«Դժվարին իրավիճակում օգնության ձեռք կմեկնենք հաստատ...». Լուիզա Ներսիսյանը` ֆիլմերում բաց տեսարաններում խաղալու և Իրինա Դանիելյանի հետ հարաբերությունների մասին

Դերասանուհի, ով ի տարբերություն մնացած տարիների, այսօր հանդես է գալիս գրեթե բոլոր գեղարվեստական ֆիլմերում, սակայն դրա հետ մեկտեղ շարունակում է իր գործունեությունը Երևանի պետական կամերային թատրոնում:

Նա այն դերասանուհիներից է, ով տարիներ առաջ դարձավ ամենահայտնի ու պահանջված հայ դերասաններից մեկի կինը, ինչից հետո (ինչպես շատերն են պնդում) էլ ավելի ամրապնդեց իր տեղը դերասանական ոլորտում, ինչպես նաև կրկնապատկեց մինչ այդ ունեցած իր հաջողությունը:  

Նա այն հայ եզակի դերասանուհիներից է, ով հաշվի առնելով իր մասնագիտությունը, համաձայնվում է խաղալ ֆիլմերում առկա անկեղծ տեսարաններում, իսկ նրանք, ովքեր չեն խաղում նման տեսարաններում՝ պարզապես կոչումով դերասաններ չի համարում: 

Past.am-ը ներկայացնում է դերասանուհի, գեղեցկուհի Լուիզա Ներսիսյանին՝ իր համարձակ կերպարների, մտքերի ու բաց տեսարաններում նկարահանվելու մասին որոշակի տեղեկություններով: 

Համարձակ դերասանուհին միշտ էլ աչքի է ընկել իր անկեղծ ու համարձակ կերպարներով ու մտքերով: Նա երբեք էլ չի ամաչել խաղալ այնպիսի ֆիլմերում, որտեղ առկա են բաց տեսարաններ:

«Եթե դերասանուհին ամաչում է նկարահանվել համբույրի տեսարաններում, ուրեմն նա թաքցնելու բան ունի: Երբ ծնվում է, ունենում է իր սկզբունքները, և եթե նա չի դավաճանել իր սկզբունքներին, նշանակում է նա ճիշտ է ապրել»,- նշել է դերասանուհին:

Վերջին գեղարվերստական ֆիլմը, որ խաղացել է Լուիզա Ներսիսյանը, եղել է Սկոտչ ու վիսկի ֆիլմը, որտեղ աչքի էր ընկնում իր պրոֆեսիոնալ դերասանական խաղով, անկեղծ ու զավեշտալի տեսարաններում նկարահանվելով: Դերասանուհու խաղընկերը Ռաֆայել Երանոսյանն էր, ում հետ էլ նկարահանվել է համբույրի տեսարանում: 

«Հրանտը, բացի նրանից որ շատ պրոֆեսիոնալ դերասան է, նաև շատ պրոֆեսիոնալ տղամարդ է: Մենք նմանատիպ խոսակցություններ չենք ունեցել: Ես դարասանուհի եմ, ինքն էլ դերասան և ամեն մեկս էլ զբաղվում է իր գործով: Փորձում ենք իրար հետ շարունակել մեր կյանքը: Կյանք ասվածի մեջ մտնում է և մասնագիտություն, և անձնական, և մարդու տեսակ: Երբ դու փորձում ես մարդուն փոխել, նշանակում է դու այլ մարդու հետ ես ուզում ապրել, ոչ թե հենց այդ մեկին ում ընտրել ես»: Հարցազրույցներից մեկի ժամանակ նշել է դերասանուհին:

Լինելով Հրանտ Թոխատյանի կինը, նա միշտ էլ նշել է, որ բարիդրացիական հարաբերությունների մեջ է նրա նախկին կանանց հետ:

Լինելով նույն բնագավառից ես և Իրինա Դանիելյանը անհնար է որ լինենք վատ հարաբերություններում: Մի պահ պատկերացրեք աշխատում ես նույն թատրոնում, ունես գրեթե նույն ընկերական շրջապատը, լինում են միջոցառումներ, երբ երկուսս էլ լինում ենք միևնույն միջավայրում, ու ինչ, պետք է իրար հանդեպ չարությամբ լցվենք, ինչ է թե ժամանակին նա եղել է Հրանտի կինը: Ծիծաղելի է պարզապես,- նշել է դերասանուհին: