«Ինձ համար տղամարդը միջոց չէ, իմ դատարկությունը լրացնելու համար ...». Ինգրիդ Կոկչյանը` իր և Արման Մարգարյանի նախկին հարաբերությունների մասին

Հաղորդավարուհի, ով տարիներ առաջ համարվում էր ամենասկանդալայինը, քանի որ խոսում էր այնպիսի թեմաներից, որոնց մասին հանրությունը դեռ սովոր չէր լսել: Ամուսնանալով հայտնի հաղորդավարներից մեկի հետ, այնուհետև ամուսնալուծվելով՝ նա լռելու փոխարեն գերադասեց խոսել` բացահայտելով, որ տարիներ շարունակ ապրել է մի մարդու կողքին, ում կուրորեն սիրել է, սակայն նա, ի տարբերություն իրեն, երբեք չի փորձել լողալ հոսանքին հակառակ: «Չեմ պատրաստվում հաջող ամուսնանալ»,- հայտարարել է նա և շարունակում է միայնակ մեծացնել որդուն` չդադարելով ուշադրության կենտրոնում լինել:

 

Այսօր Ձեզ ենք ներկայացնում սկանդալային հաղորդավարուհի Ինգրիդ Կոկչյանի կյանքի որոշ մանրամասներ, ով ժամանակին հանդես էր գալիս Աննա Կոկչյան անունով:

 

Ամուսնացած լինելով հաղորդավար Արման Մարգարյանի հետ՝ նա կարողացավ միայնակ մեծացնել իր տղային` Անրիին:

 

«Երբ մենք բաժանվեցին, հարաբերությունները բավական վատացան: Նա մեկնեց Ռուսաստանի Դաշնություն, իսկ ես մնացի այստեղ` իմ դաժան կյանքը վայելելու: Մեղավոր էինք երկուսս. նա այդքան հասուն չէր, որ ճիշտ արտահայտվեր, իսկ ես այդքան հասուն չէի, որ նրան մտածելու ժամանակ տայի: Նրան անվայել վիրավորանքներ շռայլելով՝ ես ինձ չեմ արդարացնում, շատ սխալ եմ եղել, երբեք նման բան չեմ անի»,- խոստովանել է դերասանուհին:

 

Վիրավորանքներ ու մեղադրանքներ. ահա սա տեղի ունեցավ նրանց բաժանումից հետո: Հաղորդավարուհու խոսքով՝ իրենք պարզապես իրար չհասկացան և այլևս չկար այն հետաքրքրությունը, որը միավորում էր իրենց:

Սակայն այդ լարված հարաբերությունները շատ երկար տևեցին: Արմանի՝ Հայաստան վերադառնալուն պես նրանք հասուն մարդկանց նման կարողացան խոսել ու հասկանալ: Չէ՞ որ նրանց միավորում էր համատեղ որդին` Անրին:

 

«Ես Արմանին կուրորեն էի սիրում. ինքս հոսանքին հակառակ էի լողում, իսկ ահա Արմանը լողում էր հոսանքի ուղղությամբ: Մեր համատեղ կյանքի ընթացքում միշտ ես եմ գործողը եղել, իսկ տղամարդը թույլ էր»,- ասել է նա:

 

Տարիների ընթացքում մարդիկ հասունանում են և սկսում են թացը չորից տարբերել: Հաղորդավարուհին համարձակ է ոչ միայն իր լուսանկարներում, այլև իր հարցազրույցներում ու գրառումներում: Բազմաթիվ հարցազրույցներում նա նշել է, որ իր կյանքի համար որդեգրել է երբեք չամուսնանալու կարգախոս:

 

«Տարիներն ինձ ավելի հասուն են դարձրել: Եթե ինձ հարցնեին՝ ինչ կփոխեիր քո կյանքում, կպատասխանեմ՝ ամեն ինչ հիմնովին կփոխեմ, կթողնեմ միայն Արմանին, քանի որ նա ինձ պարգևել է իմ Անրիին»,- ասում է Կոկչյանը:

 

Այսօր սկանդալային հաղորդավարուհու անձնական կյանքում ամեն ինչ կարգին է: Նա ունի ընտրյալ, ում հետ պարբերաբար լուսանկարներ է հրապարակում իր ֆեյսբուքյան էջում: Իր հարցազրույցներից մեկում նա նշել է, որ այն տղամարդը, ում հետ լուսանկարներ է հրապարակում, նա է, ում հետ իրեն «շատ-շատ լավ է զգում ...»:

Պատրաստեց Past.am-ը: