Իրանի ՆԳՆ վստահ Է, որ խորհրդարանական ընտրություններին մասնակցությունը կկազմի առնվազն 70 տոկոս

МЕЖДУНАРОДНОЕ 25 Февраль, 2016 16:07

Իրանում փետրվարի 26-ին կայանալիք մեջլիսի (խորհրդարան) եւ Փորձագետների խորհրդի ընտրություններում ընտրողների մասնակցությունը կկազմի առնվազն 70 տոկոս: Նման վստահություն Է հայտնել Իսլամական Հեղափոխության ներքին գործերի նախարար Աբդոլռեզա Ռահմանի Ֆազլին:

«Անցկացված հարցումների համաձայն՝ սպասվում Է, որ ընտրություններին կմասնակցի ընտրողների առնվազն 70 տոկոսը»,-նրա խոսքը մեջբերում Է ԻՐԻՆՆ լրատվական հեռուստաալիքը: Քվեարկելու իրավունք ունեն Իսլամական Հանրապետության շուրջ 55 մլն քաղաքացիներ, հիշեցրել Է նախարարը:

Ռահման Ֆազլին քաղաքացիներին կոչ Է արել քվեարկել առավոտյան ժամերին՝ խուսափելու ընտրական տեղամասերում գոյացող հերթերից: Ընդամենը բաց կլինի մոտավորապես 53 հազար ընտրական տեղամաս եւ կետ:

ՆԳ նախարարի խոսքով՝ այն ընտրատարածքներում, որտեղ կոալիցիաներին կամ առանձին թեկնածուների չի հաջողվի հավաքել 50 տոկոսից ավելի ձայն, կանցկացվի քվեարկության երկրորդ փուլ, որին կմասնակցի միայն երկու թեկնածու կամ երկու կոալիցիա, որոնք առավել մեծ թվով ձայներ են հավաքել: Երկրորդ փուլի ամսաթվի մասին կհայտարարվի ավելի ուշ, ենթադրվում Է՝ այն տեղի կունենա մարտին, ասել Է Ռահմանի Ֆազլին:

Փետրվարի 25-ին Իրանում լռության օր է հայտարարված մեջլիսի ընտրություններից առաջ: Նախընտրական քարոզչությունն արգելված է փետրվարի 24-ի տեղական ժամանակով ժամը 20:00-ից:

Փետրվարի 18-ին ընտրարշավի սկսվելու պահից Իրանի օրենսդիր մարմնի պատգամավորների հավակնորդների թիվը 6229-ից կրճատվել է մինչեւ 5550:

Իրանի քաղաքացիները պետք է մեջլիսի 290 պատգամավորներ ընտրեն չորս տարի ժամկետով: Միաժամանակ ուղղակի քվեարկության ճանապարհով 161 հավակնորդներից 88 աստվածաբաններ ու շարիաթի գիտակներ են ընտրվելու Փորձագետների խորհրդում՝ ութ տարի ժամկետով: Երկրում ընտրությունների ընթացքում անվտանգությունն ապահովելու են 250 հազար ոստիկաններ:

Ընտրություններում հիմնական պայքարը կծավալվի երկու ուժերի միջեւ. մեկը՝ չափավոր եւ բարեփոխումների կողմնակից քաղաքական գործիչների ու կուսակցությունների կոալիցիան Է, մյուսը՝ պահպանողականների միասնական կոալիցիան, որոնք հանդես են գալիս հօգուտ իսլամի սկզբունքների խստիվ կատարման: Կոալիցիաներից յուրաքանչյուրն ընտրություններում հանդես է գալիս իր միասնական ցուցակով, հաղորդել է ՏԱՍՍ-ը: