ՊԱՏՄՈՒԹՅԱՆ ԱՅՍ ՕՐԸ (10 նոյեմբերի). Ծեծկռտուք տաճարում, ցույցեր Ֆրանսիայում. «Փաստ»

«Փաստ» օրաթերթը գրում է.

 ՏՈՆԵՐ ԵՎ ՀԻՇԱՐԺԱՆ ՕՐԵՐ

Երիտասարդության համաշխարհային օր, Հաշվապահների միջազգային օր, Ինդոնեզիա՝ Հերոսների օր։

 ՀԱՅ-ՀԱՅԱՍՏԱՆ

1881– ծնվել է հեղափոխական, լրագրող, հրապարակախոս Արսեն Ամիրյանը։

1901 –ծնվել է հայ խորհրդային թատերագետ Գևորգ Գոյանը (Տեր-Նիկողոսյան)։

1929 – ծնվել է նկարիչ Ռուբեն Ադալ յանը։

1937 – ծնվել է արձակագիր, բանաստեղծ, թարգմանիչ Էդուարդ Զոհրաբյանը։

 1947 – ծնվել է ֆիզիկոս Ատոմ Մուրադյանը։

1960 – ծնվել է Արցախյան ազատամարտի հերոս, ՀԱԲ ռազմական կառույցի հիմնադիր և գլխավոր հրամանատար Ռազմիկ Վասիլ յանը:

2002 – Լեռնային Ղարաբաղում շահագործման է հանձնվել «Հայաստան» հիմնադրամի միջոցներով կառուցված «Հյուսիս - Հարավ» ավտոմայրուղու ևս մեկ՝ 10 կիլոմետր երկարությամբ հատված, որով փաստացի ավարտվել է 167 կիլոմետրանոց մայրուղու մեկ երրորդը:

2004 –Կարսի քաղաքապետ Նայիֆ Ալիբեյօղլուն 50 հազար ստորագրություն է հավաքել հօգուտ հայ-թուրքական սահմանի վերաբացման:

 2006 – Հայաստանը միացել է «Երկաթուղային Մետաքսի ճանապարհի» ստեղծման ծրագրին։

2007 – իշխող Հանրապետական կուսակցության 11-րդ համագումարում Հայաստանի վարչապետ Սերժ Սարգսյանն առաջադրվել է Հայաստանի նախագահի թեկնածու:

2008 – Երուսաղեմի Քրիստոսի Հարության տաճարում ծեծկռտուք է տեղի ունեցել հայ և հույն հոգևորականների միջև, եղել են տուժածներ ու ձերբակալվածներ:

2017 – տարկետման իրավունքի սահմանափակման դեմ պայքարող ուսանողները հայտարարել են դասադուլ և դուրս եկել փողոց։

2020 – հրապարակվել է Ղարաբաղում պատերազմի դադարեցման մասին եռակողմ հայտարարության տեքստը, որը վրդովմունք է առաջացրել Հայաստանում, ցուցարարները գրավել են Հայաստանի կառավարության շենքը, ծեծի է ենթարկվել խորհրդարանի նախագահ Արարատ Միրզոյանը, մարդիկ սկսել են ապարդյուն փնտրել Նիկոլ Փաշինյանին:

2021 – Լեռնային Ղարաբաղում՝ Ստեփանակերտի մերձակայքում գտնվող ռուսական ռազմական քաղաքի տարածքում, բացվել է առաջին ուղղափառ եկեղեցին:

 2022 – Բերդի համայնքապետ Հարություն Մանուչարյանը ձերբակալվել է նորընտիր ավագանու առաջին նիստի հենց առաջին օրը:

ԱՇԽԱՐՀ 

1240 – վախճանվել է արաբ աստվածաբան և սուֆիզմի տեսաբան Իբն Արաբին։

1444 – տեղի է ունեցել Վառնայի ճակատամարտը, որտեղ Օսմանյան կայսրությունը հաղթանակ է տարել. ավարտվել է վերջին Խաչակրաց արշավանքը։

1483 – ծնվել է գերմանացի աստվածաբան, վանական և եկեղեցու բարեփոխիչ Մարտին Լյութերը, որը հիմնադրել է բողոքականությունը։

1668 – ծնվել է ֆրանսիացի կոմպոզիտոր, երգեհոնահար և կլավեսինահար Ֆրանսուա Կուպերենը։

1697 – ծնվել է անգլիացի նկարիչ, գրաֆիկ, գրքի ձևավորող, արվեստի տեսաբան Ուիլ յամ Հոգարտը։

1728 – ծնվել է իռլանդա-անգլիացի գրող, բանաստեղծ և թատերագիր Օլիվեր Գոլդսմիթը։

1801 – ծնվել է ռուս լեզվաբան Վլադիմիր Դալը։

1862 – տեղի է ունեցել Ջուզեպպե Վերդիի «Ճակատագրի ուժը» օպերայի առաջնախաղը։

1864 – ավստրիացի էրցհերցոգ Մաքսիմիլիանը հայտարարվել է Մեքսիկայի կայսր։

1885 – գերմանացի ինժեներներ Գոտլիբ Դայլմերը և Վիլհելմ Մայնբախը տեղադրել են իրենց հայտնագործած ներքին այրման շարժիչը փայտյա հեծանվի վրա և իրականացրել առաջին երթը։

1885 – ավարտվել է Պրժևալսկու արշավը Կենտրոնական Ասիա և Տիբեթ։

 1888 – ծնվել է խորհրդային հանրահայտ ավիակոնստրուկտոր Անդրեյ Տուպոլևը։

 1917 – Ռուսաստանում հակահեղափոխություն իրականացնելու Կերենսկու փորձը ավարտվել է անհաջողությամբ։

1919 – ծնվել է խորհրդային հրազենի կոնստրուկտոր Միխայիլ Կալաշնիկովը։

1928 – Ատլանտյան օվկիանոսում Բուենոս Այրեսից Նյու Յորք թռչող օդանավի կործանումից զոհվել է 159 մարդ։

1939 – Երկրորդ համաշխարհային պատերազմի ժամանակ Կանադան պատերազմ է հայտարարել Գերմանիային։

1939 – Չիկագոյում ավտոշոուի ժամանակ առաջին անգամ ցուցադրվել է ավտոմոբիլային օդորակիչը։

1948 – ուժի մեջ է մտել միջազգային կետորսական կոնվենցիան։

 1954 – ԱՄՆ-ի Վիրջինիա նահանգի Արլինգտոն քաղաքում բացվել է ԱՄՆ-ի ծովային հետևակի կորպուսի հուշահամալիրը:

1975 – ՄԱԿ-ի գլխավոր ասամբլեան ընդունել է բանաձև, համաձայն որի, սիոնիզմը ճանաչվել է ռասիզմի և ռասայական խտրականության ձև։

1982 – վախճանվել է Խորհրդային Միության կոմունիստական կուսակցության ղեկավար Լեոնիդ Բրեժնևը։

2017 – վախճանվել է խորհրդային և ռուսական գրող-երգիծաբան, հումորիստ և դրամատուրգ Միխայիլ Զադորնովը։

2019 – Փարիզում հազարավոր մարդիկ փողոց են դուրս եկել՝ ի նշան իսլամատյացության դեմ բողոքի։ Համանման ակցիաներ են տեղի ունեցել նաև Մարսելում և Թուլուզում։

Մանրամասները՝ «Փաստ» օրաթերթի այսօրվա համարում