Բաղադրատոմս մաշկի բոլոր տեսակների համար

ЛАЙФ 13 Июль, 2015 22:27

Շատ հեշտ և արդյունավետ սկրաբ կարող ենք պատրաստել սուրճի նստվածքից, վրան ավելացնելով թթվասեր, կաթնաշոռ, բանան, այս ամենը լավ խառնել և մերսել դեմքը: Այն ոչ միայն լավ կմաքրի, այլև կսնուցի ձեր դեմքը,-գրում է Past.am-ը :

Եվս մեկ բաղադրատոմս: Այս սկրաբի շնորհիվ ձեր մաշկը կձգվի, կմաքրվի և առողջ տեսք կստանա: Խառնեք աղը կամ շաքարավազը մեղրի, թթվասերի կամ սերուցքի հետ: Առավել արդյունավետ է մեղրի և աղի համադրությունը, այն կարող եք օգտագործել նաև մարմնի համար: Զգայուն մաշկի համար այս սկրաբը խորհուրդ չենք տա, այն կարող է գրգռել մաշկը:

ՅՈՒՂՈՏ ՄԱՇԿԻ ՀԱՄԱՐ․ վերցրեք խմորիչ (дрожжи), ծովի աղ (ձեռք բերեք դեղատներից) 1 ճ.գ. և 2 թ.գ. կիտրոնի հյութ: Խմորիչը ավելացնել հյութին, դնել տաք ջրի մեջ, թողնել 3 րոպե, ավելացնել ծովի աղ, լավ խառնել և բամբակի սկավառակի օգնությամբ մերսել դեմքը: Այնուհետև լվացվել գոլ ջրով:

ՉՈՐ ԵՎ ԶԳԱՅՈՒՆ ՄԱՇԿԻ ՀԱՄԱՐ շատ լավ սկրաբ է հանդիսանում՝ պատրաստված վարսակից, այն շատ նրբորեն կմաքրի ձեր մաշկը: Ամենա հեշտ սկրաբի համար մեզ անհրաժեշտ է լավ մանրացրած վարսակ և կաթ: Խառնելով այս երկու բաղադրիչները, կստանանք սկրաբ: Մերսում ենք դեմքը այս սկրաբով մոտ 2 րոպե, և ձեր մաշկը կդառնա նուրբ և փափուկ:

Դիմակներ

Ամենահեշտ դիմակ կարող ենք պատրաստել թարմ մրգերից կամ հատապտուղներից: Տրորում և քսում ենք դեմքին, եթե տրորելուց հետո բաղադրությունը բավականաչափ հյութ չունի, կարողեք ավելացնել կաթ և ընդհակառակը, եթե չափից դուրս հյութալի է ստացվել, ավելացրեք ալյուր: Շատ տարածված է կտրատած միրգը կամ բանջարեղենը դնել դեմքին: Այդպես կարող եք դնել կտրատած նարինջը, լոլիկը, վրունգը կամ կիտրոնը:

Եթե չափից դուրս հյութալի է ստացվել, կարողեք շղարշը (марля) կտրելով դեմքի չափով՝ բացելով անցքեր աչքերի և բերանի համար, թրջել հյութի մեջ և դնել դեմքին: Շղարշի փոխարեն կարողեք թրջել բամբակը և քսել հյութը դեմքին՝ թողնելով 15-ից-20 րոպե: Ձմռան սեզոնին խորհուրդ է տրվում դիմակների բաղադրության մեջ ավելացնել ձիթայուղ կամ գլիցերին և հաստ շերտով քսել դեմքին:

Այսպիսի դիմակները պարունակում են մեծ քանակությամբ վիտամիններ, որոնք անհրաժեշտ են մեր մաշկին ձմռան ամիսներին: Եթե ձեր դեմքի մաշկը գրգռված է, ձեզ կօգնի վարունգից պատրաստված դիմակը: Եթե կորցրել է իր առողջ տեսքը, ձեզ կօգնի դիմակ՝ պատրաստված մեղրից: Վարունգի լոսյոնի համար քերեք վարունգը կամ մանր կտրատեք, վրան ավելացրեք օղի այնքան, որքան վարունգի մասսան է կազմում: Ամուր փակեք և թողեք 15 օր: Այնուհետև քամեք և ավելացրեք եռ. ջուր և ամեն օր մաքրեք այս լոսյոնով ձեր դեմքը:

Բաղադրատոմս չոր և նորմալ մաշկի համար․ միջին կտորի վարունգը դրեք բաժակի մեջ և վրան լցրեք տաք կաթ, թողեք 30-ից 40 րոպե: Այնուհետև վարունգի կտորով մաքրեք ձեր դեմքը: Կամ վարունգի հյութին ավելացրեք կաթ և բամբակի օգնությամբ մաքրեք ձեր դեմքը: Յուղոտ մաշկի համար վարունգին ավելացրեք լիմոնի հյութ: Քամեք վարունգի հյութը, լցրեք սառույցի համար նախատեսված տարայի մեջ և ամեն օր այս սառցե խորանարդիկով մաքրեք դեմքը: Այն շատ լավ թարմացնում է և որոշ չափով սպիտակեցնում է դեմքը: