2027-28 ուսումնական տարվանից ավագ դպրոցում կներդրվեն ինտեգրված առարկաներ

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին 

ՀՀ կառավարության 2010 թվականի ապրիլի 8-ի N 439-Ն որոշմամբ հաստատված է հանրակրթության պետական չափորոշիչը, որը սահմանում է միջնակարգ կրթության ծրագրի շրջանավարտին ներկայացվող որակական պահանջները։ Սակայն շատերը չգիտեն, որ 2026 թվականի մայիսի 21-ի N 699-Ն որոշմամբ կատարվել են փոփոխություններ:

ՀՀ կառավարության 2026 թվականի մայիսի 21-ի N 699-Ն որոշմամբ սահմանվել է, որ 10-12-րդ դասարանների ինտեգրված առարկաները կներդրվեն 2027-2028 ուսումնական տարվանից։

Հանրակրթության պետական չափորոշչի 22-րդ կետի համաձայն՝ առանձին ուսումնական առարկաներ կարող են ներկայացվել կրթության պետական կառավարման լիազորված մարմնի կողմից սահմանված կարգով հաստատված ինտեգրված ծրագրով։

Հանրակրթության պետական չափորոշչի 43-րդ կետի 1-ին ենթակետի «բ» պարբերության համաձայն՝ մաթեմատիկան 10-12-րդ դասարաններում սովորողի ընտրությամբ ուսումնասիրվում է հիմնական կամ նպատակային ծրագրերով՝ ինտեգրված կամ առանձին մաթեմատիկական առարկաներով։

Հանրակրթության պետական չափորոշչի 43-րդ կետի 4-րդ ենթակետի համաձայն՝ հայոց լեզու և գրականություն բնագավառը 10-12-րդ դասարաններում ներկայացվում է հայոց լեզուն և գրականությունն ուսումնասիրող առանձին առարկայի նպատակային ծրագրով կամ ինտեգրված առարկայի հիմնական ծրագրով։

Հանրակրթության պետական չափորոշչի 43-րդ կետի 7-րդ ենթակետի համաձայն՝ 10-12-րդ դասարաններում «Հայրենագիտություն», «Հասարակություն, հասարակական գիտություններ» բնագավառները ներկայացվում են՝ Հայաստանի պատմությունը՝ առանձին հիմնական կամ նպատակային ծրագրով, իսկ հասարակական կյանքի ոլորտները և համաշխարհային պատմությունը՝ ինտեգրված հիմնական ծրագրով կամ նպատակային ծրագրերով՝ առանձին առարկաներով։

ՀՀ կառավարության 2026 թվականի մայիսի 21-ի N 699-Ն որոշմամբ լրացված 1.1-ին կետի համաձայն՝ սահմանվել է, որ հանրակրթության պետական չափորոշչի 43-րդ կետի 1-ին ենթակետի «բ» պարբերությամբ, ինչպես նաև նույն կետի 4-րդ և 7-րդ ենթակետերով նախատեսված 10-12-րդ դասարանների ինտեգրված առարկաները կներդրվեն 2027-2028 ուսումնական տարվանից։

Հանրակրթության պետական չափորոշչի 38-րդ կետի 2-րդ ենթակետի «ա» պարբերության համաձայն՝ սովորողն անհատական ուսումնական պլանում նպատակային ծրագրով ընտրված ուսումնական առարկայի ուսումնասիրությունը ուսումնական կիսամյակի ավարտին կարող է դադարեցնել կամ ընտրել այլ նպատակային ծրագրով ուսումնասիրվող առարկա։

Հանրակրթության պետական չափորոշչի 38-րդ կետի 2-րդ ենթակետի «բ» պարբերության համաձայն՝ նպատակային ծրագրով ուսումնական առարկաների ընտրությունը սովորողը կատարում է նախընտրած մասնագիտական կրթության շարունակականության իրագործման նպատակով՝ ապահովելով իր մասնագիտական կողմնորոշումը։

Հանրակրթության պետական չափորոշչի 38-րդ կետի 2-րդ ենթակետի «գ» պարբերության համաձայն՝ սովորողը կարող է ընտրել նպատակային ծրագրով ուսումնասիրվող մինչև երեք ուսումնական առարկա։

Կառավարության 2026 թվականի մայիսի 21-ի N 699-Ն որոշմամբ սահմանվել է, որ 10-12-րդ դասարաններում մաթեմատիկան, հայոց լեզուն և գրականությունը, ինչպես նաև հասարակական գիտությունները կարող են ուսումնասիրվել ինտեգրված առարկաներով՝ սկսած 2027-2028 ուսումնական տարվանից։ Սովորողները կարող են ընտրել հիմնական կամ նպատակային ծրագրերով ուսումնասիրություն՝ ապահովելով իրենց մասնագիտական կողմնորոշումը։

Հետևեք մեզ՝ այստեղ