Հրդեհներ խոտածածկ տարածքներում

Հուլիսի 10-11-ը ՀՀ ՏԿԱԻՆ ճգնաժամային կառավարման ազգային կենտրոնում ահազանգեր են ստացվել հանրապետության տարբեր խոտածածկ տարածքներում բռնկված հրդեհների վերաբերյալ:

Մասնավորապես՝ Երեւանի «Հաղթանակ» զբոսայգում` «Մայր Հայաստան» հուշարձանի մոտակայքում, այրվել է 200 քմ, Արշակունյաց պողոտայում` «Երեւան Մոլ» առեւտրի կենտրոնի մոտ՝ 1000 քմ, «Հաղթանակ» կամրջի մոտակայքում՝ 300 քմ, Գալշոյան փողոցի թիվ 38/1 շենքի մոտ՝ 5000 քմ, Դավթաշենի կամրջի մոտակայքում՝ 8000 քմ, Դավթաշենի գերեզմանատան մոտ՝ 800 քմ, Շոպրոնի փողոցի թիվ 77 հասցեում` Վ. Սարգսյանի անվան ռազմական ինստիտուտի տարածքում՝ 1 հա, Ֆանարջյան փողոցում` գերեզմանատան մոտակայքում՝ 100 քմ, Սաֆարյան փողոցում՝ ՊՆ-ի մոտ՝ 5000 քմ, Մառի փողոցում՝ 200 քմ, Զ. Քանաքեռցու փողոցի թիվ 106/1 շենքի մոտ` 100 քմ, Աշխաբադի փողոցում գտնվող «Առինջ» ռեստորանային համալիրի մոտակայքում՝ 100 քմ, Մոլդովական փողոցի թիվ 56 հասցեում` «Նորք Ռեզիդենտ» հյուրանոցի մոտակայքում ՝ 300 քմ, Աշտարակի խճուղում՝ Բանահովիտ թաղամասի մոտակայքում՝ 600 քմ խոտածածկ տարածք:

Արարատի մարզի Արարատ գյուղում` երկաթգծի կայարանի մոտակայքում, այրվել է 100 քմ, Արմավիրի մարզի Մեծամոր քաղաքի քոթեջների մոտակայքում՝ 600 քմ, Էջմիածին քաղաքի Ռուսական եկեղեցու դիմաց՝ 3 հա այգի, Թաիրով գյուղի Սայաթ-Նովայի փողոցում՝ 200 քմ, Էջմիածին-Արմավիր ավտոճանապարհի 4-րդ կմ-ի մոտ՝ 4 հա ցորենի հնձած արտ, Արագածոտնի մարզի Աշտարակ քաղաքի Վ. Պետրոսյանի անվան հիմնական դպրոցի տարածքում՝ 1000 քմ, Բագավան թաղամասի մոտակայքում՝ 20 հա, Ուջան գյուղի մոտակայքում՝ 5000 քմ, Բյուրական-Ագարակ ավտոճանապարհին` էլ. ենթակայանների մոտ՝ 600 քմ, Աշտարակ-Ագարակ ավտոճանապարհի 1-ին կմ-ի մոտակայքում՝ 1 հա, Կոտայքի մարզի Նոր Հաճն քաղաքում՝ Գայի 1 հասցեի մոտ՝ 1000 քմ, Հրազդան քաղաքից Սեւան տանող ճանապարհին՝ սարի լանջին գտնվող անտառում՝ 2 հա, Բյուրեղավան գյուղի գերեզմանատան մոտակայքում՝ 5000 քմ, Նոր Գեղի եւ Արգել գյուղերի մոտակայքում՝ 5000 քմ, Երեւան-Սեւան ավտոճանապարհին` Արզնու կամրջի մոտ՝ 1400 քմ, «Չայնիի ոլորաններ» կոչվող հատվածում՝ 200 քմ, Տավուշի մարզում՝ Նոյեմբերյան-Դեբեդավան ավտոճանապարհի 29-րդ կմ-ի ձախակողմյան հատվածում՝ 5 հա, Սյունիքի մարզի Կապան քաղաքի Դավիթ Բեկ թաղամասին հարակից սարալանջին՝ 1500 քմ խոտածածկ տարածք:

Բոլոր հրդեհները հրշեջ-փրկարարները մեկուսացրել են եւ մարել: