Նոր Ընտրական օրենսգրքի նախագծի մի քանի առանձնահատկություններ, որոնք դեռևս վերաիմաստավորելու կարիք ունեն

Գարիկ Ղուկասյանը Ֆեյսբուքյան իր էջում գրում է.

Ներկայացնում ենք նոր Ընտրական օրենսգրքի նախագծի մի քանի առանձնահատկություններ, որոնք դեռևս վերաիմաստավորելու կարիք ունեն այն կուսակցությունների կողմից, որոնք ցանկանում են մասնակցել Վանաձորի համայնքի ավագանու ընտրություններին;Ներկայացնում ենք նոր Ընտրական օրենսգրքի նախագծի մի քանի առանձնահատկություններ, որոնք դեռևս վերաիմաստավորելու կարիք ունեն այն կուսակցությունների կողմից, որոնք ցանկանում են մասնակցել Վանաձորի համայնքի ավագանու ընտրություններին;

1. ԸՕ 105 հոդվածը սահմանում է, որ 70 հազար և ավելի ընտրողներ ունեցող համայնքների ավագանին պետք է բաղկացած լինի 33 ավագանիներից: Սա նշանակում է, որ, անկախ արտագաղթի տեմպերից և ընտրողների ցուցակների ճշտումից, ամեն գնով պետք է ապահովվի Վանաձորում ցուցակային 70 հազար ընտրող քանակը: Այդ դեպքում կուսակցությունները և դաշինքները կարող են ներկայացանել ավագանու թեկնածուներ ոչ պակաս՝ քան 15-ը, և ոչ ավելի՝ քան 99-ը (ոչ ավելի , քան օրենքով սահմանված ավագանիների քանակի եռապատիկը):

2. կուսակցությունների և դաշինքների ավագանիների թեկնածուների ցուցակում անկուսակցականների քանակը չի կարող գերազանցել ցուցակային քանակի 30 տոկոսը: Բացի այդ, կուսակցությունները և դաշինքները պարտավոր են իրենց ցուցակներում 2-րդ համարից սկսած ցանկացած ամբողջ թվով հնգյակներում (2-6,2-11,2-16,…) և այդպես շարունակ , ապահովել յուրաքանչյուր սեռի ներկայացուցչությունը, սակայն մեկ սեռը չի կարող գերազանցել ցուցակային թվի 80 տոկոսը:

3. Վանաձորի ավագանու ընտրություններում կուսակցությունների և դաշինքների համար սահմանված է անցողիկ շեմ, կուսակցությունների համար կողմ քվեարկած ընտրողների ընդհանուր թվի 6 տոկոսը, դաշինքների համար՝ 8 տոկոսը:

4. Ընտրությունների արդյունքում 33 ավագանու մանդատների բաշխումը կատարվելու է թվաբանական գործողությամբ: Կուսակցություններին և դաշինքներին կողմ քվեարկած քվեաթերթիկների թիվը բազմապատկվում է 33-ով, բաժանվում է կողմ քվեարկած քվեաթերթիկների ընդհանուր թվին և վերցվում են ամբողջական թվերը:

Սակայն շփոթի հիմնական պատճառը նոր օրենքի նախագծով սահմանված քվեաթերթիկներն են: Քվեաթերթիկներում գրվելու է միայն կուսակցությունների և դաշինքների ավագանու անդամության թեկնածուների ցուցակների միայն առաջին երեք թեկնածուների անուն, ազգանուն և հայրանունները: Ցուցակային մնացյալ թեկնածուների անունները ընտրողն ընտրելու պահին չի տեսնելու: Սա նշանակում է, որ կուսակցությունների և դաշինքների ավագանու թեկնածուների ցուցակներում 3-րդից հետո անհատների ռեյտինգը որոշվելու է ոչ թե ընտրողի միջոցով, այլ՝ ներկուսակցական ինտրիգների արդյունքում :

Մինչդեռ չի բացառվում, որ , օրինակի համար, որևէ կուսակցության , ասենք՝ 10-րդ համարի թեկնածուն ավելի մեծ քվեների հավակնորդ լինի, քան ցուցակային երկրորդ համարը: Ամեն դեպքում ներքին հակասություն է առաջանալու ցուցակային առաջին երեք դեմքերի և մնացյալի միջև: