Աշխարհի ամենաթանկ հեռախոսները (լուսանկարներ)

Forex և Masterforex-V բորսայական առևտրի ակադեմիայի փորձագետները կազմել են ամենաթանկ 11 բջջային հեռախոսների ցանկը:

11.Ulysse Nardin’s The Chairman – 49,5  հազ. դոլար

Ամենաթանկերից ամենաէժան Ulysse Nardin’s The Chairman բջջային հեռախոսի գինը 49,5 հազ. ԱՄՆ դոլար է։ Բայց այն ամենաթանկն է այն սմարթֆոնների շարքում, որոնք աշխատում են Android գործառնական համակարգով։ Սարքն ունի ինչպես սենսորային էկրան, այնպես էլ ոչ վիրտուալ ստեղնաշար։ Հեռախոսի անզուգական դիզայնը չի խանգարել, որպեսզի այն «տեղավորի» բազմաթիվ հնարավորություններ, այդ թվում՝ կապված սարքի էներգապահովման հետ։

10. Nokia 8800 Arte – 134 հազ. դոլար
Այս մոդելը մշակել է ավստրիացի դիզայներ Պետեր Ալոիսոնը։ Այն զարդարված է սպիտակ և վարդագույն հարյուրավոր ադամանդներով, որոնք ընդհանուր 21 կարատ են կազմում։ Բնական է, որ այս մոդելը ներառել է Nokia–ի ժամանակակից մոդելներին բնորոշ բոլոր հնարավորությունները։

9. iPhone Princess Plus – 176,4 հազ. դոլար
Այս մոդելի դիզայները նույնպես Պետեր Ալոիսոնն է, ով օգտագործել է 318 ադամանդ՝ 17,75 կարատ քաշով, որոնք շրջանակված են սպիտակ ոսկով։ Ըստ որոշ ԶԼՄ–ների՝ այս մոդելը պատվիրել է ոմն ռուսաստանցի գործարար։ iPhone Princess Plus–ի յուրաքանչյուր օրինակ «ձեռագործ» է և ստեղծվում է միայն հատուկ պատվերով։

8. Sony Ericsson Black Diamond – 300 հազ. դոլար
Այս «Սև ադամանդի» դիզայնի հեղինակը սինգապուրցի Ջարեն Գոհն է։ Սարքի իրանին առկա է տիտան։ Այն զարդարված է խոշոր ադամանդով։ Այս բացառիկ մոդելի բազմաֆունկցիոնալությունն ու հուսալիությունը նույնպես ամենաբարձր մակարդակի են։

7. Vertu Signature Cobra – 310 հազ. դոլար
Vertu ընկերությունն այս էլիտար մոդելը մշակել է ֆրանսիական Boucheron ոսկերչական տան հետ համատեղ։ Սարքի իրանը եզակի է՝ վարդագույն ոսկուց օձի տեսքով, որի «կաշվին» պսպղում է 439 սուտակ (ռուբին)։ Օձի աչքերը զմրուխտից են։ Սարքը զարդարված է նաև ձեռքի նիստավորման երկու ադամանդներով։

6. Gresso Luxor Las Vegas Jackpot – 1 մլն դոլար

Այս մոդելը համադրում է Հին Եգիպտոսի գանձերի փայլը և Լաս Վեգաս խաղային կենտրոնի անկրկնելի ոճը, ինչն արտահայտում է նաև անվանումը։ Երեք օրինակով արտադրված մոդելի իրանը պատրաստված է 18 կարատ կշռող ոսկուց՝ զարդարված 45,5 կարատ ընդհանուր քաշով հազվագյուտ սև ադամանդներով։ Իրանի ետնամասը 200–ամյա աֆրիկյան սև փայտից է։ Այդ ամենի հետ մեկտեղ հեռախոսի հաստությունը 12 միլիմետր է։ 
Այդ բջջային հրաշքի ստեղնաշարի յուրաքանչյուր ստեղնը պատրաստված է ձեռքով ողորկված շափյուղայի (սապֆիր) միաբյուրեղից, իսկ տառերն ու թվերը «դաջված» են լազերով։

5. Diamond Crypto Smartphone – 1,3 մլն դոլար
Այս թանկարժեք սարքը պատրաստել է կրիպտոգրական համակարգերի մշակման և ներդրման ոլորտում մասնագիտացած ռուսաստանյան Ancort ընկերությունը։ Հեռախոսի իրանը պատրաստված է 950 հարգի պլատինիումից և զարդարված ավստրիացի ոսկերիչների մշակած ադամանդներով։

4. GoldVish «Le million» Piece Unique – 1,3 մլն դոլար

Հեռախոսն իր անզուգականությամբ և ադամանդե ձևավորմամբ եզակի ոճավորում ունի։ Դիզայները մի շարք սքանչելի ժամացույցների հեղինակ Էմանուել Գեյթն է։ Մինչև վերջերս այս սարքը Գինեսի ռեկորդակիր էր որպես ամենաթանկ հեռախոս՝ ամենաբարձր հարգի որակի և մեծ քանակի ադամանդներ ունենալու շնորհիվ։

3. Peter Aloisson Kings Button iPhone – 2,4 մլն դոլար

Այս սարքի դիզայները ևս ավստրիացի դիզայներ Պետեր Ալոիսոնն է, ով իսկապես արքայական իր է դարձրել Apple iPhone 3G–ն։ Այն նախշազարդված է 18 կարատ վարդագույն, դեղին և սպիտակ ոսկով և ամենաընտիր 138 ադամանդներով։ Իսկ «Home» սեղմակը 6,6 կարատանոց խոշոր, հազվագյուտ ադամանդից է։

2. Goldstriker iPhone 3GS Supreme – 3,2 մլն դոլար

Սա Goldstriker ընկերության անգլիացի ոսկերիչ Սթյուարթ Հագզի ստեղծագործությունն է։ Հեռախոսը սերիական չէ և պատրաստված է ավստրալացի ոսկի արդյունաբերողի պատվերով։ Սարքի իրանը 271 գրամ ոսկուց է՝ զարդարված 200 ադամանդներով։ Իսկ ուղղորդման սեղմակը 7,1 կարատանոց ադամանդ է։

1. Stuart Hughes iPhone 4 Diamond Rose Edition – 8 մլն դոլար

Ըստ կանդական FXClearing–ի փորձագետների, այս գխուխգործոցը ևս Հագզի տաղանդի արգասիքն է։ Աշխարհում ամենաթանկ այս հեռախոսի իրանը պատրաստված է վարդագույն ոսկուց՝ նախշազարդված 500 ադամանդներով, որոնց ընդհանուր կշիռը 100 կարատ է։ Իրանի ետնամասին, Apple ընկերության տարբերանշանը կազմված է 53 ադամանդից։ Ուղղորդման սեղմակը 7,4 կարատանոց ադամանդ է՝ տեղադրված պլատինիումի հիմքի վրա։ Այս «հրաշքը» պահելու համար ստեղծված է գրանիտե 7–կիլոգրամանոց ճամպրուկ, որը ներսից պատված է թանկարժեք կաշվով։