Կրուզն ու Թրամպը հավասարության են հասել փրայմերիզներում և կոկուսներում

ԱՄՆ նախագահի Հանրապետական կուսակցության թեկնածուները մարտի 5-ին մասնակցել են նախնական ընտրությունների (փրայմերիզ) Լուիզիանա նահանգում և կուսակցական ակտիվի ժողովների (կոկուս) Կանզաս, Քենտուկի և Մեն նահանգներում։ Տեխասի սենատոր Թեդ Կրուզը հաղթել է Կանզասում և Մենում, միլիարդատեր Դոնալդ Թրամպը հաղթել է Քենտուկիում և Լուիզիանայում։ Ֆլորիդա նահանգի սենատոր Մարկո Ռուբիոն և Օհայոյի նահանգապետ Ջոն Քեյսիկը բավարարվել են «փշրանքներով»։

Վկայակոչելով ՏԱՍՍ-ը, Կանզասում և Մենում քվեաթերթիկների հաշվարկն ավարտվել է, Քենտուկիում ամփոփվել են տեղամասերի 87 տոկոսի, իսկ Լուիզիանայում՝ 95 տոկոսի արդյունքները։ Կանզասում Կրուզը հավաքել է ձայների 48 տոկոսը՝ Թրամպի 23, Ռուբիոյի 17 և Քեյսիկի 11 տոկոսի դիմաց։ Մենում Տեխասի սենատորի առավելությունն ավելի փոքր էր. նա հավաքել էր ձայների 46 տոկոսն, իսկ միլիարդատերը՝ 33 տոկոս,  Օհայոյի նախանգապետը՝ 12 տոկոս, Ֆլորիդայի սենատորը՝ 46 տոկոս։ Լուիզիանայի փ րայմերիզում Թրամփը (42 տոկոս), առաջ անցավ Կրուզից (36 տոկոս), Ռուբիոյից (11 տոկոս) և Քեյսիկից (6 տոկոս)։ Քենտուկիում միլիարդատիրոջ առաջատարությունը խորհրդանշական էր (36 տոկոս), քանի որ Կրուզը հավաքեց ձայների 31 տոկոսը, սակայն վճռական Ռուբիոյի (17 տոկոս) և Քեյսիկի (15 տոկոս) նկատմամբ։

Այսպիսով, Թրամպը  պահպանեց նշանակալի առավելությունը մրցակիցների նկատմամբ։ Անցկացված բոլոր փրայմերիզների և կոկուսների արդյուքններով՝ միլիարդատերը հաղթել է 12 նահանգներում,  Տեխասի սենատորն իր հաղթանակների թիվը հասցրել է 4-ի, սիկ նրա գործընկերը Ֆլորիդայից մնացել է մեկ «սփոփիչ մրցանակով»։

Շաբաթ օրը չորս նահանգներում որոշվում էր, թե ԱՄՆ նախագահի պաշտոնի թեկնածուներից ում կաջակցեն ազգային համագումարի 155 պատգամավորները. Համագումարը կանցկացվի ամռանն Օհայոյում։ Լուիզիանան համագումար կուղարկի 46 պատգամավորների, Կանզասը, Քենտուկին և Մենը, համապատասխանաբար, 40,46 և 23։ Այդ նհանգնռերում Կրուզն ունի 60 ձայն, Թրամպը՝ 46 ձայն, Ռուբիոն՝ 13։ Քսանութ պատվիրակների ձայները դեռ չեն բաշխվել դրանց հաշվարկի շարունակման պատճառով։

Նախորդ փրայմերիզների և կոկուսների Թրամպը հավաքել է 319, Կրուզը՝ 226, Ռուբիոն՝ 110 և Քեյսիկը՝ 25 պատգամավորի քվե։ Այժմ նրանց աջակցում են, համապատասխանաբար 373, 291,  122 և 33 պատգամավորներ ։

Հանրապետական կուսակցությունից ԱՄՆ նախագահի թեկնածու դառնալու համար հավակնորդը պետք է ստանա Քլիվլենդում (Օհայո նահանգ) հունիսի 18-21-ը կայանալիք կուսակցության համագումարի 2472 պատգամավորներից 1237-ի աջակցությունը։