ՊԱՏՄՈՒԹՅԱՆ ԱՅՍ ՕՐԸ (4 ՀՈԿՏԵՄԲԵՐԻ).Գործարկվել է առաջին շարժասանդուղքը, իրականացվել է զանգվածային ինքնահրկիզում. «Փաստ»

«Փաստ» օրաթերթը գրում է.

ՏՈՆԵՐ ԵՎ ՀԻՇԱՐԺԱՆ ՕՐԵՐ

Կենդանիների պաշտպանության համաշխարհային օր, Լեսոտո՝ Անկախության օր Միացյալ Թագավորությունից, Դանիա՝ Ֆրեդերիկստադի հարձակման օր:

ՀԱՅ-ՀԱՅԱՍՏԱՆ

1857– ծնվել է ճանաչված նկարիչ Գևորգ Բաշինջաղյանը:

1921– ծնվել է գիտնական, ինժեներկոնստրուկտոր Ալեքսանդր Քեմուրջյանը:

1925 – իր ծննդյան օրը 68 տարեկան հասակում վախճանվել է անվանի նկարիչ Գևորգ Բաշինջաղյանը:

1950 – ծնվել է բանաստեղծ Արզուման Այվազյանը:

2005 – Ախալ քալակում ոստիկանները ցրել են շուրջ երեք հարյուր ցուցարարների, որոնք բողոքում էին Վրաստանի հարկային ծառայության՝ Թբիլիսիից ժամանած աշխատակիցների կողմից շուրջ մեկ տասնյակ՝ հիմնականում հայերին պատկանող խանութների փակման դեմ: Ոստիկանները ռետինե մահակներով դաժան ծեծի են ենթարկել ցուցարարներին, որոնցից մի քանիսը տեղափոխվել են հիվանդանոց:

2007 – Հայաստանի կառավարության նիստում որոշվել է օտարել Կոնդի թաղամասին և Մաշտոցի պողոտայի շուկային հարող տարածքը` ճանաչելով դրանց նկատմամբ բացառիկ գերակա հանրային շահ:

2018 – Անիում բողոքի ակցիա է ընթացել, որտեղ պահանջել են համայնքապետի հրաժարականը, իսկ համայնքապետի կողմնակիցները փակել են Գյումրի-Երևան միջպետական ճանապարհը:

2019 – Իլհամ Ալիևը Սոչիում «Վալդայ» համաժողովին արձագանքել է դեռևս մեկ ամիս առաջ Նիկոլ Փաշինյանի՝ «Արցախը Հայաստան է և վերջ» հայտարարությանը։ «Ղարաբաղն Ադրբեջան է և բացականչական նշան», - ասել է Ալիևը։

2020 – Ղարաբաղյան երկրորդ պատերազմի ժամանակ հայկական կողմը հեռահար հրթիռներով ռմբակոծել է Գյանջա (Գանձակ) քաղաքի օդանավակայանը, սակայն ադրբեջանական կողմը հայտարարել է, որ ռմբակոծության է ենթարկվել քաղաքի խաղաղ բնակչությունը:

ԱՇԽԱՐՀ

610 – Հերակլիոս Ա-ն դարձել է Բյուզանդիայի կայսր:

1289 – ծնվել է Ֆրանսիայի թագավոր Լյուդովիկոս 10-րդը:

1472– ծնվել է Վերածննդի ժամանակաշրջանի գերմանացի մեծ նկարիչ Լուկաս Կրանախ Ավագը:

1535 – լույս է տեսել առաջին անգլերեն Աստվածաշունչը:

1582– Հռոմի պապ Գրիգոր 12-րդը գործածության մեջ է մտցրել Գրիգորյան օրացույցը:

1669 – վախճանվել է հոլանդացի գեղանկարիչ Ռեմբրանդտ վան Ռեյնը:

1675 – հոլանդացի ֆիզիկոս Քրիստիան Հյուգենսը արտոնագրել է գրպանի ժամացույցը:

1880 – վախճանվել է ֆրանսիացի կոմպոզիտոր Ժակ Օֆֆերբախը:

1800 – Լուգանսկում գործարկվել է առաջին դոմենյան վառարանը Ուկրաինայում:

1830 – Բելգիան հայտարարում է Հոլանդիայից անկախանալու մասին:

1847– ծնվել է ֆրանսիացի գրող, արկածային ժանրի նշանավոր գրողներից մեկը՝ Լուի Բուսենարը:

1890 – ավարտվել է Ֆրանս-դագոմեական առաջին պատերազմը:

1895 – ծնվել է խորհրդային հետախույզ Ռիխարդ Զորգեն:

1911– Լոնդոնում գործարկվել է առաջին շարժասանդուղքը:

1931– սկսել է նշվել Կենդանիների պաշտպանության միջազգային օրը:

1934 – Էնրիկո Ֆերմին հայտնագործել է նեյտրոնների դանդաղեցման էֆեկտը:

1942 – Երկրորդ համաշխարհային պատերազմում Միացյալ Նահանգները գրավել են Սողոմոնյան կղզիները:

1957– տիեզերք է ուղարկվել Երկիր մոլորակի առաջին արհեստական արբանյակը` «Սպուտնիկ 1»-ը:

1959 – տիեզերք է ուղարկվել «Լուսին-3» տիեզերական սարքը, որը առաջին անգամ լուսանկարել է Լուսնի՝ Երկրից չերևացող երեսը:

1965 – պապականության պատմության մեջ առաջին անգամ Հռոմի պապ Պավել 6-րդը հրապարակել է բուլլա, որտեղ հրեաները չեն մեղադրվել Քրիստոսի մահվան մեջ:

1965 – ծնվել է ռուս ծրագրավորող, հակավիրուսային անվտանգության գծով մասնագետ, «Կասպերսկի լաբորատորիա» ընկերության հիմնադիր Եվգենի Կասպերսկին։

1971 – si հաշվարկային համակարգում Մոլի մեծությունը ընդունվել է որպես ստանդարտ չափման միավոր:

1982 – վախճանվել է կանադացի դաշնակահար, կոմպոզիտոր Գլեն Գուլդը:

1985 – ԱՄՆ-ի Մասաչուսեթս քաղաքում Ռիչարդ Սթոլմանի կողմից հիմնադրվել է Ազատ ծրագրային ապահովման հիմնադրամը՝ ազատ ծրագրային ապահովման շարժմանը և GNU նախագծին աջակցելու համար։

1992 – Ամստերդամում բեռնատար Բոինգ 747 ինքնաթիռը ընկել է բնակելի շենքերի վրա, զոհվել է 47 մարդ:

1994 – Շվեյցարիայում «Արևի վանքի օրդեն» աղանդի 48 անդամ իրականացրել է ինքնահրկիզում:

2004 – վախճանվել է ամերիկացի ճարտարագետ, աստղագնաց, գնդապետ Գորդոն Քուփերը:

2022 – Եթովպիայում Տիգրայեի պատերազմի ժամանակ ավելի քան 50 երեխա է մահացել Եթովպիայի բանակի կողմից Վերին Ադիյաբո բնակավայրի դպրոցի ավիառմբակոծության արդյունքում:

Մանրամասները՝ «Փաստ» օրաթերթի այսօրվա համարում