Եգիպտոսում արքայազնի 4400-ամյա դամբարան է հայտնաբերվել՝ հսկայական վարդագույն «կեղծ» դռնով

МЕЖДУНАРОДНОЕ 27 Апрель, 2025 0:54

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Եգիպտոսում հնագետները հայտնաբերել են մի արքայազնի 4400-ամյա դամբարան, որի թաղման վայրում կա հսկայական «կեղծ» վարդագույն դուռ, որը «թույլ է տվել հոգիներին մտնել և դուրս գալ», հաղորդում է Live Science-ը։

Դամբարանը պատկանում է արքայազն Ուզերեֆրեին, որը կառավարել է մ.թ.ա. մոտավորապես 2465-ից մինչև 2458 թվականը` Եգիպտոսի Հինգերորդ դինաստիայի օրոք (մ.թ.ա. մոտ 2465-ից մինչև 2323 թվականները):

Նորահայտ կեղծ դռան վրա կան արձանագրություններ, որոնցում ասվում է, որ նա եղել է «թագաժառանգ» և նաև «դատավոր, նախարար, երկու շրջանների նահանգապետ և հոգևորական»։

Եգիպտոսի զբոսաշրջության և հնությունների նախարարության հայտարարության մեջ ասվում է, որ վարդագույն գրանիտից պատրաստված հսկայական կեղծ դուռը մոտ 4.5 մետր բարձրություն և 1.2 մետր լայնություն ունի։

Հին Եգիպտոսում դամբարաններում հաճախ հանդիպում էին կեղծ դռներ, քանի որ եգիպտացիները հավատում էին, որ մահացածների հոգիները կարող են մտնել և դուրս գալ դրանց միջով։

Մասնագետների կարծիքով, դուռը հսկայական չափերի է և պատրաստված է վարդագույն գրանիտից։

«Սա առաջին անգամն է, որ Սաքարայում նման կեղծ դուռ է հայտնաբերվում», - Live Science-ին ասել է դամբարանի պեղումները ղեկավարող հնությունների նախկին նախարար Զահի Հավասը։

Հավասի խոսքով՝ տղամարդու՝ որպես կարևոր տիտղոսներով արքայազնի կարգավիճակը բացատրում է, թե ինչու է նրա համար կառուցվել այսպիսի կեղծ դուռ։

Հետևեք մեզ՝ այստեղ