Ռուսաստանը Լեհաստանին կոչ է արել «մտածել Բելառուսի հետ սահմանին բոլոր անցակետերը փակելու հետևանքների մասին»

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Ռուսաստանի ԱԳՆ խոսնակ Մարիա Զախարովան մեկնաբանել է https://mid.ru/ru/foreign_policy/news/2046371/ սեպտեմբերի 12-ի ժամը 00:00-ից Բելառուսի Հանրապետության հետ սահմանին բոլոր, այդ թվում՝ ճանապարհային և երկաթուղային անցակետերը փակելու մասին Լեհաստանի որոշումը։

Ըստ նրա՝ նման միջոցառման պաշտոնական պատճառը «Արևմուտք-2025» զորավարժությունների անցկացումն է, որոնք Ռուսաստանի և Բելառուսի զինված ուժերը պարբերաբար անցկացնում են հանրային լուսաբանման պատշաճ մակարդակով և դրանց դիտարկմանը մասնակցելու հրավերով՝ ԵԱՀԿ բոլոր երկրների, այդ թվում՝ Լեհաստանի ներկայացուցիչներից։

«Միևնույն ժամանակ, Վարշավան ցուցադրաբար անտեսեց իբրև բարի կամքի դրսևորման ժեստ ընդունված որոշումները՝ զորավարժությունները լեհական սահմաններից տեղափոխել Բելառուսի կենտրոնական մաս և կրճատել դրանցում ներգրավված անձնակազմի և ռազմական տեխնիկայի քանակը։

Ակնհայտ է, որ Լեհաստանի ղեկավարության ձեռնարկած բախումնային քայլերը ենթարկվում են մեկ խնդրի՝ արդարացնել Եվրոպայի կենտրոնում լարվածության հետագա սրման քաղաքականությունը։

Լեհաստանի միակողմանի գործողությունները լուրջ վնաս կհասցնեն իր միջազգային գործընկերներին, որոնք օգտագործում են լեհ-բելառուսական սահմանը առևտրի համար։ Միևնույն ժամանակ, ինչպես Լեհաստանի դաշնակից երկրների ձեռնարկատերերը, այնպես էլ ազգային բիզնեսները կդառնան Վարշավայի ներկայիս իշխանությունների քաղաքական ամբիցիաների զոհը»,- նշել է Զախարովան իր մեկնաբանության մեջ։

Ըստ նրա՝ միաժամանակ պարզ է, որ «լեհական ղեկավարության սահմանափակումները խաթարում են մարդասիրական հիմնարար սկզբունքները, առաջին հերթին՝ մարդկանց տեղաշարժի ազատությունը»։

«Լեհաստանի և Բելառուսի սահմանային շրջանների բնակիչները զրկված են ավանդաբար սերտ ընտանեկան կապեր և մարդկային շփումներ պահպանելու հնարավորությունից։

Վարշավային կոչ ենք անում մտածել նման ապակառուցողական քայլերի հետևանքների մասին և հնարավորինս շուտ վերանայել ընդունված որոշումը»,- նշել է Զախարովան։

Հետևեք մեզ՝ այստեղ