Իրանի գերագույն առաջնորդը խոստացել է հաղթել թշնամուն նաև մշակույթի և տնտեսության ոլորտներում

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին                     

Իրանի գերագույն առաջնորդ այաթոլլա Մոջթաբա Խամենեին Ուսուցչի օրվա և Աշխատանքի օրվա առթիվ՝ մայիսի 1-ին, երդվել է, որ իրանցի ժողովուրդը կհաղթի թշնամուն նաև մշակութային ու տնտեսական ոլորտներում՝ ռազմական դաշտում հաղթանակից հետո, հայտնում է Press TV-ն։

«Այժմ, երբ Իրանի Իսլամական Հանրապետությունն ավելի քան քառասունյոթ տարվա պայքարից հետո, ապավինելով աստվածային ողորմությանը, աշխարհին ապացուցել է իր զարմանալի կարողությունների մի մասը իր առաջընթացի ու գերազանցության թշնամիների դեմ ռազմական ճակատամարտում, այն պետք է նաև հուսահատեցնի ու հաղթի նրանց տնտեսական ճգնաժամի և մշակութային ջիհադի փուլում:

Ուսուցիչները կդառնան մշակութային ճակատամարտի ամենաազդեցիկ օղակը, իսկ բանվորները կլինեն տնտեսական պայքարի ամենաարդյունավետ տարրերից մեկը՝ այնքան, որ կարելի է պնդել, թե այս երկուսը ծառայում են որպես մշակույթի և տնտեսության ասպարեզների հիմք», - նշել է նա:

Այաթոլլա Խամենեին նշել է, որ երկրի առաջընթացը կախված է «երկու սյուներից՝ գիտելիքից և աշխատանքից», և կոչ է արել գործնական աջակցություն ցուցաբերել երկու խմբերին էլ։ Ուսուցիչներն, ըստ նրա, «լուրջ պատասխանատվություն» են կրում հմտությունների ուսուցման, խորաթափանցության դաստիարակման և հաջորդ սերնդի անհատականության ձևավորման համար:

Նա կոչ է արել ավելի սերտ փոխգործակցություն հաստատել ընտանիքների ու դպրոցների տնօրինությունների միջև և հորդորել է քաղաքացիներին նախապատվությունը տալ տեղական արտադրության ապրանքներին՝ աջակցելու տեղացի աշխատողներին:

Նա նաև դիմել է գործարարներին, հատկապես նրանց, ում ձեռնարկությունները դժվարություններ են կրում՝ կոչ անելով «հնարավորության դեպքում խուսափել կրճատումներից» և յուրաքանչյուր աշխատողի վերաբերվել որպես «հարստության աղբյուրի» իրենց գործունեության համար՝ կառավարության աջակցությամբ։

Անդրադառնալով Իրանի, որպես ռազմական տերություն կայացմանը, առաջնորդը հույս է հայտնել, որ ուսուցիչների օգնությամբ ամրապնդելով իրանա-իսլամական ինքնությունը և առաջնահերթություն տալով բանվորների կողմից արտադրվող տեղական ապրանքներին՝ երկիրը կշարունակի «շարժվել դեպի առաջընթացի ու կատարելության գագաթները»։

Հետևեք մեզ՝ այստեղ