ՀՀ գինեգործները Գերմանիայում
БЛОГՆարեկ Սարգսյանը Ֆեյսբուքյան իր էջում գրում է.
Արտաքին շուկաներում տեղական բրենդների ներկայացվածության գործում իրենց ուրույն դերը ունեն ցուցահանդեսները: Լրագրողների հետ հարցազրույցի ժամանակ Հայաստանի զարգացման հիմնադրամից տեղեկացրել են, որ վերջիններս հայկական յոթ ընկերությունների հետ համատեղ մարտի 13-15-ը մեկ միասնական տաղավարով Գերմանիայի Դուսելդորֆ քաղաքում մասնակցում են «PROWEIN՛2016» գինու և ալկոհոլային խմիչքների միջազգային մասնագիտացված ամենամյա ցուցահանդեսին:
Վերը նշվածը Եվրամիության առաջատար և աշխարհի հանրաճանաչ ցուցահանդեսներից մեկն է, որին այս տարի ներկայացված է շուրջ 6000 մասնակից ավելի քան 50 երկրից: Հատկանշական է, որ սպասվում է 52 հազար մարդու այցելություն: Հայաստանի զարգացման հիմնադրամն հիշյալ ցուցահանդեսին հայկական ընկերությունների մասնակցությանն աջակցել է արտահանման խթանմանն ուղղված կառավարության քաղաքականության շրջանակում։
Ցուցահանդեսին մասնակցելը միտում ունի խթանել հայկական գինեգործության ոլորտի զարգացումը, նպաստել ԵՄ շուկայում հայկական գինեգործական արտադրանքի ճանաչելիության բարձրացմանը և արտահանման ծավալների աճին՝ Հայաստանի զարգացման հիմնադրամն արդեն երկրորդ անգամ է մասնակցում այս ցուցահանդեսին, ինչը համահունչ է գինեգործության զարգացման ռազմավարության շրջանակում իրականացվող աշխատանքներին: