Դեղին մամուլի խայտառակ լրահոսը

ОБЩЕСТВО 9 Июль, 2015 20:22

Ինչպես է ժողովրդի հետաքրքրության հաշվին փող աշխատում դեղին մամուլը: Գաղտնիք չէ, որ վերջին շրջանում like հավաքելու կամ դիտողականություն ապահովելու համար, որոշ ԶԼՄ-ներ կոպիտ ձևով խախտում են լրագրության էթիկայի կանոնները, և դա իրականանում էր հատկապես հայտնի մարդկանց, աստղային բարեմասնությունների և այլնի հիման վրա, բայց սահմաններն այնքան են ընդարձակվել, որ դեղին մամուլը մտել է նաև վերջին շրջանում հասարակական հնչեղություն ստացած ու հասարակությանն ամենից հուզող խնդիրների մեջ:

Նորահայտ բլոգ Հայ կայքը, ինքն իրեն հղում անելով, տեղեկատվություն է տարածում, թե Բիբինն ապտակել է ՀԾԿՀ նախագահ Ռոբերտ Նազարյանին: Նախ, ԶԼՄ-ն հղում կարող է տալ տեղեկատվական գործակալությանը, եթե ինքը չի հանդիսանում տեղեկատվական գործակալություն, ապա անիմաստ է դառնում ինքն իրեն հղում տալը, և հետո, այս տեղեկատվության մասին ոչ մի փաստ կայքը չի ներկայացնում: Ստացվում է, որ հասարակության հաշվին գումար աշխատում են ոչ միայն նրանք, ումից բողոքում է ժողովուրդը, այլև դեղին մամուլն՝ իր անիմաստ ու ստահոդ լրահոսով:

Ստորև ներկայացնում ենք վերոհիշյալ լուրն ամբողջությամբ, բայց նաև տեղեկացնենք, որ սույն կայքի լրահոսում միայն այս լուրը չէ, որ ապտակների մասին է, այլ լրահոսի մեծ մասը, ինչպես՝

• Աշոտ Աղաբաբյանը՝ Բուռնաշը, փորձել է ապտակել Գալուստ Սահակյանին

• Գեներալ Մանվելը ապտակել է ծաղիկ Ռուբոյին

-Ինչպես հայտնի է, Հանրային ծառայությունները կարգավորող հանձնաժողովի նիստում (ՀԾԿՀ) «Հայաստանի էլէկտրական ցանցեր» (ՀԷՑ) փակ բաժնետիրական ընկերության նկատմամբ տուգանք կիրառելու մասին հարցերից մեկի քննարկման ժամանակ, հանձնաժողովը որոշեց տուգանել ՀԷՑ-ին 10 միլիոն դրամի չափով:

Այդ նիստի ժամանակ, հեռուստաընկերությունների եթերում հերոսանալու համար, ՀԾԿՀ նախագահ Ռոբերտ Նազարյանը ոգեւորված վրա տվեց Բիբինին, ինչը պարզվում է, ծանր է նստել նրա վրա: Bloghay.ru-ի տեղեկություններով, նիստի ավարտին, Բիբինի եւ Նազարյանի միջեւ լեզվակռիվ է սկսվել, որի արդյունքում Բիբինը ապտակել է Նազարյանին ու փախել ՀԾԿՀ շենքի հետնամուտքից:

Արուսիկ Տիգրանյան