Ադրբեջանը 2027-ին պաշտպանության համար մոտ $2.5 մլրդ կհատկացնի

Ադրբեջանը 2027-ի պետական բյուջեի նախագծով նախատեսում է հաջորդ տարի պաշտպանական նախագծերին հատկացնել 4 միլիարդ մանաթ (2.35 միլիարդ դոլար), միաժամանակ 41.2%-ով կրճատելով զինվորականների բնակարանային և վարձակալության փոխհատուցման ֆինանսավորումը: Այս մասին, ինչպես տեղեկացնում է «Ազատությունը», գրել է OC Media-ն:

Պաշտպանության և ազգային անվտանգության ընդհանուր ծախսերը, կանխատեսումների համաձայն, 2026 թվականի համեմատ կավելանան մոտ 1.2%-ով: Այնուամենայնիվ, հատուկ պաշտպանական նախագծերի համար նախատեսված հատկացումները կնվազեն 11.1%-ով՝ 4.5 միլիարդ մանաթից (2.65 միլիարդ դոլար) հասնելով 4 միլիարդ մանաթի (2.35 միլիարդ դոլար):

Առաջարկվող հատկացումը մի փոքր ցածր է 2026 թվականի պետական բյուջեով վերակառուցման համար նախատեսված 3.5 միլիարդ մանաթից (2.06 միլիարդ դոլար): 2025 թվականին Ադրբեջանը նույն նպատակի համար հատկացրել է մոտ 4.5 միլիարդ մանաթ (2.6 միլիարդ դոլար), մինչդեռ 2024 թվականի հատկացումը կազմել է 4.9 միլիարդ մանաթ (2.86 միլիարդ դոլար):

«Մեծ վերադարձ» ծրագրի նախագծերը

Առաջարկվող բյուջեով նաև 3.4 միլիարդ մանաթ (2 միլիարդ դոլար) է հատկացվում կառավարության «Մեծ վերադարձ» ծրագրի շրջանակում հայկական վերահսկողությունից վերադարձված տարածքների վերականգնման համար։ Սա մի փոքր ցածր է 2026 թվականին հատկացված 3.5 միլիարդ մանաթից (2.06 միլիարդ դոլար) և զգալիորեն ցածր է 2025 թվականին հատկացված 4.46 միլիարդ մանաթից (2.63 միլիարդ դոլար) և 2024 թվականին հատկացված 4.86 միլիարդ մանաթից (2.86 միլիարդ դոլար)։ Բյուջեի նախագիծը ներկայումս քննարկվում է խորհրդարանում։

Ֆինանսավորումը նախատեսված է երկրի պաշտպանական կարողությունների ամրապնդման և զինված ուժերի նյութատեխնիկական ռեսուրսների բարելավման համար: Բյուջեի նախագծում ասվում է, որ գումարը կհատկացվի գործող պարտավորություններին և ստորագրված պայմանագրերին համապատասխան:

Նախագծով նաև առաջարկվում է 2026 թվականի համեմատ 41.2%-ով կրճատել զինվորականների բնակարանային և վարձակալության փոխհատուցման ֆինանսավորումը։ 2027 թվականին այս նպատակների համար նախատեսված է ընդհանուր առմամբ 29.7 միլիոն մանաթ (17.5 միլիոն դոլար), ինչը ավելի պակաս 2026-ի 50.5 միլիոն մանաթի (29.7 միլիոն դոլար) համեմատ։

Բնակարանաշինություն

Այս գումարից 15 միլիոն մանաթ (8.8 միլիոն դոլար) կհատկացվի առնվազն 20 տարվա ծառայություն անցած զինծառայողների և պահեստազորի զինծառայողների բնակարանաշինության համար։ Սա 57.1%-ով պակաս է 2026 թվականին հատկացված 35 միլիոն մանաթից (20.6 միլիոն դոլար)։

Եվս 14.7 միլիոն մանաթ (8.6 միլիոն դոլար) նախատեսվում է հատկացնել բնակարան չունեցող զինծառայողների, այդ թվում՝ պահեստազորի և թոշակառու զինծառայողների համար վարձակալության ծախսերի փոխհատուցման համար։ Սա 5.2%-ով պակաս է այս տարի հատկացված 15.5 միլիոն մանաթից (9.1 միլիոն դոլար)։

Միևնույն ժամանակ, Ադրբեջանը նախատեսում է իր 2027 թվականի կապիտալ ներդրումների բյուջեից 3.4 միլիարդ մանաթ (2 միլիարդ դոլար) հատկացնել Հայաստանի վերահսկողությունից վերադարձված տարածքների վերականգնման և զարգացման նպատակով։

Ֆինանսավորումը կաջակցի կառավարության «Մեծ վերադարձ» ծրագրին, ներառյալ քաղաքների և գյուղերի վերակառուցումը և ենթակառուցվածքների զարգացումը, ինչպիսիք են ճանապարհները, էլեկտրաէներգիայի և ջրամատակարարման համակարգերը, դպրոցները, հիվանդանոցները և բնակարանաշինությունը։

Բյուջեի նախագծով կապիտալ ներդրումների ընդհանուր ծախսերը գնահատվում են 5.3 միլիարդ մանաթ (3.1 միլիարդ դոլար), իսկ մնացած 1.9 միլիարդ մանաթը (1.1 միլիարդ դոլար) հատկացվում է այլ ներդրումային նախագծերին։

Ընդհանուր առմամբ, նախկինում հայկական վերահսկողության տակ գտնվող տարածքների վերակառուցման և զարգացման, ինչպես նաև դրանց հետ կապված միջոցառումների համար 2027 թվականի պետական բյուջեից կհատկացվի 3.4 միլիարդ մանաթ (2 միլիարդ դոլար)։