Ադրբեջանական ԶԼՄ-ները հայտնում են երգչուհի Սամիրա Էֆենդիի՝ հայ երգչին գովելու պատճառով ծագած սկանդալի մասին

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Աստանայում երաժշտական մրցույթի եզրափակիչը վերածվել է տեղային քաղաքական կրկեսի․ բավական էր երգչուհի Սամիրա Էֆենդին գրկեր հայ մասնակից Սարո Գևորգյանին, որպեսզի Ֆեյսբուքը «պայթեր»։ Այս մասին գրում է vestibaku.com-ը։ Նշենք, որ խոսքը Silk Way Star մրցույթի դրվագի մասին է։ Երգչուհի Սամիրա Էֆենդին Հայաստանը ներկայացնող մասնակցին տվել էր առավելագույն՝ 12 միավոր։

«Սակայն բոլորից վառ որոշել է աչքի ընկնել հայտնի սկանդալիստ Ակիֆ Նագին, որն իր էջում իսկական հիստերիկ ներկայացում է սարքել»,- հստակեցնում է պարբերականը։

Հիշեցնենք, որ այդ կերպարը ժամանակին ղեկավարում էր, այսպես կոչված, «Ղարաբաղի ազատագրման կազմակերպությունը», որի գործունեությունը հանգում էր հայերի Բաքու այցերի վերաբերյալ հիստերիկ արարքներին։

«Մինչ նախագահ Իլհամ Ալիևը հետևողականորեն առաջ է տանում խաղաղության, երկխոսության և հետկոնֆլիկտային կարգավորման գիծը, Նագին իրեն պահում է այնպես, կարծես ինքը պատերազմի վերջին ամրոցն է, իսկ արտիստների գրկախառնությունը՝ սպառնալիք ազգային անվտանգությանը։ Ստացվում է, որ Նագին հրապարակավ գրոհում է ոչ միայն երգչուհու, այլև ադրբեջանական խաղաղ քաղաքականության գաղափարի վրա։ Եթե հետևենք նրա տրամաբանությանը, ապա մշակութային շփումը հանցագործություն է, իսկ բարի կամքի ցանկացած դրսևորում՝ լինչի դատաստանի առիթ»,- գրում է պարբերականը։

«Համերգին ամեն ինչ պարզ և պրոֆեսիոնալ տեսք ուներ․ Սամիրան, լինելով ժյուրիի անդամ, հայ կատարողին նշանակել է առավելագույն՝ 12 միավոր, իսկ արդյունքների հայտարարման ժամանակ ջերմորեն գրկել է նրան։ Ոչ մի քաղաքական հայտարարություն, ոչ մի խորհրդանիշ․ միջազգային շոուի մասնակցող արտիստների սովորական ժեստ։ Բայց Ակիֆ Նագիի համար դա բավական էր, որպեսզի երգչուհուն ողողի կեղտով, անվանի «դավաճան», արժեզրկի նրա կարիերան և անգամ կասկածի տակ դնի նրա ազգությունը»։

Երգչուհու արարքի նկատմամբ նման խաղաղասիրական վերաբերմունքը, ինչպես և բուն արարքը, բավականին շինծու են դիտվում․ ընդամենը մոտ տասը տարի առաջ Ադրբեջանում պատրաստ էին բառի բուն իմաստով հոշոտել ականավոր գրող Աքրամ Այլիսլիին։ Հիշեցնենք, որ «Դրուժբա նարոդով» ամսագրում ադրբեջանցիների և հայերի բարդ հարաբերությունների մասին պատմող «Քարե երազներ» վեպի հրապարակումից հետո Ադրբեջանում հալածանքներ սկսվեցին Աքրամ Այլիսլիի դեմ. նրան զրկեցին կառավարական բոլոր պարգևներից, Ադրբեջանի ժողովրդական գրողի կոչումից և նախագահական անհատական թոշակից։ Բաքվում և Ադրբեջանի մի շարք այլ քաղաքներում այրեցին նրա գրքերը, իսկ տան մոտ պիկետներ անցկացրին։ «Ենի Մուսավաթ» կուսակցությունը 12 հազար դոլարի պարգևավճար հայտարարեց նրան, ով կկտրի գրողի ականջը։

Հետևեք մեզ՝ այստեղ