Ոստիկանությունը հետապնդում է ցուցարարների ընտանիքներին

Դավիթ Սանասարյանը նշում է, որ այս 2 օրվա ընթացքում ոստիկանները ցուցարարներին և իրենց ընտանիքներին ահաբեկում են, հասցեները գտնում, գնում են տուն, տան անդամներին ահաբեկում են, ով հին պատմություն է ունեցել, էդ պատմությունը ջրի երես են հանում և ոչ միայն ոստիկանները, այլև թաղային հեղինակությունները:

-Ես կարող եմ ասել, որ արդեն մոտ 40 դեպքի մասին եմ տեղեկացել: Նրանք, ովքեր այստեղ էին, այստեղ չեն, մարդկանց լուրջ ահաբեկել են: Ես չեմ մեղադրում ոչ մեկին, բայց ոստիկանները պետք է հասկանան, որ այս մեթոդով մեզ հետ չեն կարող պահել:

Ինձ ասում են այնպիսի մարդիկ, որոնց խոսքի վրա չեմ կասկածում: Այսօր պարտադիր չէ, որ իրենք խնդիր ունենան, կարող է իրենց բարեկամները խնդիրներ ունենան, և իրենք դրանք ջրի երես են հանում:

Եթե անուններ են ուզում, չպետք է տան:

Տարիներ առաջ մեր տուն էլ էին գալիս, հետո հասկացան, որ ուղղակի անարդյունք է, դրա համար մեր քաղաքացիները պետք է հասկանան, որ եթե խնդիրներ ունեն, չպետք է երևան լրատվամիջոցներին կամ, եթե գալիս են հանրահավաքին, հարթակ չբարձրանան, դա շատ կարևոր է: Խնդիրներ ունեցող մարդիկ, նախ գործ ունեն միլիցիայի, ոչ թե ոստիկանության հետ:

Երկրորդը՝ ուզում եմ հրավիրել Հ1-ի ուշադրությունը, որը հանրային հեռուստատեսություն է, բայց մինչև օրս լուջ չի լուսաբանել այս իրադարձությունները, հակառակ դեպքում, քաղաքացիների կողմից կստանաք այլ արձագանք:

Եվ երրորդը՝ ուզում եմ տեղեկացնել, որ այսօր, 19:00-ին շատ կարևոր հավաք ունենք, և ես իմ ելույթով պատասխանելու եմ Սերժ Սարգսյանին:

Եթե չենք ուզում ունենալ նոր խնդիրներ, պիտի, անկախ եղանակից, միասին լինենք, լինենք արժանապատիվ:

Արուսիկ Տիգրանյան