ՊԱՏՄՈՒԹՅԱՆ ԱՅՍ ՕՐԸ (12 ՓԵՏՐՎԱՐԻ). Հայաստանի զինված ուժերի առաջին գործնական մասնակցությունը խաղաղապահ առաքելությանը. «Փաստ»

«Փաստ» օրաթերթը գրում է.

ՏՈՆԵՐ ԵՎ ՀԻՇԱՐԺԱՆ ՕՐԵՐ
Դարվինի համաշխարհային օր, ԱՄՆ՝ Ազատ ամուսնության օր,
Մյանմա՝ Միասնության օր,
Վենեսուելա՝ Երիտասարդության օր,
Տաջիկստան՝ Դուշանբեի զանգվածային անկարգությունների զոհերի հիշատակի օր։

ՀԱՅ-ՀԱՅԱՍՏԱՆ

1286 – վախճանվել է Ամենայն հայոց կաթողիկոս Հակոբ Ա Կլայեցին։

1741 – վախճանվել է Կ. Պոլսո հայոց պատրիարք Հովհաննես Թ Կոլոտ Բաղիշեցին։

1908 – վախճանվել է գրող Արփիար Արփիարյանը։

1909 – ծնվել է հայագետ, բանագետ Արամ Ղանալանյանը։

1921 – Վրաստանի խորհրդայնացման ժամանակ բոլշևիկյան ապստամբություն է սկսվել Վրաստանի ձեռքում գտնվող Լոռիում, որի ընթացքում հաջողվել է որոշակիորեն զինաթափել և դուրս մղել վրացական բանակին։

1935 – ծնվել է ճանաչված գրող, արձակագիր, կինոսցենարիստ Հրանտ Մաթևոսյանը։

1941 – ծնվել է բալետի արտիստ, պարուսույց Վիլեն Գալստյանը։

1992 – Հայաստանը դիվանագիտական հարաբերություններ է հաստատել Շրի Լանկայի հետ։

1992 – վախճանվել է գրաֆիկ, մանկավարժ Միհրան Սոսոյանը։

1994 – Ղարաբաղյան առաջին պատերազմի ժամանակ սկսվել է ճակատամարտը Օմարի լեռնանցքի համար, որի արդյունքում հայկական ուժերը վերահսկողություն են սահմանել Քելբաջարի շրջանում։

1999 – Հայաստանը դիվանագիտական հարաբերություններ է հաստատել Բելիզի հետ։

2004 – Հայաստանի զինված ուժերի մեկ դասակ մեկնել է Կոսովո՝ ՄԱԿ-ի խաղաղապահ առաքելությանը մասնակցելու համար։

2008 – վախճանվել է գրականագետ, չարենցագետ Արփենիկ Չարենցը։

2009 – «Բարգավաճ Հայաստան» կուսակցության համագումարում Գագիկ Ծառուկյանը վերընտրվել է կուսակցության նախագահ։

2012 – 9 մարզում կայացել են տեղական ինքնակառավարման մարմինների ընտրություններ։

2016 – ԱԱԾ տնօրեն է նշանակվել Գեորգի Կուտոյանը։

2019 – Նիկոլ Փաշինյանը հայտարարել է համաժողովրդական տնտեսական հեղափոխության մեկնարկի մասին։

2021 – «Հայրենիքի փրկության շարժումը» հանրահավաք է անցկացրել Ազատության հրապարակում։

ԱՇԽԱՐՀ

881 – Հռոմի պապ Հովհաննես 8-րդը Կարլ 3-րդ Հաստլիկին թագադրել է Արևմուտքի կայսր։

1429 – տեղի է ունեցել Ռուվրեի ճակատամարտը Հարյուրամյա պատերազմի ժամանակ։

1429 – Ժաննա դը Արկը դիմել է Ռոբերտ դը Բոդրիկուրուին՝ սկսելով իր պատմական առաքելությունը։

1502 – Կաստիլիայից վտարվել են քրիստոնեություն չընդունած մավրերը։

1541 – հիմնադրվել է Սանտյագո դե Չիլի քաղաքը։

1538 – վախճանվել է նկարիչ Ալբրեխտ Ալթդորֆերը։

1593 – կորեական բանակը ջախջախել է ճապոնական զորքին Խենջու ամրոցի մոտ։

1804 – վախճանվել է Իմանուիլ Կանտը։

1809 – ծնվել է Չարլզ Դարվինը։

1809 – ծնվել է Աբրահամ Լինքոլնը։

1818 – Չիլին հռչակել է անկախությունը։

1832 – Էկվադորը գրավել է Գալապագոսյան կղզիները։

1865 – Մենդելեևը պաշտպանել է իր դիսերտացիան։

1896 – վախճանվել է կոմպոզիտոր Ամբրուազ Թոման։

1898 – գրանցվել է առաջին մահացու ավտովթարը։

1899 – Գերմանիան գնել է Կարոլինյան և Մարիանյան կղզիները։

1908 – Անգլիայում ընդունվել է երեխաների ծխելը արգելող օրենք։

1912 – ավարտվել է Սինհայան հեղափոխությունը Չինաստանում։

1941 – առաջին անգամ կիրառվել է պենիցիլինը բուժման մեջ։

1950 – ստեղծվել է Եվրոպական հեռարձակողների միությունը։

1961 – տիեզերք է ուղարկվել «Վեներա-1» կայանը։

1994 – բացվել են Լիլլեհամմերի ձմեռային օլիմպիական խաղերը։

2017 – վախճանվել է ջազ երաժիշտ Էլ Ջերրոն։

Մանրամասները՝ «Փաստ» օրաթերթի այսօրվա համարում