Ինչի հետ համադրել թիթեռ-փողկապը

Shabat.am-ը գրում է.

Նորաձեւությունը մեր օրերում մեծ տեմպով է զարգանում եւ այն ինչ 2-3 տարի առաջ կարող էին կրել միայն տղամարդիկ, ապա այսօր կարելի է գտնել նաեւ կանացի զգեստապահարանում, որոնք ավելի գեղեցիկ ու հարմոնիկ է կանանց հագին: Տարբեր վերնաշապիկներին, շապիկներին ու ջինսե տաբատներին այսօր միանում են թիթեռ-փողկապները եւ հանդիսանում կարեւոր ատրիբուդ կանացի զգեստապահարանում:

Հայտնի դիզայներ Ջեյսոն Վուն առաջարկում է թիթեռ-փողկապները կրել սպիտակ վերնաշապիկների ու շորտերի հետ, իսկ Կարլ Լագերֆելդը` թեթեւ կիսաշրջազգեստների եւ երկար սպորտային տաբատների հետ:

 

Համադրություն ջինսե տաբատների հետ

Այս թիթեռները կարելի է կրել շորտերի ու սպիտակ վերնաշապիկների հետ, կարելի է համադրել ամենատարբեր գույներ ունեցող բլուզների հետ, բայց ցանկալի է միատոն: Եթե ցանկանում եք հագնել նախշավոր վերնաշապիկ, ապա փորձեք ամեն կերպ համապատասխանեցնել փողկապի երանգները, սակայն խուսափեք վերնաշապիկի ու փողկապի նույն գույնն ունենալուց: Այս համադրությունն ամբողջացրեք ջինսե տաբատով: Ձեր look-ը կլինի օրիգինալ, իսկ դուք կառանձնանաք բազմության մեջ:

 

Համադրություն կիսաշրջազգեստի հետ

Հրաշալի կլինի կիսաշրջազգեստն այս դեպքում համադրել մետաքսե վերնաշապիկի հետ, այդպես դուք ավելի կանացի տեսք կունենաք: Վերնաշապիկի հետ կարող եք կրել նաեւ պիջակ կամ կարտիգան, այս կերպարն ավելի գործնական կլինի, բայց ոչ պակաս գեղեցիկ քան նախորդը: Կարեւորը չճնշել կերպարը շատ գույներով ու ակսեսուարներով, փորձեք չանցնել գոնե 4 գույնի սահմանը:

 

Հավելյալ աքսեսսուարներ

Հիշե՛ք, որ թիթեռ-փողկապը երեւացող աքսեսուար է, դրա համար կարեւոր է կերպարը մշակել: Ձեր ընտրությամբ կարող եք կրել լայնեզր գլխարկներ (լավ կլինի մատիտ կիսաշրջազգեստի կամ ջինսե նեղ տաբատների հետ համադրել), ինչպես նաեւ նեղ եզրեր ունեցող գլխարկներ: Կարող եք կրել երկարաճիտ կոշիկներ՝ ինչպես տղամարդիկ, այնպես էլ բարակ բարձրակրունկ կոշիկներ՝ լավ ընտրված կոստյումի հետ:

 

Շատ հայտնիներ, ինչպիսիք են Դիանա Կրյուգերն ու Բեյոնսեն, արդեն ցույց են տվել ինչպես կրել այդ աքսեսուարը: Իսկ հիմա ձեր հերթն է: Այսպիսի փողկապ կարող եք ստանալ նաեւ դուք: