, 2023 թվականին Խաբարովսկում նորածիններին, որոնց հայրերը մասնակցում էին Ուկրաինա ներխուժմանը, ծննդատնից դուրս գրվելիս ներկաքողարկված բարուրներով էին փաթաթվում, իսկ բարուրում թողնում էին ՝ «Հայրիկ, ես քեզ հետ եմ»գրությունը։  Գաղափարը պատկանում էր տեղի բնակչուհի Ելենա Դմիտրիևային՝ նորածիններից մեկի տատիկին։ Նրա դուստրը ցանկանում էր, որ երեխային դուրս գրեն զինվորական թեմայով բարուրով, բայց վաճառքում հարմար բան չկար։ Դմիտրիևան պատմել է, որ երկու ամսվա ընթացքում այցելել է բազմաթիվ խանութներ, որտեղ իրեն «նայել են, ինչպես կնայեին ոչ ադեկվատ մարդուն»։ Նա վերջապես պատրաստել է վերմակն ինքը: Դրանից հետո սկսել է նման բարուրներ պատրաստել այլ ընտանիքների համար, որոնց սիրելիները մասնակցում են Ուկրաինայում հատուկ ռազմական գործողությանը։

Հետևեք մեզ՝ այստեղ