Համացանցում են հայտնվել «Գահերի խաղը» սերիալի 6-րդ սեզոնի կադրերն ու որոշ մանրամասներ (լուսանկար)

Blognews.am-ը գրում է.

Ապրիլի 24-ին մեկնարկում է «Գահերի խաղը» սերիալի 6-րդ եթերաշրջանը։ Անցած տարի, դրա մաեն սերիան հավաքում էր 5-8 միլիոն հեռուստադիտող, էլ չխոսենք այն մարդկանց մասին, ովքեր հետևում են սերիալին համացանցի միջոցով։ Այնպես որ, չափազանցություն չի լինի, եթե ասենք, որ 6-րդ եթերաշրջանին սրտատրոփ սպասում են միլիոնավոր մարդիկ։

Պրեմիերայից 2 ամիս առաջ, համացանցում են հայտնվել 18 կադրեր, որոնք լինելու են նոր եթերաշրջանում։ Այս եթերաշրջանը հետաքրքիր է նաև նրանով, որ դրա սյուժեն առաջ է անցնելու գրքային սկզբնաղբյուրից, քանի որ Մարտինը պարզապես չի հասցնում ավարտել հերթական գիրքը։ Այնպես որ, նրանք, ովքեր կարդացել են գրքերը, էլ չեն կարողանա սփոյլերություն անել, իսկ հրապարակված կադրերի մեծ մասը նորություն կլինի անգամ նրանց համար, ովքեր անգիր գիտեն գրքերը։

1․ Բրան Սթարքի սյուժետային գիծը կվերադառնա սերիալ։ Վարգ տղան, որին Խոդորը փոխադրում էր սահնակի վրա, գրեթե առողջ տեսք ունի։

2․ Ծայրահեղական հոգևոր առաջնորդ Նորին ճնճղուկությունը, ով դեմ է հանդես գալիս միասեռականությանն ու ինցեստին, հանգիստ չի տա ո՛չ Տիրելլներին, ո՛չ Լաննիստերներին։

3․ Երկաթածին Բելոն Գրեյջոյը առաջվա պես վստահ է, որ այն, ինչ մահացած է՝ չի կարող մահանալ։ Եթե հիշում եք, սա այն տղայի հայրն է, որի առնանդամը կտրել էին նախորդ սեզոններում։

4. Նրա դուստրը՝ Յարա Գրեյջոյը, առաջվա պես անկոտրում է։ Առնանդամը կորցրած տղայի քույր լինել կատակ բան չէ։

5. Ջորջ Մարտինը խոստովանել է, որ 5-րդ սեզոնի վերջին սերիայում, կույս Բրիեննա Տարտը չի սպանում Ստաննիս Բարատեոնին։ Դե հիմա, սփոյլերություն է, բայց ծերուկն այդպես ուզեց։

6. Սակայն Սատննիսին չենք տեսնում սփոյլեր կադրերի մեջ։ Փոխարենը, տեսնում ենք նրա աջ ձեռք Դավոս Սիվորտին, ով, ինչպես հիշում եք, չուներ մատներ իր ձախ ձեռքի վրա։

7. Բանալ է, բայց փաստ․ Դեյեներիս Տարգարիենը կշարունակի մնալ սերիալի առանցքային պերսոնաժներից մեկը։ Այդ նրա մոտ էին 5-րդ սեզոնում 3 վատ կառավարվող վիշապներ մեծացել։

8. Ահա և Ռամսի Սնոուն։ Վայ, կներեք՝ Ռամսի Բոլտոնը։ Հաստատ նայում է, թե ինչպես են հերթական դժբախտին մաշկում։ Կամ էլ կտրում առնանդամը։

9. Ռուսե Բոլտոնը ևս իր տեղում է։ Հիշեցնենք, որ այս տղամարդը դավաճանեց Քեյթիլին Սթարքին չարաբաստիկ «Կարմիր հարսանիքի» ժամանակ։ Ի դեպ, Մարտինի գրքերում Քեյթիլինը մահանալուց հետո էլ շարունակում է մնալ առանցքային գործող հերոսների կազմում։ Թե ինչ կլինի սերիալում՝ դժվար է ասել, որովհետև կադրերում ինչ որ զոմբիներ չեն երևում։

10. Տեոն Գրեյջոյն ու Սանսա Սթարքը ընկան Վինթերֆելի պարսպի վրայից, բայց բնականաբար ողջ մնացին։ Սակայն ասում են, թե Տեոնը չի կարողանա հեռու փախնել։ Չէ՞ որ նա այլևս չունի առնանդամ։

11. Պիտեր Դինքլեյջն ինչպես միշտ հրաշալի է Տիրիոն Լաննիստերի դերում։ Վայ, կներեք՝ Տիրիոն․․․ Չնայած այս սփոյլերի համար դեռ վաղ է․․․

12. Նրանք, ովքեր կարդացել են գրքերը, գիտեն, որ Արիա Սթարքը կուրանում է սերիալի նախորդ սեզոնի վերջին սերիայի իրադարձություններից դեռ շա՜տ առաջ։ Սա այն դեպքերից է, երբ գրքի երկրպագուները գիտեին, թե ինչ է լինելու սերիալի դեպքերից դեռ շատ առաջ։

13. Դեռատի Միրցելլան՝ Ջեյմե և Սերսեա Լաննիստերի դուստրը, մահացավ թույնից։ Թունավորման դրվագով եզրահանգվեց նախորդ սեզոնը ու կար չնչին հույս, որ այս աղջնակը ողջ կմնա։ Ինչպես տեսնում ենք՝ հույսն ապարդյուն էր։

14. Տիրիոնն առաջվա պես խմում է։

15. Միսսանդեա։ Պարզապես Միսսանդեա։ Նրան սիրում է Անթերիների ամենաուժեղ զինվորը, ում անունն է Մոխրագույն Որդ․․․ Խոստանում ենք, որ սա վերջին կատակն էր՝ առնանդամների մասին։

16. Ջեյմեն պատմում է Սերսեային Դորն կատարած ուղևորության արդյունքների մասին։ Կամ էլ Սերսեան է Ջեյմեին պատմում, թե ինչպես 5-րդ սեզոնի վերջին սերիայում նրանց խուզեցին ու ստիպեցին մերկ անցնել իր հպատակների ամբոխի միջով, ովքեր իրենց թագուհու երեսին էին թքում ու կկղանք էին լցնում նրա վրա։

17. Վարիսը շարունակում է խորամանկ պարտիան Ճկույթի դեմ։ Այո, վերջինս կադրում չի երևում, բայց սերիալի իրադարձությունների ողջ տրամաբանությունը պտտվում է Վարիսի ու Ճկույթի ընդհատակյա դիմակայության շուրջ, որի նպատակն է իշխել Վեստերոսում։

18. Հյուսիսում անհանգիստ է, բայց Սեմվել Տարլին կրկին Լիլլիի հետ է։ Չի բացառվում, որ նրանք խոսում են Ջոն Սնոուի մասին, ում սպանեցին յուրայինները։