Տարոն Մարգարյանն անհրաժեշտ է համարում Երևանի ներդրումային գրավչությունը ճիշտ ներկայացնելը

Երևանի քաղաքապետ Տարոն Մարգարյանըփետրվարի 29-ին աշխատանքային խորհրդակցություն է անցկացրել աշխատակազմի զարգացման և ներդրումային ծրագրերի վարչության աշխատակիցների հետ, որի շրջանակում ներկայացվել է վարչության կատարած աշխատանքների 2015թ.-ի հաշվետվությունը, ի նչպես նաև քննարկվել են ընթացիկ խնդիրներն ու առաջիկա անելիքները:

Ինչպես «Արմենպրես»-ին տեղեկացրին Երևանի քաղաքապետարանի տեղեկատվության և հասարակայնության հետ կապերի վարչությունից, Երևան քաղաքի զարգացման տարեկան և քառամյա ծրագրերով նախանշված աշխատանքների հետ կապված՝ քաղաքապետ Տարոն Մարգարյանն առանձնակի կարևորել է աշխատակազմի բոլոր վարչությունների հետ ակտիվ համագործակցությունը, ինչպես նաև տարեկան ծրագրերի ընթացքի նկատմամբ մշտական հսկողության ապահովումը:

«Երևանի զարգացման ինչպես տարեկան, այնպես էլ քառամյա ծրագրերը մեր քաղաքի և մեր բնակիչների համարկարևոր նշանակություն ունեն, հետևաբար ակնկալում եմ մշտական հսկողության տակ պահել ծրագրերովնախանշված աշխատանքների ընթացքը, որպեսզի վերլուծելով տեսնենք, թե աշխատակազմի որ վար չություններնեն թերանում դրանց կատարման հարցում: Ու հատկապես տարեկան ծրագրով նախանշված աշխատանքների մասովակնկալում եմ ձեր ավելի ակտիվ ու հետևողական վերահսկողությունը»,- ընդգծել է քաղաքապետը:

Մայրաքաղաքի զարգացման գործում առանձնակի կարևորելով միջազգային կառույցների հետ ակտիվ համագործակցությունը, ինչպես նաև համատեղ ծրագրերի իրականացումը՝ քաղաքապետ Տարոն  Մարգարյանը հանձնարարել է ընդլայնել գործակցության շրջանակներն ու ոլորտները:

«Շուրջ 50 քաղաքների, ինչպես նաև միջազգային կազմակերպությունների հետ ունենք գործընկերայինհարաբերություններ, որոնց շրջանակում նախանշված են համագործակցության տարբեր ուղղություններ: Բայցչենք կարող ասել, որ բոլոր այդ ուղղություններով ունենք ակտիվ համագործակցություն: 2016թ.-ին ակնկալում եմավելի ակտիվ համագործակցություն ինչպես քույր և գործընկեր քաղաքների, այնպես էլ միջազգայինկազմակերպությունների ու կառույցների հետ, որոնք, վստահ եմ, հետաքրքրված են Երևանով: Ընդլայնե՛քգործակցության շրջանանկներն ու առաջնորդվեք նոր մոտեցումներով: Պետք է մանրամասն ներկայացնեք բոլորայն ծրագրերն ու առաջարկների փաթեթները, որոնք բխում են մեր քաղաքի զարգացման և, որ կարևոր է, մերբնակչության շահերից»,- նշել է Տարոն Մարգարյանը:

Առանձնակի կարևորելով Երևանում ներդրումային ծրագրերի իրականացումը՝ քաղաքապետը նկատել է, որ այս ուղղությամբ ևս շատ անելիքներ կան:

«Անհրաժեշտ է ներկայացնել Երևանի ներդրումային գրավչությունը: Այդ առումով ակնկալում եմ վարչությունից ավելի ընդգրկուն և հետևողական աշխատանք՝ ներդրումային ծրագրերի, առաջարկների նոր փաթեթների ներկայացում և այլն: Երևանի ներդրումային գրավչությունը պետք է ճիշտ ներկայացվի, որպեսզի մասնավորը տեղեկացված լինի և իր մասնակցությունն ունենա Երևանի զարգացման գործում»,- հավելել է քաղաքապետը: 

Ընդհանուր առմամբ գոհունակություն հայտնելով վարչության աշխատանքից՝ քաղաքապետ Տարոն Մարգարյանը 2015թ.-ի հաշվետվությունը գնահատել է դրական: