Արտոնություն է տրվել կարի արտադրության ներդրումային ծրագրին
БЛОГՄանե Զաքարյանը ֆեյսբուքյան իր էջում գրում է.
«ՎԿՍ Արմենիա» ՍՊԸ-ի ներդրումային ծրագրի շրջանակում ներմուծվող տեխնոլոգիական սարքավորումները, դրանց բաղկացուցիչ ու համալրող մասերը, հումքը և նյութերը կառավարության որոշմամբ կազատվեն ներմուծման մաքսատուրքից: Հիմնավորման համաձայն՝ «ՎԿՍ Արմենիա»-ն 2007թ.-ից գործունեություն է ծավալում Հայաստանում և աշխատում է տոլինգային եղանակով՝ արտասահմանյան ընկերությունների պատվերների հիման վրա՝ կարի արտադրություններ ստեղծելով եւ աշխատացնելով:
Հայաստանում իրականացվող ներդրումային ծրագրի շրջանակում 2013թ. ընկերությունը ձեռք է բերել սեփական տարածք: Կառավարության կողմից արտոնություն տրամադրելը լուրջ խթան կհանդիսանա նոր ներդրումային ծրագրերի իրականացման, աշխատատեղերի ստեղծման, ներդրումների ներգրավման, տեղական արտադրության և արտահանման համար: Վարչապետ Հովիկ Աբրահամյանը նշել է, որ խոսքով՝ ընդունված որոշումը կնպաստի թեթև արդյունաբերության զարգացմանը, ինչպես նաև նոր աշխատատեղերի ստեղծմանը: