ՌԴ-ն Հայաստան ապրանքներ է մատակարարում շուկայականից երեք անգամ ցածր գներով․ ՌԴ ԱԽ քարտուղար

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին 

ՌԴ-ն Հայաստան ապրանքներ է մատակարարում շուկայականից երեք անգամ ցածր գներով։ Այս մասին հայտարարել է ՌԴ Անվտանգության խորհրդի քարտուղար Սերգեյ Շոյգուն՝ Անվտանգության խորհրդի հատուկ աշխատային խմբի նիստում, հաղորդում է ՏԱՍՍ-ը։

«Հայաստանի ընդհանուր ապրանքաշրջանառության մեջ Ռուսաստանի մասնաբաժինը կազմում է 36%։ Մեր երկիրը առաջին տեղն է զբաղեցնում թե՛ արտահանման, թե՛ ներմուծման գծով։ Շուկայականից երեք անգամ ցածր գներով Ռուսաստանից արտոնյալ պայմաններով մատակարարվում է բնական գազ, ալյուր, հացահատիկ, պարարտանյութեր, դիզելային վառելիք և բենզին»,- ասել է Շոյգուն։

Շոյգուն անդրադարձել է նաև 2025 թվականին Հայաստան ժամանած զբոսաշրջիկներին։

«Անցյալ տարի Հայաստան այցելած զբոսաշրջիկների 40%-ը ժամանել է Ռուսաստանից՝ 921 հազար մարդ, իսկ ընթացիկ տարվա առաջին եռամսյակում՝ ևս գրեթե քառորդ միլիոն։ Մեր քաղաքացիները զգալի ավանդ են ներդրել Հայաստանի տնտեսության մեջ։ Իրենց խնայողություններով նրանք աջակցել են ավիաընկերություններին, ռեստորաններին, հյուրանոցներին, զբոսաշրջային ենթակառուցվածքներին»։

Շոյգուն նշել է, որ Հայաստանը Ռուսաստան է մատակարարում իր գյուղատնտեսական արտադրանքի արտահանման մինչև 98%-ը և թունդ ալկոհոլի արտահանման 78%-ը։

«Այսօր հայկական գյուղմթերքի արտահանման մինչև 98%-ը բաժին է ընկնում Ռուսաստանին։ Թունդ ալկոհոլային խմիչքների արտահանման 78%-ը՝ դա, մի կողմից, մեզ ուրախացնում է, մյուս կողմից՝ ոչ այնքան, նույնպես մուտք է գործում Ռուսաստան»,- ասել է նա։

«Ինչ վերաբերում է աշխատաշուկային։ Հայաստանի քաղաքացիները Ռուսաստանում աշխատում են առանց քվոտաների, արտոնագրերի և աշխատանքի թույլտվությունների՝ օգտվելով հավասար բժշկական, կենսաթոշակային և սոցիալական ապահովությունից։ Ռուսաստանից Հայաստան դրամական փոխանցումների ծավալն անցյալ տարի հասել է գրեթե 3,9 միլիարդ դոլարի։ Դա կազմում է փոխանցումների ընդհանուր ծավալի գրեթե երկու երրորդը կամ Հայաստանի ՀՆԱ-ի [մոտավորապես] 13%-ը»,- նշել է նա։

Հետևեք մեզ՝ այստեղ