Սնահավատությո՞ւն, թե՞ ներշնչանք

Ինչպես գիտեք, երբ 13 թիվը համընկնում է ուրբաթ օրվա հետ, ասում են, որ դա վատ նշան է, նույնիսկ այդ օրը անվանում են Սև: Բայց թե ինչու, շատ քչերը կարող են պատասխանել: Մարդիկ կարծում էին, որ այդ օրը չարքերը ազատ են արձակվում և վնաս պատճառում շրջապատին: Միգուցե դա միայն սնահավտություն է, բայց ոչինչ առանց պատճառի չի լինում: Բերեմ մի քանի օրինակ.

Խորհրդավոր ընթրիքի ժամանակ սեղանի շուրջ նստած էին 13 հոգի, եվ 13-րդը Հուդան էր, իսկ ուրբաթ օրը խաչեցին Հիսուսին:

Գերմանիայում կա լեգենդ, որում խոսվում է 13 աստվածների գալստի մասին, որոնցից 13-րդը` Լոկին, կռվի աստվածն էր և անհանգստություն և խռովություն բերեց երկրին:

Ֆրանսիայում 1300-ական թվականների այդ նշումներով օրը կրակի են մատնվել մի խումբ ասպետներ՝ իրենց ընկերոջ դավաճանության պատճառով:

Այս ամենը հաշվի առնելով` մեծ տարածում գտավ այդ սնահավատությունը, որի պատճառով մարդիկ նույնիսկ տներից այդ օրը դուրս չէին գալիս: Որպեսզի ժողովրդին բացատրվի, որ կարիք չկա վախենալու, 18-րդ դարում անգլիացիները մի նավ ստեղծեցին, որի անունը կնքվեց «ՈՒրբաթ» և հենց ուրբաթ օրն էլ դուրս եկավ ծով: Բայց այդ նավը իր անձնակազմի հետ որոշ ժամանակ անց անհետ կորած հայտարարվեց:

Իսկ ինչո՞վ է պայմանավորված սև կատուների հանդեպ ունեցած մեր առանձնակի վերաբերմունքը. սնահավատությու՞ն, թե՞ ներշնչանք:

Իմ հետազոտությունը ցույց տվեց, որ մեր նույն կուրսում սովորողներից Էմման, Լիլիանան, Գագիկը, Սամվելը, Սիրարփին, Վովան, Սուսիկն ու Ստելլան չեն հավատում 13 ու 666 թվերի առեղծվածներին: Սև կատվի հանդեպ միայն Լիանան բացասական վերամերմունք ունի, իսկ քննության օրերին բարձր ստացողները ձեռքները դնում են բոլորի գլխներին:
Թվերի մոգական ուժին վստահող ու սեւ կատվի վտանգավորությանը հավատացողնե՞րն են արդարացի, թե՞ նշանակություն չտվողները: Պատկերացնելու համար եկեք վերցնենք մի օրինակ, որը, իհարկե, ոչ մեր հերոսներով իրականացրել են ռուս հոգեբանները: Նույն սեւ կատուն անցնում է եւ՛ Լիանայի, եւ՛ Ստելլայի կողքով: Լիանան հավատում է, որ իր օրը վատ է դասավորվելու, իսկ Ստելլան նույնիսկ չնկատեց կատվին: Ի՞նչ է հետո լինում. հոգեբանների դիտարկումները ցույց են տալիս, որ Լիանայի կարգավիճակում եղածներն իրականում տեսնում են իրենց սպասելիքների իրականացումը: Նրանք, ովքեր անտարբեր անցան սեւ կատվի կողքով, ամբողջ օրվա ընթացքում չունեցան եւ ոչ մի արտառոց միջադեպ:

Այսպիսով եկեք հասկանանք՝ մարդի՞կ են դառնում իրենց ներշնչանքի ու սնահավատության զոհը, թե՞ սեւ կատուներն են ընտրություն կատարում մարդկանց միջեւ:
Հավատո՞ւմ եք, որ մտքերը նյութական են։ Ինչու՞ են որոշները հասնում բարձրակետին, իսկ մյուսները՝ ոչ։ Ի՞նչ պետք է անել, որպեսզի գաղափարը նյութականացվի։ «Գաղտնիքը» ֆիլմն ամբողջությամբ մտքերի և դրանց «օգտագործման» մասին է: Մի բան, որ անվանում ենք ներշնչանք: Բայց եկեք մեզ նայենք այլ տեսանկյունից. սկզբից մարդն ինչ-որ բան մտածում է, հետո այն հայտնվում է։ Նայենք շուրջներս. էլեկտրական լամպեր, սարքեր, կենցաղային իրեր։ Այդ գաղափարների համար մարդկանց մի ժամանակ այրում էին խարույկի վրա։ Հիմա պատկերացրեք. այն, ինչն ստեղծվել է, մի ժամանակ պարզապես գաղափար էր: Իսկ ինչ է գաղափարը, եթե ոչ այն, ինչն ամեն օր հետապնդում է մեզ. միտք, հորինված մի բան, որի տերը միայն մենք ենք:

Արուս Տիգրանյան