«Ես ատում եմ այն մարդկանց, ովքեր Լաբուբու են սիրում». 25-ամյա աղջիկը սպանել է ընկերոջը

ОБЩЕСТВО 6 Август, 2026 12:40

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Արգենտինայի Չակո նահանգում 25-ամյա մատնահարդար Վիկտորիա Լուս Կանտերոն կասկածվում է իր 29-ամյա ընկերոջ՝ Մատիաս Խուլիան Ալվարես Գվարդիայի սպանության մեջ։ Դեպքի մասին հայտնում է Past.am-ը՝ հղում անելով Need To Know-ին։

Ըստ հրապարակման՝ ողբերգությունը տեղի է ունեցել օգոստոսի 2-ի վաղ առավոտյան։ Երիտասարդ տղամարդը կրծքավանդակի շրջանում դանակահարված վիճակում տեղափոխվել է հիվանդանոց, սակայն բժիշկներին չի հաջողվել փրկել նրա կյանքը։

Ականատեսների խոսքով՝ Կանտերոն ինքն է վիրավոր տղամարդուն հասցրել բուժհաստատություն, սակայն նրան թողել է այնտեղ և հեռացել։ Որոշ վկաներ պնդում են, որ դանակը դեռևս մնացել էր տուժածի կրծքավանդակում, երբ կինը լքել է հիվանդանոցը։ Կասկածյալին իրավապահները ձերբակալել են մի քանի ժամ անց։

Կանտերոն հայտարարել է, թե ընկերոջը վիրավոր վիճակում է գտել և կապ չունի տեղի ունեցածի հետ։ Միևնույն ժամանակ նրա պաշտպանները պնդում են, որ առաջինը հարձակվել է հենց տղամարդը։

Զոհվածի հարազատները, սակայն, ներկայացրել են բոլորովին այլ պատկեր։ Նրանց խոսքով՝ կինը նախկինում ևս ագրեսիվ վարք է դրսևորել, վնասել է տղամարդու մեքենան և անգամ ներխուժել նրա մոր բնակարան։ Նրանք նրան բնութագրել են որպես «թունավոր և կարեկցանքի պակաս ունեցող մարդ»։

Հետաքննության ընթացքում ուշադրության կենտրոնում են հայտնվել նաև Կանտերոյի սոցիալական ցանցերում արված հրապարակումները։ Դրանց թվում եղել են հետևյալ գրառումները. «Ես ատում եմ այն մարդկանց, ովքեր Լաբուբու են սիրում», «Ես պարզապես ուզում եմ սիրել և ամբողջ կյանքում տանջել մեկ տղամարդու» և «Ես չեմ արգելելու իմ տղամարդուն որևէ բան անել. նա ազատ է ընտրելու, թե մարմնի որ հատվածում կխրեմ դանակը»։

Ներկայումս իրավապահ մարմինները շարունակում են պարզել դեպքի բոլոր հանգամանքները։ Հայտնի է, որ Կանտերոն աշխատում էր որպես մատնահարդար, ինչպես նաև վարում էր ճանապարհորդություններին նվիրված բլոգ։

Հետևեք մեզ՝ այստեղ