Ընտանեկան գաղտնիքներ. ի՞նչ տեսք ունեն ու ինչպե՞ս են ապրում Պուտինի աղջիկները

Past.am

Պատկերացրեք՝ եթե Ռուսաստանում էլ նախագահի կինն ու երեխաները ապրեին այնպես, ինչպես Ամերիկայում, Սուրբ Ծննդին ներկայանային նոր ֆոտոշարքով, որը կմեկնաբանեին, կքննարկեին միլիոնավոր մարդիկ, իսկ նախագահը, օրինակ՝ «Երեկոյան Ուրգանտում» անկաշկանդ պատմեր իր ընտանիքի անդամների նախասիրությունների մասին …

Երևի թե մենք վայրկենապես կկորցնեինք նրանց հանդեպ հետաքրքրությունը: 2015թ. դեկտեմբերին ՌԴ նախագահ Վլադիմիր Պուտինը հայտարարեց, որ «ընտանիքը սրբության սրբոց է ու գաղտնիք՝ 7 կողպված դռների հետևում», իսկ արդեն հունվարին «անհնազանդ» լրագրողները միանգամից երկու հիթ մատուցեցին հանրությանը՝ մանրամասներ հաղորդելով Պուտինի կնոջ՝ Լյուդմիլա Պուտինայի, ու նրանց ավագ դստեր՝ Մարիայի անձնական կյանքի մասին:

Anews.com-ը որոշել է ավելի մանրամասն ներկայացնել Պուտինի VIP-դուստրերի կյանքը:
Անցած տարի ԶԼՄ-ները տարվել էին Պուտինի փոքր դստեր՝ 29-ամյա Կատերինա Տիխոնովայի կյանքի մանրամասների բացահայտումներով:

Այն ժամանակ հաջողվեց պարզել, որ աղջիկը

1) ակրոբատիկ ռոքնռոլի չեմպիոն է, որը գլխապտույտ սալտոներ կարող է կատարել

2) հիմնադրամի ղեկավար է, որը Մոսկվայի արևմուտքում՝ Մոսկվայի պետական համալսարանի տեխնոլոգիական հովտում, իրականացնում է խոշորագույն նախագիծ:
Կատերինան փաստաթղթեր ստորագրելիս

Կատերինան՝ Մոսկվայի պետական համալսարանի ռեկտոր Վիկտոր Սադովնիչի կողքին

3) ենթադրաբար, 33-ամյա գործարար Կիրիլ Շամալովի կինն է, ով այսպես կոչված «Պուտինի ընկերների» շրջանակից է ու դոլարային միլիարդատեր (ըստ Forbes-ի գնահատականի), ով ունի հեքիաթային դղյակ Լազուրե ափին:

Ի դեպ, Կատյային դեռ 5 տարի առաջ «ամուսնացրին» ինչ-որ կորեացու հետ, որը իբր դիվանագետի որդի էր: Կորեական ու բրիտանական թերթերը անհավանական պատմություններ էին պատմում, սակայն լուսանկարներում ամենևին էլ Պուտինի դուստրը չէ, այլ պուերտոռիկացի գեղեցկության թագուհի Ումա Բլասինին:

Անձամբ Պուտինը դեկտեմբերյան ասուլիսի ժամանակ հրաժարվեց նույնականացնել Կատերինա Տիխոնովային, սակայն գովեց նրա գլխավորած հիմնադրամը՝ բացատրելով դրա օգտակարությունը:

Պուտինի ավագ դստեր՝ 30-ամյա Մարիայի կյանքը ավելի շատ է գաղտնիքներով պարուրված: Անցած աշնանը Reuters-ի լրագրողները ցանկանում էին նրան գաղտնազերծել, սակայն չէին կարողացել գտնել հավաստի աղբյուրներ ու հասուն տարիքում արված ոչ մի լուսանկար:

Սակայն հունվարին The New Times-ի թղթակիցը կարողացավ մի քանի լուսանկար հայտնաբերել Մաշայի նախկին համակուրսեցիների օգտահաշիվներից ու պարզեց, որ Պուտինի աղջիկները չեն օգտվում իրենց իսկական ազգանունից: Բուհում, օրինակ՝ Մարիա Պուտինային ճանաչում էին որպես Վորոնցովա, մինչ այդ հանդես էր գալիս 4 այլ ազգանուններով: Իսկ հիմա նա Մարիա Ֆաասենն է, քանի որ կրում է հոլանդացի գործարար ամուսնու ազգանունը: Ֆաասեննն աշխատել է «Գազպրոմի» կառույցներում: Սա Յորիտ Ֆաասենի միակ լուսանկարն է, որը հայտնաբերել են հոլանդացիները:

Իսկ սա Մարիայի ամենաթարմ լուսանկարն է՝ արված ընկերուհու ծննդյան օրը, 2013թ.

2011թ., Մարիան բժիշկ-էնդոկրինոլոգ է, Մոսկվայի պետհամալսարանի բժշկական ֆակուլտետի շրջանավարտ, Էնդոկրինոլոգիկան գիտական կենտրոնի ասպիրանտ:

Ընկերուհիների հետ, Իտալիա, 2010թ.

Վերջին լուսանկարը հետաքրքիր տեղեկություն է հաղորդում: ՌԴ նախագահի դուստրը հանգստացել է Սարդինիայում՝ Պորտո-Չերվոյում, որտեղ զվարճանալու նպատակով հավաքվում են միլիարդատերեր ողջ աշխարհից:

Այստեղ տեղակայված է էքսքլյուզիվ զբոսանավային ակումբ՝ շքեղ զբոսանավերով, իսկ տեղի հյուրանոցներն աշխարհում ամենաթանկ տասնյակի մեջ են ներառված:

2000-ականներից Սարդինիա էին գնում հանգստանալու ամենահարուստ ռուսները: Տեղի առանձնատների ռուս գնորդների թվում մամուլը տալիս էր Ալիշեր Ուսմանովի (USM Holdings), Ռուստամ Տարիկոյի («Русский стандарт») ու Վլադիմիր Պուտինի անունները:
La Nuova Sardegna թերթը պնդում է, որ դեռ 2003-ին Պուտինը 10 մլն եվրոյով գնել է 1200 քմ մակերեսով առանձնատուն՝ ձևակերպելով ուրիշի անունով: Ի դեպ, տեղեկությունը չէր հաջողվել ստուգել: Հայտնի է միայն, որ դրանից 1 տարի առաջ Պուտինի աղջիկները հանգստացել են այդ վայրերում՝ Իտալիայի նախկին վարչապետ Սիլվիո Բեռլուսկոնիի տանը ու այդ վայրը նրանց «շատ է դուր եկել»:

3 տարի անց Բեռլուսկոնին պատմեց, որ իր մի քանի առանձնատները վաճառել է ռուս գործարարների:

Այսպես, հիմա մենք գոնե գիտենք, թե ինչ տեսք ունեն Պուտինի աղջիկները ու չենք շփոթի նրանց մոդել Ումա Բլասինիի հետ:

Ոչ էլ իրավաբան Դարյա Զախարովայի …