Լիբանանյան «Ազդակ» օրաթերը նշում է իր հիմնադրման 89-րդ տարին

ОБЩЕСТВО 5 Март, 2016 15:02

Լիբանանյան «Ազդակ» օրաթերթն իր հիմնադրման 89 ամյակը տոնում է մարտի 5-ին: Անդրադառնալով պարբերականի նախորդ տարիների գործունեությանը` «Ազդակ» օրաթերթի գլխավոր խմբագիր Շահան Գանտահարյանը «Արմենպրես»-ի հետ զրույցում նշեց, որ պարբերականը բոլոր ժամանակներում կարև որ դերակատարություն է ունեցել:

««Ազդակ» օրաթերթը հայապահպանման առումով կարևոր դեր է խաղացել, հայ ընթերցողի համար արևմտահայերեն լուսաբանել է հայկական իրադարձությունները: Հետզհետե շեշտը դրվել է հայ քաղաքական մտածողության զարգացման վրա: Պարբերականը, իր վերլուծություններով, մեկնաբանություններով, սփյուռքահայ ժամանակակից պատմության վերջին 90 տարիներին բաց չի թողել որևէ հիմնական իրադարձություն: Դա լինի հայրենիքի, թե սփյուռքյան համայնքների, թե մեր հակառակորդների քաղաքականության հետ կապված»,-ասաց Շահան Գանտահարյանը: Պարբերականը դժվարին պայմաններում է գոր ծել Լիբանանի քաղաքացիական պատերազմի տարիներին: Շահան Գանտահարյանի խոսքով, «Ազդակ»-ն ամբողջ քաղաքացիական պատերազմի ընթացքում հայ համայնքի խոսափողն էր դարձել:

«Բազմաթիվ խնդիրներ ենք ունեցել, էլեկտրոնային մամուլի շատ սրընթաց զարգացման պայմաններում տպագիր մամուլը ճգնաժամ է ապրում: Շնորհիվ մեր ընթրեցողների, աջակիցների, մեզ հաջողվում է նաև նոր ծրագրեր մշակել, իրականացնել, վերջին նորարարությունները լիարժեք օգտագործել: «Ազդակ»-ը միշտ եղել է ժամանակի շնչին համահունչ, ձեռքը` տեղեկատվական զարկերակին»,-ավելացրեց գլխավոր խմբագիրը:

Հոբելյանական տարվա ընթացքում, «Ազդակ» պարբերականի խմբագրակազմը պատրասվում է հարուստ նյութ տրամադրել սփյուռաքահայ ժամանակից պատմության, ինչպես նաև մամուլի պատմության մասին: Այժմ 90 տարվա արխիվի թվայնացման գործի վերջին փուլն է, և կարևոր շատ նյութեր առաջիկայում որոնողական համակարգով հասանելի կդառնան սփյուռքահայ ժամանակակից պատմությունն ուսումնասիրողների համար:

«Որախալի է, որ ԵՊՀ-ի սփյուռքագիտության բաժնի ուսանողները ավարտական աշխատանքների թեմա ընտրել են «Ազդակ»-ի գործունեությունը: Մեզ դիմում են, նյութեր են խնդրում: Այդ գործընթացն ավելի դյուրին կդառնա, երբ ավելի ուշ համացանցում տեղադրենք ամբողջ արխիվը: Ներկայացնելու ենք կարևոր արխիվային նյութեր, ի վերջո, 90-տարվա ընթացում ամեն օր, անընդմեջ լուսաբանել ենք սփյուռքահայության իրադարձությունները»,-ասաց Շահան Գանտահարյանը:

Թերթի ծննդյան օրվա առթիվ կլինեն միջոցառումներ Հայաստանում, Լիբանանում, նախատեսվում է անցկացնել գիտաժողով` մամուլի գործիչներ, այլ մատենագետների մասնակցությամբ:

«Արմենպրես» լրատվական գործակալությունը շնորհավորում է «Ազդակ» օրաթերթի խմբագրակազմին` հիմնադրման օրվա առթիվ, մաղթում` բեղմնավոր աշխատանք, նորանոր հաջողություններ: