Բրյուսելում ստեղծվել են փոխօգնության ցանցեր. ակտիվ է նաև հայկական համայնքը

Բրյուսելում ստեղծվել են փոխօգնության ցանցեր. մարդիկ, այդ թվում՝ հայ համայնքի ներկայացուցիչները, սոցիալական ցանցերում բացված հարթակներում ակտիվ հաղորդակցվելով, օգնության են հասնում միմյանց, ավտոմեքենա ունցողները մեքենայով հասնում ու տեղափոխում են մեքենա չունեցողնրին: Այս մասին Բրյուսելից & laquo;Արմենպրես»-ին պատմեց հայ համայնքի ներկայացուցիչ Մարինե Ստեփանյանը՝ մանրամասնելով, որ հասարակական տրանսպորտի չգործելու պատճառով մարդիկ տեղաշարժման խնդիրներ ունեն և սոցիալական ցանցերում ստեղծված խմբերում հայտնում են իրենց գտնվելու վայրը. նրանց օգնության են հասնում այն մարդիկ, ովքեր ունեն մեքենաներ և տեղաշարժվելու են միևնույն ուղղությամբ: Նա նշեց, որ տեղեկություններ ունեն բոլոր այն հայ ընտանիքներից, ում ճանաչել են Բելգիայում գտնվելու մի քանի տարիների ընթացքում:«Օրվա ընթացքում բոլորը կապ են հաստատել միմյանց հետ ու հÕ �վաստիացել, որ ամեն ինչ կարգին է: Անգամ կարողացել են միմյանց օգնել ավագ դասարաններում սովորող իրենց երեխաներին դպրոցներից տուն տեղափոխելու հարցում: Կրտսեր դասարանցիներին և մանկապարտեզների սաներին ծնողները կարողացել են վերցնել միայն անձը հաստատող փաստաթղթերով, սակայն ավագ դպրոցներից երեխաներին տեղափոխելու հարցում աշխատել է փոխօգնության սկզբունքը. ծնողներից մեկը դպրոցից վերցրել ու իր մոտ է պահել մի քանի երեխաների մինչև ծնողները կարողացել են ազատվել աշխատանքից և տանել իրենց երեխաներին»,- պատմեց Մարինե Ստեփանյանը:

Դպրոցներում երեխաներին ուտելիք են բաժանել, քանի որ թույլ չեն տվել նրանց դուրս գալ ոչ մի դասամիջոցի: Ամեն դեպքում, Ստեփանյանի փոխանցմամբ, հայկական համայնքում, չնայած իրավիճակից բխող վախի զգացմանը, երկրում հայտարարված եռօրյա սգին, տխրությանն ու ափսոսանքի զգացմանը, խուճապ չկա: Մարդիկ գիտեն, որ հաջորդ օրերին կյանքը պետք է շարունակվի բնականոն հունով, գործելու են դպրոցներն ու մանկապարտեզները: Հայկական համայնքը պատրաստ է, որպես Բելգիայի օրինավոր քաղաքացիներ, ցուցաբերել միասնականություն պահպանել հանդարտություն ու լայնախոհություն:  

Մարտի 22-ի առավոտյան երկու պայթյուն Է որոտացել Բրյուսելի օդանավակայանում: Երկրի իշխանությունները գտնում են, որպայթուցիկ սարքերից մեկը կարող Էր գործի դնել մահապարտ ահաբեկիչը: Երրորդ պայթունը որոտացել Է մետրոյի «Մալբեկ»կայարանում՝ գնացքի վագոնում: Ահաբեկչական գործողությունների հետեւանքով զոհվել Է առնվազն 34 մարդ, վնասվածքներ ենստացել եւս գրեթե 200-ը: Բելգիայի վարչապետ Շառլ Միշելը պայթյունները որակել Է ահաբեկչական գործողություններ:Բրյուսելում կատարված ահաբեկչական գործողւթյունների պատասխանատվությունն ստանձնել Է «Իսլամական պետություն»ահաբեկչական խմբավորումը: Բելգիայում պահպանվում է տագնապի չորրորդ աստիճանը: Դադարեցվել էր հասարակական տրանսպորտի աշխատանքը, Բրյուսելի օդանավակայանը հետաձգել էր բոլոր չվերթները:

Բելգիայի Թագավորությունում Հայաստանի դեսպանությունը բելգիական կողմի հետ ճշտում է` արդյոք ահաբեկչության զոհերի ևվիրավորների շրջանում կան ՀՀ քաղաքացիներ կամ հայազգի անձինք: Դեսպանությունը մշտական կապ է պահպանում Բելգիայիկառավարության համապատասխան օղակների հետ` հետագա իրավիճակը պարզելու նպատակով: