ՊԱՏՄՈՒԹՅԱՆ ԱՅՍ ՕՐԸ (2 ՀՈԿՏԵՄԲԵՐԻ).Շրջափակվել է Ազգային ժողովի շենքը, տեղի է ունեցել «Սրբազան շարժման» հերթական հանրահավաքը. «Փաստ»

«Փաստ» օրաթերթը գրում է.

ՏՈՆԵՐ ԵՎ ՀԻՇԱՐԺԱՆ ՕՐԵՐ

Ուժ չգործադրելու միջազգային օր, Գվինեա՝ Անկախության օր Ֆրանսիայից, ԱՊՀ երկրներ՝ Պրոֆտեխուսուցման օր, Ֆինլանդիա՝ Ծովատառեխ ձկան օր:

ՀԱՅ-ՀԱՅԱՍՏԱՆ

1877–Ռուս թուրքական 11-րդ պատերազմի (1877-1878) կովկասյան ճակատում տեղի է ունեցել Ալվիար-Ալաջանյան ճակատամարտը, որը հանդիսացել է բեկումնային՝ ռուսական բանակի հաղթանակի համար:

1912- Կաթողիկոս Գևորգ 5-րդը պաշտոնապես դիմել է Կովկասի փոխարքա Վորոնցով-Դաշկովին՝ խնդրելով ցարի առջև հարց բարձրացնել Բեռլինի 61-րդ հոդվածը իրականացնելու համար:

1901 – ծնվել է կոմպոզիտոր Թաթուլ Ալթունյանը:

1936 – ծնվել է քանդակագործ, նկարիչ Ֆրիդ Սողոյանը:

1938 – ծնվել է ռուսաստանահայ գիտնական, իրավաբան Վլադիկ Ներսեսյանցը:

1996 – ավարտվել է Երևանում ընթացող 32-րդ շախմատային օլիմպիադան, հաղթել է Ռուսաստանի թիմը Գարրի Կասպարովի գլխավորությամբ:

2003 – մեծ հանդիսությամբ շահագործման է հանձնվել Աշտարակի կամրջի երկրորդ մասը՝ ապահովելով երկկողմանի երթևեկություն:

2006 – Հայաստանի ազգային պատկերասրահում բացվել է ֆրանսիական արվեստի տասնօրյա փառատոնը, որն ունեցել է 5 ցուցահանդես (գեղանկարչական, լուսանկարչական և այլն):

2011 – Տավուշի մարզի Այրում քաղաքի մոտակայքում՝ Վանաձոր – Բագրատաշեն ավտոճանապարհի 86-րդ կիլոմետրի վրա, տեղի է ունեցել սողանք, փլվել է մոտ 300 մետր երկարությամբ ճանապարհ։ Եղել են զոհեր:

2011 – վախճանվել է ծագումով հայ, ռուսաստանցի իրավաբան, «ՅՈՒԿՈՍ» ռուսական նավթային ընկերության փոխտնօրեն Վասիլի Ալեքսանյանը:

2013 – վախճանվել է հուշարձանագետ, արխիվագետ, լուսանկարիչ, թիֆլիսագետ Սարգիս Դարչինյանը:

2014 –Հայաստան է վերադարձվել գերեվարված Հակոբ Ինջիղուլ յանը, որը Ադրբեջանում ծեծի և խոշտանգումների է ենթարկվել և մահվան սպառնալիքների տակ ստիպված է եղել ասել այն, ինչ պահանջել են։

2015 – Գյումրիում բացվել է Կուրսկի հրապարակը՝ այդ առթիվ Ռուսաստանից եկած հատուկ պատվիրակության մասնակցությամբ:

2018 – Նիկոլ Փաշինյանի կոչով շրջափակվել է Ազգային ժողովի շենքը: Փաշինյանը նաև Բաղրամյան պողոտայում հրավիրած հանրահավաքում աշխատանքից ազատել է կառավարությունում «Բարգավաճ Հայաստան» և ՀՅԴ կուսակցությունների ներկայացուցիչներին:

2020 – Ղարաբաղյան երկրորդ պատերազմի ժամանակ ադրբեջանական բանակը առաջընթաց է ունեցել Ջեբրայիլ-Ֆիզուլի ուղղությամբ, ինչպես նաև գրավել է Մատաղիսի շրջակա բարձունքները: Ֆրանսիայի նախագահ Էմանուել Մակրոնը հայտարարել է, որ սիրիացի ավելի քան 300 ահաբեկիչ է կռվում Ադրբեջանի կողմից:

2023 – Ստեփանակերտի Մայր տաճարում վերջին պատարագն է մատուցել Հրայր Սարկավագը, երբեմնի մարդաշատ եկեղեցում որևէ արցախցի չի եղել:

2024 – Հանրապետության հրապարակում տեղի է ունեցել Բագրատ Սրբազանի առաջնորդած «Սրբազան շարժման» հանրահավաքը:

ԱՇԽԱՐՀ

1187 – Սալահ ադ Դինը խաչակիրների 88 տարվա տիրապետությունից հետո գրավել է Երուսաղեմը:

1263 – տեղի է ունեցել Լարգսի ճակատամարտը, որը Շոտլանդա-նորվեգական պատերազմի կարևոր ճակատամարտերից մեկն է:

1535 – ֆրանսիացի ծովագնաց Ժակ Քարտիեն ափ է իջել ներկայիս Կանադայի տարածքում գտնվող Հոշլեագ տեղանքում և անվանել այն Մոնրեալ:

1552 – ռուսական ցար Իվան Ահեղը գրավել է թաթարների մայրաքաղաք Կազանը:

1608 – Իոհան Լիպպերսհեյնը հոլանդական կառավարությանն է ներկայացրել իր հայտնագործությունը՝ օպտիկական աստղադիտակի նախատիպը:

1800 – ծնվել է ամերիկացի ստրուկ-քարոզիչ, Վիրջինիայում ստրուկների ապստամբության ղեկավար Նաթ Տյորները:

1836 – Չարլզ Դարվինը վերադարձել է «Բիգլ» նավով հինգ տարի տևած շուրջերկրյա ճանապարհորդությունից:

1860 – Սանկտ Պետերբուրգում բացվել է Մարիինյան թատրոնը:

1869 – ծնվել է Հնդկաստանի ազգային – ազատագրական շարժման առաջնորդներից մեկը՝ Մահաթմա Գանդին:

1870 – Հռոմը դարձել է միավորված Իտալիայի մայրաքաղաք:

1936 – ԱՄՆ-ում «չոր օրենքը» չեղարկելուց հետո բացվել է ալկոհոլային խմիչքների արտադրության առաջին գործարանը:

1951 – ծնվել է անգլիացի երգիչ Սթինգը:

1968– Մեքսիկայի մայրաքաղաք Մեխիկոյում ուսանողների կազմակերպած ցույցը ցրելու համար կառավարությունն օգտագործել է հրազեն, որի արդյունքում, տարբեր աղբյուրների փոխանցմամբ, զոհվել է 200300 մարդ:

2000 – «Ames Laboratory» ամերիկյան պետական կազմակերպության գիտնականները ստեղծել են նոր գերամուր նյութ, որն իր ամրությամբ զիջում է միայն ալմաստին:

2002 – Ճապոնիայում աշխարհում առաջին անգամ սկսել են վաճառել ռոբոտ-ինկասատորներ:

Մանրամասները՝ «Փաստ» օրաթերթի այսօրվա համարում