ՊԱՏՄՈՒԹՅԱՆ ԱՅՍ ՕՐԸ (25 ՍԵՊՏԵՄԲԵՐԻ).Ողբերգական պայթյուն Արցախում՝ բենզինի պահեստարանում. «Փաստ»

«Փաստ» օրաթերթը գրում է.

ՏՈՆԵՐ ԵՎ ՀԻՇԱՐԺԱՆ ՕՐԵՐ

Մոզամբիկ՝ Հեղափոխության օր, Ֆրանսիա՝ Խարկիների հարգանքի ազգային օր (խարկիները ալժիրցի մուսուլման զինծառայողներ են):

ՀԱՅ-ՀԱՅԱՍՏԱՆ

1796 – ծնվել է բանաստեղծ, մանկավարժ, հասարակական-քաղաքական և եկեղեցական գործիչ, Հայ առաքելական եկեղեցու Վիրահայոց թեմի առաջնորդ Հարություն Ալամդարյանը:

1939 –ծնվել է հայազգի մեծանուն բևեռախույզ, գիտնական, հասարակական-քաղաքական գործիչ Արթուր Չիլինգարովը:

1944 –վախճանվել է բանասեր, գրականագետ, բառարանագիր Մանուկ Աբեղյանը:

1944 –ծնվել է քաղաքական, պետական գործիչ Բաբկեն Արարքցյանը:

1990 –Ղարաբաղյան առաջին պատերազմի ընթացքում երկու ադրբեջանական ուղղաթիռներ սկսել են ռմբակոծել Ստեփանակերտը:

1991– Ղարաբաղյան առաջին պատերազմի ժամանակ սկսվել է Ստեփանակերտի ռմբակոծությունը «Ալազան» հակակարկտային կայանքներով, որը շարունակվել է 120 օր:

1992–Ղարաբաղյան առաջին պատերազմի ժամանակ Ադրբեջանի և Հայաստանի միջև կնքվել է կրակի դադարեցման համաձայնագիր, որը, սակայն, չի պահպանվել:

2007–Հայաստանի նախագահ Ռոբերտ Քոչարյանը հայտարարել է, որ եթե ՏերՊետրոսյանը մասնակցի առաջիկա նախագահական ընտրություններին, ապա կդառնա «շարքային ընդդիմադիր գործիչ»:

2013– արցախցի «Տատիկն ու պապիկը» «երիտասարդացել են»: Արցախի ամենահայտնի տեսարժան վայրը վերանորոգվել և բարեկարգվել է։

2017–Աբովյան քաղաքում գործող «Սիփան» պահածոների և ոչ-ոգելից ըմպելիքների գործարանում տեղի է ունեցել պայթյուն, որի հետևանքով երկու քաղաքացի տեղափոխվել է հիվանդանոց:

2020–կալանավորվել է ԲՀԿ առաջնորդ Գագիկ Ծառուկյանը:

2022– կայացել են տեղական ինքնակառավարման մարմինների ընտրություններ Արագածոտնի, Գեղարքունիքի, Լոռու, Կոտայքի, Շիրակի, Սյունիքի, Վայոց ձորի և Տավուշի մարզերի 18 համայնքում, որոնցից միայն 8-ում է իշխող ուժին հաջողվել բացարձակ հաղթանակ տանել:

2023–ուժեղ պայթյուն է տեղի ունեցել Ստեփանակերտ-Ասկերան ճանապարհի հարակից տարածքում՝ բենզինի պահեստարանում, որտեղից բենզին էին տրամադրում այն քաղաքացիներին, որոնք ցանկանում էին Արցախից մեկնել Հայաստան, 170 մարդ զոհվել է, 290–ը՝ վիրավորվել:

ԱՇԽԱՐՀ

275 – վախճանվել է Հռոմի կայսր Ավրելիանոսը, և Հռոմի Սենատը կայսր է հռչակել Տակիտոսին:

1066 – կայացել է Ստեմֆորդ-Բրիջի ճակատամարտը, որը 200 տարի տևած վիկինգների անգլիական արշավանքների վերջին ճակատամարտն է, որտեղ նորվեգական թագավոր Հարալդի բանակը գլխովին ջախջախվել է Գոդվինսոնի ղեկավարած անգլոսաքսոնական բանակի կողմից:

1396– Նիկոպոլիսի ճակատամարտում թուրքերի կողմից կրած ջախջախիչ պարտությամբ ավարտվել է Խաչակրաց վերջին լայնածավալ արշավանքներից մեկը:

1493– Քրիստափոր Կոլումբոսը սկսել է իր երկրորդ ճանապարհորդությունը դեպի Ամերիկա:

1513 –իսպանացի կոնկիսկադոր Վասկո դը Բիլբաոն իր ջոկատով հատել է Պանամայի պարանոցը և դարձել Խաղաղ օվկիանոս հասած առաջին եվրոպացին:

555– ստորագրվել է Աուգսբուրգի հաշտությունը (Աուգսբուրգի համաձայնագիր)՝ կնքված Սրբազան Հռոմեական կայսրության կայսր Կառլոս 5-րդի և Շմալկալդինյան դաշինքի միջև։

1644 –ծնվել է դանիացի աստղագետ Օլե Ռյոմերը:

1683– ծնվել է ֆրանսիացի նշանավոր երգահան Ժան Ֆիլիպ Ռամոնը:

1818 – անգլիացի բժիշկ Ջեյմս Բլանդելը աշխարհում առաջին անգամ իրականացրել է արյան փոխներարկում մարդուց մարդուն:

1897– ծնվել է ամերիկացի գրող, Նոբել յան մրցանակի դափնեկիր Ուիլ յամ Ֆոլքները:

1906 – ծնվել է ռուս կոմպոզիտոր Դմիտրի Շոստակովիչը:

1926 – Հենրի Ֆորդն իր աշխատողների համար սահմանել է 5-օրյա աշխատանքային շաբաթ և 8-ժամյա աշխատանքային օր:

1932– ծնվել է կանադացի դաշնակահար, կոմպոզիտոր Գլեն Գուլդը:

1943 – Երկրորդ համաշխարհային պատերազմի ժամանակ խորհրդային բանակը ազատագրել է Սմոլենսկը:

1949– ծնվել է իսպանացի ռեժիսոր, մեր օրերի նշանավոր կինոգործիչներից մեկը՝ Պեդրո Ալմոդովարը:

1956– շահագործման է հանձնվել Տրանսատլանտյան հեռախոսային հաղորդալարը:

1968–ծնվել է ամերիկացի դերասանուհի, երգչուհի Քեթրին Զետա-Ջոնսը:

1970– վախճանվել է 20-րդ դարի ամենաընթերցվող գրողներից մեկը՝ գերմանացի հանրահայտ գրող Էրիխ Մարիա Ռեմարկը:

1972–Նորվեգիայում անցկացված հանրաքվեում ընտրողները մերժել են Նորվեգիայի անդամակցությունը Եվրամիությանը:

1974 – «Սայենս» ամսագրում առաջին անգամ բերվել են տվյալներ, որ աէրոզոլները քայքայում են Երկրի օզոնային շերտը:

2002 – Ռուսաստանի Իրկուտսկի մարզի Մամսկո-Չույսկի շրջանի Մամա և Վիտիմս ավանների շրջանում նշանակալի լուսային և ձայնային էֆեկտներով ընկել է Վիտիմյան բոլիդը:

Մանրամասները՝ «Փաստ» օրաթերթի այսօրվա համարում